بلا وجع دماغ

بلا وجع دماغ
زي لعيب كوره كل ما ييجي يجيب جون يحطها في العارضه
هو عارف يوصل للجون بسهوله سواء بمهارته او بمساعده زمايله بس الكوره حالفه ميت يمين ما اهي داخله
ومن كتر ما ما شاط كور جات في العارضه بقي بيشوط اللي بعدها وهو حاسس انها هتيجي في العارضه برضه فبتيجي في العارضه فعلا غالبا لأنه اتخذ القرار نفسيا بدون ان يدرك انه يشوطها في العارضه
فينتبه ان تركيزه الشديد في الموضوع وتفكيره في العارضه هو اللي بيخلي الكور تيجي في العارضه فيقرر انه مش هيركز في الموضوع ومش هيفكر في العارضه وهيفكر في الجون وبس ويركز ع الجون وبس
وبرضه تروح خابطه في العارضه
يقرر ما يلعبش في الحته دي تاني ما يلعبش قصاد الجون خالص يشوف اي مركز تاني يلعب فيه بعيد عن الجون وعارضته
ويكتشف ان أي حته في الملعب برضه فيها عارضه
يتحول الموضوع إلي موضوع ويبتدوا يتكلموا معاه في موضوع العارضه وليه بتخبط في العارضه حتي لو مش موجوده وكلامهم حتي لو كان بحس نيه بينرفذك فترد عليهم رد يخبط في العارضه هو كمان ويخسرك صحابك

يقرر في النهايه انه يتصالح مع العارضه ومع أي عارضه بس ما بينفعش لأنه لسه نفسه يجيب جون فيخبط الصلح ده كمان في العارضه

امشي السكه وخلاص لا تفكر في ماتش ولا جون ولا عارضه جات جات ما جاتش عنها ما جات وخلصنا علي كده
الكوره لما هتقرر تدخل الجون هتدخل من غير فلسفه ولا تفكير ولا وجع دماغ
وكله بأوانه
(RASMY)
2008

أنت بقى كل كلامك في الجون مش في العارضه
شكراً ليك على موضوعاتك الرائعة

بجد ماشاء الله عليك يامحمد موضوعاتك تحفه فعلا
يارب تستمر على المستوى دا دايما
اما بالنسبة لتعليقى على الموضوع
فاستنى الكوره لحد ماتيجى فى الجون لانه فعلا زى ماقولت كله باوانه بس مش معنى ذلك ان احنا نحط الكوره جانبقينتا ومانتحركش لا احنا لازم نلعب ونتعب اوى عقبال ماالجون يتحط
مافيشس حاجه بتيجى سهله

اشطة عليك يابو رسمى
طول عمرك لعيب كبير
وربنا يسترها عليــك

موضوع رائع VICTORY

يا لعييييييييييييييييب يا ابو رسمى بس انا وفريقى فوزنا عليك يوم الجمعه استمر على كده

موضوعك جامد جدا
مرسىكتير

thanks mawdo3 gameeed

قشطه يازميل طب لو الواحد ملهوش فيها يموت نفسه بقي

صح كلامك يا رسمي

بس الواحد لو فضل يفكر بشكل سلبي من غير ما يحس بنفسه

هيحقق اهداف سلبية

و كل كوره هتبقي ف العارضة

لازم نفكر ف الجون و نلعب صح

و في الاخر نجيب جون من غير ما يجي ف العارضة و لا حاجة

و شكرا ليك ع الموضوع الجميل دة

شكراً ياسر على ردك ويارب دايماً فى الجون مش فى العارضه

عجبنى ردك يا مى لما قولتى أستنى الكوره لحد ما تيجى فى جون
، لان الواحد مننا احيانا بيفرح قبل ما الكوره تيجى فى الجون
وهو معتقد خلاص انها الجون وبيحلف برحمه سته هايدى انها جون
بس لانه فرح قبل ما تيجى جون طلعتله عرضه تقوله انا ورحمه جدى ميدو مش جون

بلا وجع دماغ 322647119

أشطاطك انت يا بو شعبان وتيلالاه ليلاه العربيه جايه ، جايه ترش ميه

تسلملى يا مصطفى كلك زوق

ماشى يا مدحت بس خلى بالك مش كل مره فى العارضه
والموضوع ده مش مجرد عرضه وجون زى مانت متخيل

دنك لولى وباربى نورتوا التوبيك

قشطه بيبو بس زى ما قولت لمدحت الموضوع مش مجرد عرضه وجون ، قيس عالباقى ، بيس يا مان

دنك هند بس لازم الواحد مننا يخلى باله ان الجون بعيد أوى ولازم يصبر لحد ما يوصل للجون
وقبل ما يحطها جون يفكر انه أد ايه تعب لحد ما يوصل للجون وعلى قد تعبه يركز انها تتحط جوه الجون
لان مش معقوله أوى انه بعد التعب ده كله يحطها فى العارضه