مشكله تقابل طلاب الالسن

انا معاك فى مشكلة انا عايزة اقولك انه فترة الاجازة بحس مثلا انى نسيت الى اخدته كله فى 9 شهور

للاسف هو دا حال الكلية

بس ده كان زمان انا اتوقع يكون في تغيير قريب
انا شايف ان الدكتور سيد عنده افكار للتغير من حال الكليه
ربنا يوفقه يا رب
ولازم احنا برضه نساعده على كدا بتقديم الأشياء الخاطئة في الكليه
الطلاب بتخاف جدا علشان موضوع الدكاتره هو عندهم حق في كده
بس لازم حد شجاع يتكلم ولازم نشوف ده من العميد اولا

اولا مشكورين على مشاركتكم معى فى الموضوع وردكم
وادينا قلنا اللى احنا شايفينه
فياريت توصلوا صوتنا للمسؤلين
مع العلم انا اخر شهر ليا فى الكليه
بس حبيت يعنى اوضح راى فى اللى شفته كله
لعل الاجيال للى بعدى تسفيد
وجزاكم الله كل خير

بص يا عبده الى انت بتقلوا دا مكلوا حلو اوى
طب ليه بقى ماحضرتش الساعه الحره وقولت فيها كل دا
للعلم الى انت قولتاو دا اتقال
ودكتور سيد بدا فعلا ياخد الشكاوى ماخد الجد
وان شاء الله هيغير وهيعمل حاجه
بس الصبر
ماينفعش كل حاجه من يوم وليله
بشويش
وبعدين لازم الطلبه هلى الى تشجع
يعنى مثلا فى موضوع الكلام دوا انا كان نفسى نعمل فكره الانجلش زون عندنا فى قسم المانى بس للاسف مالقيتش حد يشجعنى
كل الطلبة سلبيين ومالهمش نفس يشاركوا فى اى حاجه خالص
مش عارفه ليه
لازم نتغير احنا الاول قبل مانطليبب منهم التغيير

انت كنت مع الدكتور ولا كنت بتلعب كوره
وعامل فيها حكم

ان شاء الله يا عبده نحاول نعمل حاجه

اذا اردت شيئا ان يتغير فابدا بنفسك ثم حاول مع الاخرين
واوعي تغير المحطه

شكرا على المرور والتعليق
جزاكم الله كل خير

شكررررررررررررررا ياعبدو

انا شايفه زى ما دكتور سيد قااال....... ان كليتنا بتعرفنا الطريق اللى المفرووض نمشى فيه وبتسيبنا نعتمد بعد كده على نفسنا فى اتقان اللغه.......بتدينا زى مفاتيح واحنا بقه اللى علينا اننا نفتح الابواب لنفسنا وندور فيها ع اللى احنا محتاجينه.........
وانا من راأيى ان لو حد فينا حاطط فى دماغه قوى انه يتقن اللغه هيتقنها.......بس اهم حاجه الاراده والاعتمااد على النفس.......مشكلتنا اننا لحد دلوقتى عايزين اسلوب المدرسه وان كل الممسوليه تبقى على المدرسيين وبس........مش قادرين لغايه دلوقتى نحس بالمسؤليه ونعتمد على نفسنا.......(وده مش كلنا طبعا)

ومنين الواحد بيقول انه عايز يتقن اللغه........ومنين بيقوول انه عايز يخلص المنهج اللى عليه الاول..........
لازم ندخل المكتبه ونقلب فى الكتب ونصور منها على طوول عشان يبقى عندنا مكتبه خاصه بينا بعد ما نسيييب الكليه.....وعلى فكره مكتبتنا فيها كتب رهيبه بس احنا اللى مش مدين لنفسنا فرصه............
ولو فكرنا كمااان اننا ندخل ع النت على برامج تعليم اللغات ونستفييد منها
انا يا جماعه ما بقولش ان انا بعمل كده.......بس ع الاقل مقتنعه بالموضوع.....وعارفه انى للو ما اتقنتش اللغه هيبقى التقصير منى انا مش من الكليه......انا بتكلم على قسم اسبااانى.....بصراااه الدكاتره مدينا حقنا وزياده......(مش كلهم بعنى)......بس احنا اللى بندلع.....

ميرسى يا ابو زياااد على موضوعك الجمييييييييل........وارجو ان رأيى ما يكونش ضايقك

احييك على رايك يا ندا

ميرسى قوى يا مى يا حبيبتى

والله كلامك كله صح وفعلا لازم كلنا نحاول نتغير

انا برضة مع راى عبدة
بس ممكن يكون عندى الحل
لية الكلية متخليش فى مادة محادثات ذى عين شمس
او ممكن تخلى فى محاضرة محادثات اللى عايز يحضهرها يحضهرها واللى مش عايز بلاش

عندك حق فى كل اللى قلته ويا ريت الكليه تاخد خطوه ايجابيه وبعدين ليه ميبعتوناش مع افواج سياحيه علشان نمارس اللغه مع ناسnative
وخصوصا طلبة
english
بيعانو من مشكلةال
native
ومنها يبقى عندتا
EXPERIENCE
ولا ايه ياجماعه بس انا شايفه ان بقى فى فالاخر انشطه جميله تساعد على ممارسة اللغه زىال
ENGLISH ZONE
شكرا علي الموضوع الهاايل ده

موضوع حلو جدا بس بالنسبه لينا بيجى بعد فوات الاوان منفكرس فى اللى حصل المهم نفكر هنعمل ايه بعد كده
اما للموجودين فى الكليه فده لو حصل هيبقى حلو جدا ليهم
شكرا على الموضوع

احب اقول ل
KING OF LOVE
ان الاوان مفتش ولا حاجه انت ممكن تقوى نفسك فى اللغه
بس حبها الاول وانت هتبقى عاوز تتحسن اكيد
وبعدين علشان ربنا يكرمك فالشغل
ولا ايه؟؟؟

انا قصدى تنميه قوتى فى اللغه فى الالسن خلصت لان انا خلصت لكن لسه الطريق قدامى فى اللغه وانا خريج السن ايطالى و بحب لغتى جدا
و سورى لانك فهمتينى غلط
و شكرا على ردك الجميل

انا اللى سوري ان فهمتك غلط
شكلى هيست علشان عاوزه انام
ربنا معاك ان شاء الله وربنا يكرمك