كرامتى ام صديقى؟

هاى عليكم
ياريت لنكوا تقدروا تحلولى مشكلتى لانى فعلا خلاص انا مش قادر الاقيلها حل

انا عندى واحد صاحبى انا بحبه جدا وهو فعلا انسان امين جدا وانا بستامنه على جميع اسرارى

بس هوا عمل معايا حركه مش ظريفه ابدا
خلانى من ساعتها وانا مش قادر اكلمه ومش قادر حتى ارجع ابقى معاه زى الاول
هو مستغرب انا ليه بقيت اعمل معاه كدا
فهل اصارحه واقوله انه غلط فى حقى جامد
ولا ابعد عنه نهائى وخلاص
لانى حاسس انى مش هقدر اسامحه ابدا
لانه غلط فى كرامتى جامد واستهزء بيا
فايه رايكوا؟

لو انت مش هتقدر تسامحه
خلاص ابعد وخلى علاقتكوا كدا هاى وسلامات م بعيد لبعيد
وطبعا كرامتك اهم
صاحبك هتقدر تلاقى غيره
لكن الكرامه لما بتضيع مش بتيجى تانى

ارجعلو وديله فرصةتانية مفيش كرامةبين الاصحاب ابدا
وفهمه غلطه وفهمه ان ده ضايقك وانه مايعملهوش تانى

الواحد صعب انه يلاقى صاحب بجد
علشان كده اوعى تخسره عرفه غلطه
وسامحه بس حرص بقى بعد كده

لو انت شايف نفسك هتقدر تسامح يبقى تعاتب وترجع
لكن لو مش شايف نفسك انك تقدر تسامح يبقى ممكن تبعد
وممكن فى حل تانى احسن ممكن كمان انك تبعد فتره معينه بمعنى اصح تاخد اجازه من صاحبك دا
وتشوف الحياه من غيره عامله زاى
وساعتها انت الى هتقدر تقرر مدى اهميته فى حياتك

انا راى انك تعاتبه ممكن ميكنش قصده ان يعمل الحركه دى وممكن ميعرفش انك هتتضايق
احيانا كتير الواحد بيعمل حاجات ومبيبقاش قصده او بيتفهم غلط
ولو حسيت من كلامه بعد لما عاتبته حس انه غلطان ارجع معاه زى الاول اما لو حسيت انه مش فارق معاه خلاص سيبه
كلنا بنغلط ولازم نسامح بعض

ممكن يكون ميقصدش اللى عملو دا
لازم تديلو فرصة تانيةومهم كان محدش بيهون عليه صديقه

المسامح كريم يا اخى
وربنا بيقبل توبة العب
سامح اخوك
وعديها المره دى
ولو عملها تانى

ابقى اقطع علاقتك بيه
عيب
متفرجوش علينا الناس
وهى مده قصيره
وكل واحد هايروح لحاله

ولو ظلمك
يبقى حسباه عند ربنا

والكاظمين الغيظ والعافين عن الناس والله يحب المحسنين

سامحه واديله فرصه تانيه
و ممكن ميكنش قصده يزعلك
وعلى فكره مفيش كرامه بين الاصدقاء لو فعلا بيحبوا بعض بجد
وصعب جداااا لو خسرت صديق كويس و انت بتحبه صعب صعب انك تلاقى غيره تانى وتحبه وتثق فيه كمان

AL_Administirator كتب:

لو انت شايف نفسك هتقدر تسامح يبقى تعاتب وترجع
لكن لو مش شايف نفسك انك تقدر تسامح يبقى ممكن تبعد
وممكن فى حل تانى احسن ممكن كمان انك تبعد فتره معينه بمعنى اصح تاخد اجازه من صاحبك دا
وتشوف الحياه من غيره عامله زاى
وساعتها انت الى هتقدر تقرر مدى اهميته فى حياتك

فعلا زي ما مي قالت
تبعد شويه
وازا كان غالي عليك
هترجعله وتصرحه

المسامح كريم ويابخت من قدر وعفي واعرف صحبك وعلم عليه علي راي المثل وقلي بعد كده هتعمل ايه

كل الكلام ده جميل اوى
انت لازم تدى فرصه تانيه
وكرامتك محفوظه برده
والله يا جماعه لو تخلقنا بخلق الرسول صلى الله عليه وسلم هنكون فى قمه السعاده
تخيل ايه يكون رد فعل الرسول فى الموقف ده وانت هترد على نفسك
لازم تكون هادى فى تعاملك ولا ترد الاساءه بالاساءه
وهو هيحترمك بعد كده غصب عنه
اسمع كلامى زى ما بقولك انا اخوك احمد العشرى 3 المانى



بااااااااااااااااااااااااااى

اكيد تعطيه فرصة تانى وتعرفه النقط الى مش بتسامح ابدا فيها وهو لانه هيحبك مش هيحاول يزعلك تانى

لو كانوا باقيين علي صداقه بعض يسامحوا بعض
واوعي تغير المحطه

معني انه فكر يهينك بجد ده مش يبقي صاحبك