ممكن حد يفهمنى ؟

ممكن حد يفهمنى؟
يعنى ايه مش فاهم ، ممكن حد يقولى ازاى بيتعمل مسابقه ملك وملكه جمال طلاب الجامعه فى بيروت.
انا ازبهليت لما شوفت برنامج عيون بيروت النهارده الصبح على قناه اليوم، لما لقيت البرنامج مستضيفين الفائزين فى المسابقه .
يعنى ايه مش فاهم ، ممكن حد يقولى ،هى الجامعه بقت مكان لتنافس الجمال ولا العلم ، طب لو المسابقه دى اتعملت فى مصر ، هيكون ايه رد فعلك ، هيكون ايه موقفك .
لأ وايه استنى لما تعرف الاختبارات اللى عملوها الطلبه دى ، هى على فكره تقربياً نفس اختبارات ملكه جمال العالم ، يعنى ببساطه بيقيسوا مقاسات كلو وكده عينى عينك وتفرج يا سلام على طلبه الجامعه.
انا تقريباً كان هيجيلى شلل كلى وانا كنت بتفرج على البرنامج.
على فكره البرنامج ده اعادته النهارده بعد برنامج عمرو اديب "القاهره اليوم" . على قناه اليوم
بقولكم شوفوا الاعاده علشان مش هينفع احكى اكتر من كده.
وبيتهيألى ان المسابقه دى امتداد وجزء لا يتجزأ من برنامج ستار اكاديمى. وكل ده صنع فى بيروت ،الحمدلله مش من مصر.
بس فى الاخر بسأل سوال محيرنى؟ وياريت الكل يجاوب عليه ، او اعتبروه استفتاء.
هل تتقبل ان يكون فى الجامعات المصريه مسابقه لملكه وملك جمال طلبه مصر؟

RASMY
2008