طرابيش جرين 1

حاجه لونها احمر وليها ديل اسود بتكبس على الدماغ
تخلي الواحد لا مؤخده عميان
مش شايف ولا سامع ولا فاهم حاجه زي الي على دماغه بالظبط طربوش
زمن الطرابيش راح وولى
بس الظاهر والله اعلم ان الطرابيش عايشا معانا بروحها
وبيبقا البني ادم قدامك وشايفك وسامع كلامك ولا هو هنا تقول في سرك ده طربوش كبيير
والطرابيش مش على الدماغ لا دي على العقول نفسها
واصبحت بلدنا بلد الطرابيش
مش مهم افهم مش مهم اعرف مش مهم اكون احسن المهم
اعمل الي في دماغي وخلاص
هو ده الي هيريحني
عنده حق الي قال اصحاب العقول في راحه
انا بقا بقول اصحاب العقول لابسين طرابيش
ولو هنتكلم على حجم الطربوش هنلاقي ان الطربوش وان سايز
يعني الي بيلبسو واحد ممكن يلبسو ميت واحد
وفي الاخر انت ممكن تشوفهم على هيئة واحد
وده الي بيدي سمه مميزه لشعب بحاله تلاقيه نفس التفكير نفس الميول نفس الاتجاه
بس انه تفكير وانه اتجاه الي طالع من تحت الطربوش......طبعا حاجه صعبه
الطربوش اول مابيركب على الدماغ بينزل السوفت وير بتاعه
يعني زي ماتقول كده انت شغال بنظام الطربوش ويندوز والنظام ده اثبت كفائة غير عاديه مع
المصريين تلاقي والواحد من دول مصدرها ولابس الوش الخشب وعامل فيها بيل حيتس
وهوا ناسي اسمه
الحقيقيه يا اصدقائي الموضوع خطير جدا مبقاش حد قادر يفكر ولا حد قادر يتغير
ولا حد راضي يقبل الاخر ولا راضي يقبل التغييير
كلنا بقصد او بدون مرتاحين اوي على الكراسي الي قاعدين عليها مع ان محاولناش ن
جرب اوضاع تانيه ممكن تكون اكثر راحه مقفولين على ذاتنا جدا ولبسنا الطرابيش في زمن المنافسه الشرسه
وبقينا طرابيش قاعده على كراسي

اقلع طرابيش البس طرابيش
عقل مافيش فكر مافيش
دناس ملهاش غير في اللتنتيش
وتلاقي الواقت ضايع على مفيش
وان قولت تعيش صعب تعيش
من غير ماتقابل الطرابيش

ولسا في باقي

ههههههههههههههه
حلوة حتة وان سايز دى يا جرين
بس بصراحة عندك حق
بس يا ريت المرة الجاية تناقش معانا حلول
مش مجرد رصد لظاهرة الطرابيش
وميرسى على موضوعك

سايتو الجميل انت فين
بص والله ان فكر ت في حل لموضوع الطرابيش والحلول
اكيد جايه انا ابتديت بس
ولسا في باقي
انت نسيت النظام ولا ايه
واليك هذا الطربوش هديه مني ليك
طرابيش جرين 1 Jelly-1

هههههههههههههههه
ماشى يا عم جرين انا موجود وانت والله واحشنى مووووت
ومستنى الحل وميرسى على الطربوش
بس كنت مستنيه اخضر زى قلبك

متهيئلي انت بتتكلم عن التمسك بالرأي
او بعني آخر اللهم رايي مش كدة؟
عموما في ناس كتير اوي متمسكة برأيها من غير ما تدي نفسها فرصة تسمع الرأي التاني
و انا واحدة من الناس بيبقي صعب عليا جدا اني اتعامل مع الناس دي و لو فرضت عليا الظروف حاجة زي دي
بلاقي نفسي لا إراديا كدة بعمل زيهم
عشان اقدر اتعامل معاهم
ببقي قاعدة اتكلم اتكلم و في الاخر الاقي اللي قدامي بيناقشني في حتة تاني خالص و بيبقي في الحالة دي دفاعي الوحيد
اني انا كمان احول اوضح رأيي بنفس طريقتهم
و عايزة اقول حاجة بخصوص الموضوع دة
لقد اسمعت لو ناديت حيا و لكن لا حياة لمن تنادي
انت اية رأيك في الموضوع و طريقة الدفاع دي
بشكرك يا جرين علي الموضوع المهم دة

هاي ايجبت

اولا انتي لمستي جزء من الموضوع وهو التعصب او التمسك بالراي
بس انا بتكلم بشكل عام على حاجات وسلبيات كتير في اسلوب التفكير

بالنسبه لطريقة دفاعك طريقة منطقيه جدا
وصح اوي بس عايزا انك تعرفي الي قدامك بيفكر في ايه بالظبط عشان تكلميه بلغته الي يفهما
لان في ناس تقول كلام غير الي تقصده يخليكي تردي رد غير الي هما عايزين يسمعوه
وبدا مايبقا الغلط منهم يبقا الغلط منك انتي
هيا مسئله صعبه شويه بس اكيد هنوصل لحل يرضي جميع الاطراف

طبعا مش هينفع اهديلك طربوش زي سايتو اتفضلي التاج المتواضع ده
طرابيش جرين 1 Daily.423483

ولسا في باقي

سايتو الجميل
طبعا انا مقدرش اتاخر عنك انت عارف
كنت عايز طربوش اخضر اتفضل يا معلم اخضر اخضر

طرابيش جرين 1 Fez_green-white_lrg

بشكرك طبعا علي التاج التحفة دة و الله جميل جدا

بص يا سيدي انا مشكلتي اني بدقق اوي يعني كدة كدة لازم افهم اللي قدامي و ممكن

اعرف هو عايز يسمع مني انهي رد بس انا ممكن مكنش مقتنعة بالرد دة و عشان كدة

مبردش عليه باللي هو عايزة او ممكن اقله ان انا مش مقتنعة برأية دة

و كتير من اصحابي بيقلولي كبري دماغك علي اساس ان ممكن تكون العلاقة اللي

بيني و بين اللي قدامي سطحية و مش هتفرق بقي لو اقتنع او لأ

بس انا بحب اوي اقول رأيي و اتناقش حتي لو مع انسان علاقتي بيه سطحية

اما بقي بالنسبة للسلبيات اللي في التفكير دي بقي اصعب و اخطر و صعب انها تتغير

انا عن نفسي بحب جدا ان حد يوضحلي سلبياتي و يكون صريح معايا و ساعتها بعرف

ان الانسان دة فعا بيتمنالي الخير

بس طبعا الناس بتختلف

و شكرا مرة تانية علي الموضوع

اسلوبك جميل جدا انا بحيكي عليه
بصي الافضل طبعا انك تقولي انك مش مقتنعه بالكلام ده افضل من انك مترديش
وانتي صح جدا في موضوع عدم تكبير الدماغ لانك مجرد انك اتكلمتي مع انسان
اي انسان بصرف النظر مهم بالنسبالك ولا لأ لازم يكون في احترام لعقلية الي قدامك
وبالمنطق كل شيئ يتضح
ده كلام سليم جدا
احنا كلنا طبعا بنعاني من عدم اتفاق الفكر والاراء
بس الاصعب من عدم الاتفاق عدم الرغبة في الاتفاق ويبقا العناد والاصرار نابع من دوافع
شخصيه دي بتبقا استحاله توصلي معاها لحل وسط يرضي الطرفين
بس لاذم يكون في حل برضه كده ممكن نخسر كتير

بس الاصعب من عدم الاتفاق عدم الرغبة في الاتفاق
صح جدا و دي اساس المشكلة مع اني ساعات اللي قدامي بيضطرني اني اعمل كدة
و ابقي زيه عشان اقدر اتعامل معاه هو غلط بس انا مبقدرش امسك نفسي
اي انسان بصرف النظر مهم بالنسبالك ولا لأ لازم يكون في احترام لعقلية الي قدامك
و دي كمان جملة حلوة جدا و ان شاء الله همشي بيها
و في انتظار الباقي يا جرين

وانا كمان مستنى يا عم جرين
وابقى طمنا عليك

اشترى اب وام بالتقسيط على
https://alsunawy.ahlamontada.com/montada-f36/topic-t3211.htm

فل عليك

اولا الموضوع محتاج نحكى فيه ساعات

بس اولا لو رجعنا ورا لازم نعرف مين الى كان بيلبس الطربوش

كان بيلبسه المثقفين والمتعلمين

لكن حاليا بيلبسه الى عامل نفسه مثقف ومتعلم

وهو ابيض

بنقابلهم كتير فى كل مكان بتوجدنا الظروف فيه

لان يمكن احنا مبئاش عندنا ثقافه المجادلة

اتعودنا بناخد القرار بيطبق بدون مناقشة

الى بيحصلش فى مجلس الشعب

بيحصل فى اى مجلس صغير

بالنسبة لمناقشة ايجبت بشوف دايما كل يوم فيكى صفة جديدة ورائعة

لازم تتمسكى برايط طول ماهو صح حتى لو موضوع صغير

لانه جزء من شخصيتك فعلا

وجزء حلو كتير

منتظرين منك ياجرين

طرق معالجة الطرابيش الى بنقابلها فى حياتنا

لانهم وياااء فعلا

الطربوش علاجه صعب

بس مش مستحيل بس المشكله في الطربوش انه لازم يكون هو نفسه عنده

استعداد انه يتغير ويتقبل النقد والشكل الجديد

في ناس صعبه جدا وفعلا ممكن يبقا الحل هو البعد عنهم بس ده الحل السلبي

احنا كده هنبعد عن مين ولا مين هنخسر كتير

طيب خلينا نفكر في احسن الوحشين والقريببن والي يهمنا امرهم الاول

ونبدا بنفسنا عشان منظلمهمش ونخلع الطرابيش ونتكلم

هنجرب كذا طريقه

الطريقة الاولى

اننا نسمع بس ونفهمهم على قد مانقدر ونستوعبهم كويس جدا ونحط خط تحت الغلط ونعدي الصح وبعد شويه بالموقف مش بالكلام لان الانسان في الغالب مابيتعلمش بالكلام

لاذم يتاثر بالموقف عشان يحصل تغير لو قدرنا نصنع الموقف ممكن نكسب نقطه ويبدا الي قدامنا طريقته تتغير وتفكير واسلوبه يتعدل

حاجه كمان انا لاحظتها في الطربوش

انه لو وجهتله تقد يزعل جدا ويتاثر لان شخصيته عنده من شخصية كلامه يعني لو قطعة كلامه او صادرت عليه ممكن يكرهك

هو بيديلك احساس انه عايز يسمعك لكن في نفس الوقت نفسه يسمع كلام يعجبه ... في العادة بيحب المجامله جدا

لاذم ناخد بالنا

الطريقة الثانيه

هي طريقة قاسيه شوية لكن نتيجتها اسرع بكتير بس ممكن تخلي العلاقه فيما بعد مش متصله بس ساعتها يكون الدرس وصل

وهيا التركيز على سوء الفهم باستمرار والهجوم الحاد عشان نوصل انه يبدا يشك في اراءة ولو ده حصل ممكن نفتح بيه باب التغيير للاحسن

ولسا في باقي