مشكله تقابل طلاب الالسن

يا جماعه انا واثقه ان شاء الله في دكتور سيد انه حيغر كل حاجه للصح بس احنا نكون معاه ونأوله علي المشاكل كلها

ايه يا جماعة
دا انا داخل المنتدى عشان حد يعلمنى اللغة
طلع الكل بيشتكى من التعليم فيها
هتخلونى اغير رايى فى الكلية ليه

السلام عليكم انا فى اول سنه ليه فى الكليه والحمد لله جالى اكتئاب وحالتى النفسيه ذى الزفت

اولا انت لازم تنسى الاكتئاب خالص لانه مينفعش مع اللغات بعدين كل كليه وليها مشاكل انا فى عين شمس صحيح عندنا مادة استماع ومحادثه لكن احنا اصلا بنخاف نقوم نتكلم مع الدكتور يعنى عدد محدود الى بقوم وبيتكلم لكن الاراده لازم تكون نباعه من جواكى هتعلم يعنى هتعلم وهتكلم يعنى لازم اتكلم وتعلم اللغه بيعتمد اعتماد كبير على الحفظ يعنى لازم تحفظ كلمات ازمنه تعبيرات يعنى كل شىء عنها بعدين الطلبه بيتهيا لهم ان الماده دى مش مهم يعنى ايه لزماتها ناخدها ليه لكن بيعرف انه كان لازم ياخدها بعدين اما الكليه فاحنا كمان عندنا مواد كتير لكن الدكاتره صرحه معانا يعنى مش هنقدر نديلك كل الكلامات ولا التعبيرات لازم يبقى فى مجهود ذاتى ودا صح كمان لازم تعودى نفسك انك تحاولى على قد ماتقدرى تتكلمى بالغه الى بتتعلميها حتى لو بينك وبين نفسك علشان لسانك يتعود عليها متبقاش تقيله وانتى بتتكلميها وتسمعى اللغه كتير من تلفزيون او راديو علشان ودنك تتعود عليها فى البدايه هتلقى صعوبه جامده فى الفهم لكن بعد كده هتتعودىوتفهمى سهل لانك هتبقى اتعودتى عليها بس انتى احفظى افعال كتير لانها اساس الجمله وديما حددى هدف علشان يساعدك ويخليك تجاهدى وتتعبى اكتر واكتر واتمنالك التوفيق

ليه يا جماعة كده
لا احنا كليتنا حلوة جدااااااااااااا وعندنا مادة استماع ومحادثات وبنمتحن فيها مع الدكاترة العمالقة اللى بيدققوا على كل حاجة وبيجوا الالمان وبنتكلم معاهم وجها لوجه
معلش لو بتكلم بقلة ذوق بس انا بحب ادى كل واحد حقه وانا شايفة ان السن من احسن الكليات ويمكن كمان احسن من السن عين شمس عشان العدد قليل وده بيديك فرصة انك تتكلم اكتر

بجد موضوعك مهم جدا............ودي حقيقي مشكله موجودة في الكلية
اولا اللغة 99% كلام واستماع و1 في المية بس كتابه وقراءه
دا طبعا من وجهة نظري
عندنا بقا في الكلية العكس مهتمين بالحفظ أكتر من اي حاجه مع أن تعلم أي لغة بيعتمد تقريبا على الممارسة
يعني طول مانتا مش بتمارس اللغة ومش بتتكلم عمرك ماهتتعلم اللغة
وهتلاقي نفسك حافظ كلمات كتير ممكن القاموس بحالو بس للأسف مش قادر تستعملها
غير كدا لو مكنتش هتتتكلم باللغة الي بتتعلمها في كليتك هتتكلم فين؟؟؟؟؟
يعني مثلا الانجليزي ممكن تتكلم انجليزي برا الكليه وهتلاقي شريحة كبيرة من الناس بتفهمك
بس المشكلة في اللغات التانيه
يعني أنا مش جاية الكلية عشان أحفظ شوية كلمات
بجدعايزة اطلع بتكلم لغة
وانا معاك في أن الدكتور لازم يجبر الطالب أنو يتكلم
يعني المحاضره لازم يكون فيها نقاش وحوار
وتفاعل بين الطلبه والدكتور
حتى لو الطالب مش بيعرف يتكلم وبيتحرج
مش مشكله
لأن لو ما اتعلمناش واتدربنا في كليتنا
..........هنتعلم فين؟؟
وبجد ميرسي ليك مرة تانيه على الموضوع دا

علي فكرة دي مشكلة مهة جدا ومدايقة كل اللي في الكلية بس انا ملاحظةان كل اللي المعلق تقريبا اتخرج يعني ماشافش التطور اللي قد يكون بسيط مثلا وجود خبرة وجود دكاترة فاهمين المشكلة وبيحاولوا يعالجوها وانا بقدملوهم خالص الشكر لاني فعلا بحترهم مثلا دكتور علاء ود.رشا ومعلش لو الكلية مقصرة في حكاية النطق احنا نحاول نتطور م نفسنا من خلال الكورسات وربنا يوفقنا جميعا