مطلوب أنسه للعمل
تكون حسنة المظهر
ومتعلمه
وبنت ناس
دى نموذج بسيط للوحات
كل ماروح اى مكان اشوفها على طول
واقول فى نفسى
هو يعنى مينفعش (أنس) يعنى راجل
لازم يعنى تكون واحده
مينفعش واحد ابدا
طيب خلى الشباب ملطوع على القهاوى
والبنات تتوظف
وابقوا شوفوا مين بقى يتزوجهم
طيب طالما الحال كده
يبقى انا عندى اقتراح بسيط
ياريت بقى
طالما النساء بتشتغل والرجاله
عاطله
يبقى النساء تتقدم بقى للرجاله ويطلبوا ايدينا للزواج
وهم بقى يجيبوا لنا الشقه والشبكه وكل حاجه
ايه رايكم؟
مش عندى حق
يعنى مطالبين الشاب انه يشتغل ويفتح بيت
طيب ازاى وهو اصلا مش لاقى شغل
البنات واخدين كل حاجه
على طول بادعى على قاسم امين
اللى نادى بالتحرير والمساواه
ادى اخرة المساواه
هو مفيش قاسم امين بتاع الرجاله
يطلع ينادى بتحرير الرجل والمساواه مع المرأه
انا اطالب كل رجالة مصر ورجالة العالم الاسلامى بالاتحاد
يارجال العالم اتحدوا
وطالبوا بحقوقكم
قبل ما يجى يوم ونلاقى النساء سيطروا على البلد كلها ويقرروا نفى جنس الرجال الى خارج البلاد
ونقول ياريت اللى جرى ما كان
المشكله دلوقتى جمعيات النساء اصبحت كتيييييير جدا
اخرها شفته فى التلفزيون باسم
جمعية النساء الغاضبات
سبحان الله
حتى غضب النساء اصبح له جمعيه
مفيش جمعيه واحده للرجاله
انا قاترح نعمل جمعيه حتى هنا فى المنتدى
بعنوان
جمعية الرجال المقهورين
نلحق نعملها
احسن يجى يوم منقدرش نعمل اى حاجه خالص
ارجو انه محدش يزعل من كلاامى
وابكى على حالى وحال كل الشباب امثالى ممن ضيقت عليهم النساء عيشتهم
موضوع: مطلبو انسه للعمل 
الأربعاء 05 مارس 2008, 11:43
