مين اللي قال البنت زي الولد ..؟!

اطلقت سعاد حسني الشهيرة ..بالسندريلا (( بالمناسبة سندريلا دي يعني ايه)) صيحة قوية منذ سنوات
تقول فيها..( البنت زي الولد ...ماهيش كمالة عدد ) بعدها تحولت الصيحة الي شعار يتبناة المجتمع بقوة لكنني احياننا كثيرة
لا اصدقة..ولا اعتقد ان البنت زي الولد لان الحقيقة مش كده خالص والاسباب كثيرة

..
.بيقول المثل ( اعز الولد ..ولد الولد ) ولم نسمع مثلا يقول
( اعز البنت ..بنت البنت ).

.تتم معاقبة الولد الذي يعاكس بنت في الشارع بمقولة (هو انت معندكش اخوات بنات ياكبتن )
وبالرغم من وجود بنات تعاكس اولادا في النادي او الجامعه او الشارع فأننا لم نسمع
واحدة منهم تعاقب بمقولة ( هو انتي معندكيش اخوات ولاد يا Mozza ؟! ) .
.الكلام نفسة ينطبق علي مقولة ( ترضي حد يعمل مع اختك كده ).

.الولد ممكن يقعد عند الميكانيكي ويشرب الشاي عنده..مش عارف ايه الميزة في كده..
بس اللي اعرفة ان البنت مينفعش تقعد عند الميكانيكي.

.الولد يقدر ينهي مكالمة تليفون في اقل من ثانية..لانه مش رغاي ..يقدر يعمل مكالمة يقول فيها كل اللي عاوزة بسرعه
وده معناه فاتورة تليفون اقل وكرت شحن عمرة طويل..البنت ممكن تخلص كرت شحن بـــ(150 جنيه )
قبل ماتدخل في الموضوع.

.الولد لو سافر 5 ايام اجازة كل اللي محتاج لة بنطلون جنز واحد و2 تيشيرت وفوطة
وفرشة سنان وفرشة شعر وجيل يرميهم كلهم في شنطة علي كتفة

البنت لو هتسافر 5 ايام عاوزة شنطتين من بتوع واحد مسافر الكويت.

.الولد يقدر يفك الانبوبة وينزل يغيرها وكمان يركب الانبوبة الجديدة ويجربها
البنت بالكتير قوي ممكن تصرخ وهيا في المطبخ ( يا ماما ..الانبوبة فضيت ).

.الولد ممكن يقلع جزمته في الشارع ويديها لبتاع للراجل بتاع الورنيش يلمعهاله . البنت مستحيل.
.
لو كان الولد زي البنت مكنش العالم كله مشي علي قاعدة Lady s First ( يعني الستات الاول )
( بالمناسبة لو كانت القاعدة دي صحيحة مكنش ربنا خلق الرجل الاول ).

.البنت ممكن كلمة صغيرة تجرحها وتخليها تبكي..الولد عنده طبقة جلد سميكة فوق مشاعرة
بتخلية يحس اقل وعمرة مايعيط .ولو في مرة عيط كل الناس هتتهمة ( بيعيط زي البنات ).
.لو الولد راجع من مشوار في عز الحر ممكن يقلع هدومة اول مايدخل من باب البيت علي طول
بالنسبة للبنت الموضوع هيبقي صعب شوية .
.لو فيه موسيقي شغاله صعب حد يقول ( ماتقوم ترقص شوية ).
.لو الدنيا حر الولد يقدر يقوم يحط راسه كلها تحت الحنفية بدون تردد ولو حر قوي ممكن يشيل شعره كلة بالموس.
.الولد يقدر يروح الاستاد مع اصحابة ويقعد في مدرجات الدرجة التالته ويشجع ويرقص
ويرمي زجاجات الميه البلاستيك علي حارس مرمي الفريق الخصم ( اكيد مش الحضري )
البنت متقدرش تروح الاستاد ( الا لو كان معاها ولاد ).

.الولد مش مضطر يمشي بي شنطة .
.الولد ممكن اصحابة يعدوا علية تحت البيت وينزلهم في دقيقة ويرجع بعد ساعة من غير مايقول لاي حد
ان ده كلة حصل ولو حد اخد بالة مش هتفرق..البنت متراقبة 24 ساعة وفكرة ان صاحباتها يعدوا .. عليها ياخدوها ويخرجوا مع بعض ..فكرة تنفيذها يحتاج لمجهود خارق .
.
في الاتوبيس او الميكروباص او المترو ..دايما الولد هو اللي بيقوم للبنت علشان تقعد مكانه
عمرنا ماشفنا بنت قامت عشان تقعد ولد مكانها.
.
لو البنت بتلعب في جهاز كمبيوتر في المدرسة واتحرق منها او انفجر مثلا المدرسين هيجروا عليها

ولو لاقوها مخضوضة وبتعيط هيطبطبوا عليها ويقولو لها ( فداكي الكمبيوتر ) اما لو الولد باظ منه جهاز الكمبيوتر
هيروح بيته ومعاه جواب استدعاء لولي امره.

.الولد ممكن يرقص في الشارع في زفة ابن عمه ..البنت اخرها تقف تصقف وتزغرد وتحترم نفسها.

.البنت لما تحط ميكياج تبقي احلي .الولد لما يحط ميكياج يبقي بيلياتشو.
.
لو البنت زي الولد ابقي انا زي بنت خالتي .. وتبقي ايليسا زي عصام الحضري
والهام شاهين زي يوسف شعبان.
.
لو البنت زي الولد مكانوش عملوا في البطاقة خانة اسمها (النوع ) ولازم تكتب قدامها بوضوح.. ذكر او انثي

طبعا البنت مش زى الولد
البنات احسن دا طبعا
ولاد ايه وبتاع ايه
احنا ننزل للمستويات دى

اه مخلاص انتو عملتو جمعية
بس الرد هيكون قريب

ياسر انته اللى غلطان الموضوع
معروف من غير مقارنة خاااااالص
بنات ايه ياراجل بلا وجع دماغ
GIN

اه والله يا احمد عندك حق

ايش جاب لجاب يا راجل

عندك حق يا مصطفى
بس انا بحب اوضحلهم مش اكتر

بصراحة بئى يابنات الواد احسن

الله عليكي يا Fulla
هو ده الكلام ولا بلاش