يوميات مخنوق مضايق 1 greenheart trou store

من غير سلام ولا كلام
انا مخنوق وزهقان وقرفان ومش عايز اسمع صوت حد
بس انتو برضه اصحابو لو مستحملتونيش مين هيستحملني
المهم
اول مشهد كنت في اولى حضانه معلش انا هبتدي معاكو من زمان شويه
... الساعة 7الصبح كان لازم اصح اروح الزفت المدرسة
انا فاكر وقتها كان مصروفي بيجيب ازازة حجاه ساقعة وباكو بسكوت شمعدان
طبعا لحد ماروح المدرسة يكون التصرف
المدرسة خاصة وجنب البيت والمدرسة والبيت
في حته زباله عربيات وزحمه ودوشة ودخانه وزبالة
وانا طالع اجري وادور على حنطور يوصلني لحد المدرسة
طبعا كلنا فاكرين كرباج ورا ياسطا
دميا كنت اشوف العربجي ينفض للكلمة دي وانا كنت اخد الامان
بس حظي الزفت مفيش مره اتشعبط غير اما اتلسوع واقعد اعيط
كنت بعمل الواجب اول يوم في الدراسة وباقي السنه ضرب وعبط وتهزيق
حتى الكشاكيل كنت اكتب فيها مره واحده
وباقي الورق مراكب وطيارات
كان ليا اتنين اصحابي كنا ثلاثي فاشل جدا
انا عن نفسي مكنتش ادخل الفصل من الباب ديما من الشباك
لدرجة مره نسيت وانا في الحصة استاذنت من مس فاطمه وكنت عايز اروح الحمام من غير ماخد بالي اول ماوافقت نطيت من شباك الفصل
بعتت ورايا الفراشين مسكوني وحبسوني في المدرسة لحد ماجه ابويا
وبدل مااضرب من المردسة بس اضربت من البيت والمدرسة
كرهت البيت وكرهت المدرسة
كنت بحب الرسم قوي كنت فنان كنت راسم صرصار
كان صحبي وكنت بحكيلة
ديما عن مشاكله مع اصحابي البني ادمين
كنت راسمه على الحيطه الي جنب الديسك بتاعي
وكنت كل مادي اغير الوانة واظبطه
لحد ماطلعت 5 ابتدائي .....هكمل بكره
على فكره دي قصة حياتي الحقيقية وانا هحكيهالكو....اشوفكو بكره

very nice w f entzar bokra 3shan ne3rf elba2y

فين باقى الحكايه يا عم

حاجه حلوه والله خالص

جمييييييييييييل
عيزين الباقي