هتعمل ايه لو بنت طلبتك للجواز ؟!!

احنا كلنا عارفين فى مجتمعنا ان الشاب ممكن يعجب ببنت ويروح يخطبها او يتجوزها ويحقق اللى هو عاوزه

لكن بتحصل كتيير ونلاقى البنت معجبه بالولد سواء لدينه او اخلاقه او شكله ومظهره

لكن هى ساكته ومفيش حاجه ممكن تعملها لعدم تقبل المجتمع الفكره

طيب تعمل ايه لو عرفت ان بنت عمك او خالك او احد أقاربك تتمناك زوج ليها ؟؟

هل ممكن تصغر فى نظرك بس علشان هى حبتك ؟!

طيب ولو البنت حاولت تلفت انتباهك ليها باى طريقه سواء مثلا انها تلمح لاختك او تبعت لك رساله تقولك فيها انها معجبه بيك وعاوزاك على سنة الله ورسوله

بصراحه كده ايه ممكن يكون رد فعلك

ولو انت شايف ان الطرق دى غلط...ايه ممكن الطريقه الصحيحه فى وجهة نظرك اللى ممكن هى تعمله علشان تعبرلك عن اللى جواها ؟؟؟

مع العلم بأن اكثر الابآء يتمنوا الخطبه لبناتهم اكثر من ولادهم

وانتى كبنت لو اعجبتى بشخص وسيطر على تفكيرك اوى الاحساس ده

هل هتفكرى فى كيفيه تحقيق حلمك ؟؟

ولا هتلاقى الف مانع يمنعك من تحقيقه؟؟

بصى يابنتى
البنت اهم حاجه كرامتها
فين كرامتها بقى لما تروح تقولوا انا معجبه بيك
ماينفعش ننسى نفسنا ان احنا مجتمع شرقى

هو ده الكلام المظبوط
بس مفيش بنت بتروح تقول لولد اني معجبة بيك
والطبيعي عند أي بنت لو أعجبت بواحد أخر حاجه بتعملها انها بتبصلوا بس
دلوقتني الحال اتقلب في ولاد لما بنت تبصلوا ويحس أو يتأكد انها معجبه بيه بيحرج يروح يكلمها
وبكده الموضوع بينتهي ان واحد منهم يتنازل ويروح للتاني او حد ابن حلال يوفق راسيين في الحلال Laughing

الله
وهى اى واحده بتبص لواحد تبقى معجبة بيه؟؟؟؟؟؟

طبعا مش شرط بس بص عن بص بيفرق
دي حاجه احنا بنلاحظها مش انتوا Laughing

والله مشكلة الولاد كلهم انهم بيفكروا روحهم ناصحين بقى
ودى بصتلى بصه معينه
وبتموت فيا
وهيا ممكن تكون بتبصلوا استحقار مثلا
مش طايقاه
لابس غريب عجيب وبتتريق عليه كدا يعنى
بيحولها هوا مع نفسوا لاعجاب
يا سبحان الله

والله انا شايف غير كده خالص
لما تكون البنت بتبص لواحد استحقار أو بتتريق عليه
مش هتقعد كل يوم تبصله علشان بتتريق عليه
ليه مفيش غيره في المكان ده ولا ايه
بس انتوا اللي فاهمين نفسكم فاهمين كل حاجه بس للأسف ......؟؟؟؟؟؟؟

هههههههههههههه
لا عادى هى بتبص علية وبتفتكر التريقه وتتريق عليه تانى يعنى مافيش مشكله خالص
يعنى فضى وقت بقى
وللعلم فى نوعية تانى من البنات الى بتبقى قاعده باصة لكل الناس تراقب تحركاتهم عشات تقعد تحكى عليهم وسط اصحابهم ويبقى دا عمل ودا سوى بقى وتعمل روحها البت الى مافيش حاجه بتستخبى عليها
دى بقى تبقى معجبة بعشر او عشرين فى الساعه الواحده
ولا

اه اذا كان كده ممكن
براحتهم بقه
بس أكيد لو عدى يوم من غير مايبصوا ويتريقوا بيزعلوا جدا جدا وبيكونوا مخنوقين من الموضوع ده Laughing

انا من رأيى ان لوفى بنت بتحب ولد حب حقيقى وحاسة ان فى اعجاب من نحيته ومتأكدة من اخلاقه وانو مش ممكن يلعب بيها او يشوه سمعتها ممكن تروح وتصارحو مع العلم ان مفيش حد بيكون ضامن حد 100فى 100 الا نفسه

صعب اوى بالنسبه لللللبنت عشان هى كده بتحرج نفسها زى ما انت قولت ما فيش شخص مضمون 100فى100 افرض كان مرتبط وانت عارف الناس بتفكر الزاى فى مجتمعنا

البنت طريقها الوحيدة علشان تحسس الواد انها معجبه بيه هيه لغة العيون

(ان للعيون لغةً لو فهمتها اختصرت نصف مسافات الدنيا)

ايه الصعب فى كده لو بنت قالت لولد انها معجبه بشخصيته

لوووووولووووولووووولىىىىىى

بس هى تيجى وتطلبنى وانا موافق
مش عاوز شبكه ولا مهر ولا اى حاجه
بس علشها الشقه بس

هى تيجى تطلبنى
ومن قال انها تنزل فى نظرى بس
لا على العكس
هترتفع جدا فى نظرى
دا يوم المنى والله
هو حد لاحق يا جماعه

محدش يفوت الفرصه دى خالص
لانه البنات دلوقتى سيطروا على كل حاجه فى المجتمع
فمن حقهم برضه يطلبوا ايد العريس
والعريس لازم
غصب عنه يقبل
دى فرصه
اه لو عروسه تتقدم لى
تكون حلوه غنيه كده
وواسطه كده يعنى
نبقى تمام قوى
هههههههههههههههههههههه

ميرسى يا جماعه على ردودكم و أرآئكم كلها بس انا مش شايفه ان فيها حاجه لو البنت لمحت للولد انها معجبه بيه بس لو فعلا متأكده انه مش هيتكلم عليها وانه يكون مش مرتبط

هو حدث ايام الرسول صلى الله عليه وسلم
ان ذهبت امراه للرسول وطلبت منه ان يزوجها
لانها وحيده
فمش عيب يعنى انه واحده تطلب واحد
بس تكون جاده يعنى
وتدخل البيت من الباب
مش تستفرض بالواد من ورا اهله

وحصل بردوا ان السيده خديجه نفسها هى اللى طلبت الجواز من الرسول (ص) بس احنا بنتكلم على وقتنا وعصرنا الحالى احنا منقدرش نشبه نفسنا بالناس العظيمه دى ولا ايه

يا جماعة الموضوع سهل جدا لو البنت شا يفه الولد اللي عاجبها انه كويس ومتأكده انه مش مرتبط ولا حاجه
مفهاش اي مشكله انها تصارحه بكده
لأن أكيد مش هيحرجها أو يوصل الكلام ده للناس لو الموضوع مكملش
طالما هي متأكده انه كويس

يااعم تيجى هى بس وانا هاحطها فى حباب عنيا
هى فين بس

فعلا الحل الوحيد هو لغة العيون بس مش اقوى يعنى
و هو لو بيفهم و معجب بيها فى الاساس هيروح هو و يتقدملها

ههههههههههههههه
موضوع جميل جدا يا barbie

انا اهلي صعايده دماغهم ناشفه
لو عرفوا حتا اني معجبه بواحد
و حتي هو ميعرفش

ده بزات لا يمكن يوافقوا عليه و يفضلوا اني متجوزش

هههههههه

شكرا عالموضوع الهااااااايل
بس معتقدش ان واحده هتتقدم لواحد او تتظلب ايده هي ممكن تلمحله زي ما بتقولو بالنظره او الابتسامه او او او
بس انا مبأيدش كده خالص البنت لازم يكون عندها كرامه ومين عارف مش ممكن الولد يكون معجب بيها بس مستنى فرصه او وقت مناسب علشان يصارحها Crying or Very sad

طبعا هتكون صعبه ان بنت تطلت تتجوز صعبه جدا و مش منطقيه

هو الموضوع ده بيجى بالنظرات و خصوصا نظرات العين
وبتبان فى المعامله الخاصه للشاب الل بتحبه
والكلام ده بيحصل بس بطرق غير مباشره و لكنها بالنسبه للواد الشبيح بيفهمها موت
دلوقتى زمن البنات اللى بتعجب بالشخص وده مش عيب بس برضه فى حدود المعقول
و طبعا فى قله من البنات بتزيد عندها عزه النفس ومتبينش حاجه غير لما الشاب يقولها اللى جواه
شكرا على الموضوع

موضوع مهم جدا و اكيد اغلبنا اتحط فيه
بس انا شايفة ان البنت مهما كانت معجبة بالولد مينفعش تروح تقله و لا حتي تلمح لأن كدة كدة
هي لو بتحبه بجد هيبان عليها من غير ما هي تعرف و من غير ما تقصد تسبل ليه
يعني تلقائيا كدة هيبان عليها
لأن الحب بيبان علي صاحبه مهما حاول يخبي
اولا : لو الولد حس بيها و هو كمان بيحبها يبقي المفروض يروح يكلمها

عشان الحكاية متطولش و تبوخ
ثانيا : اما بقي لو هو مش بيحبها يبقي يحاول يوضح كدة في كلامه طبعا من غير ما يجرحها
يعني ممكن في مرة يقلها :
و الله انتي اخت غالية عندي
و اكيد هي هتفهم و في نفس الوقت ميبقاش احرجها و لا جرحها
ثالثا : اما بقي لو محسش خالص يبقي في الحالة دي هو ميلزمنيش
لأني ساعتها مش هبقي في دماغه اصلا بس مش
معني كدة اني اعامله وحش لأ عادي اصل الحب مش عافية
لكن هحاول بيني و بين نفسي انسي حبي ليه
و دي وجه نظري في الموضوع الهام جدا
شكرا يا باربي علي موضوعك