خلاويص ؟ لسه

مع ان قوه الطبيعه التى انجبتنا خلسه حملت فى لحظتها من الطاقه والقوه ما يكفى او يزيد لانجاب قبيله كامله من الازكياء الشرعيين ، انتظرونى فى اقوى المقالات وقصائد الشعر والقصص القصيره يمكن اكون فى يوم سبب لتغيير افكار ملهاش لزمه ، وزى ما قالها احد الدكاتره ليه ( اوعى تسيب حلمك يموت _ ده الحلم مش محتاج سكوت)

بص يا محمد
انا ماعتقدش ابدا ان فى مساحة حريه بتتشال منك
انا عمرى ماحذفت موضوع كان جاد او كان فيه نفقاش فعلا بيدى حاجه احسن
لو انت نفسك تتكلم بحريه وماحدش يعرف انت مين ادخل على مركز الاستماع وخد اليوزر بتاع السناوى وادخل واتكلم وخد حريتك على الاخر
واوعى تخاف من حد
لانك فعلا دى انا اشهدلك بيها انت من الاعضاء الى فعلا مؤثرين فى المنتدى بمواضيعك المتميزه وبصراحتك وبساطتك دى
واوعى تحاول تهرب من هنا او تغيب من هنا
لا يامحمد ماتعودناش عليك انك تهرب
وانا عمرلاى ماهمنعك تقول رايك بكل صراحه
احنا بجد بنفتخر انك وسطينا

ميرسى يا مى على كلامك الزوق ده
وانا بفتخر برضه ان اكون وسط شباب زيكم
بس اعتقد انك الى حد ما انك مفهمتيش اللى اقصده من كلامى ده
انا كان قصدى ان المنتدى ده يتغير للأحسن واعتقد انو شور اتغير كتير
وبقول انى حبيت المنتدى ده وبوعدك لن اشد رحالى عنه
متنسيش ان البوست ده كتبته هنا من فتره تقربياً تلات اسابيع يعنى قديم
واعتقد ان كلامى الى حد ما اثر فى ناس تانيه
اعتقد ان المنتدى ده شد انتباهى بدرجه كبييره جداً
وتأكدى ان انا مبحبش اعمل حاجه الا لو حبيتها ومقتنع بيها واكيد مقتنع ان المنتدى ده جامد موووت
ولو انو محتاج يتظبط اكتر من كده
شكراً مره تانيه
RASMY
2008

لو انت شايف يا محمد انو عايز يتظبط
ياريت تقول ايه الغلط الى فيه وتاكد انه هيتزبط
يا جماعه انتوا كلكوا عمالين تقولوا المنتدى محتاج يتظبط وبتاع ومش عارفه ايه
وماحدش بيقولى طب فى ايه
ليه بتقولوا كدا
انا لحد دوقتى مش فاهمه

اولا
مش معنى انى قولت ان المنتدى محتاج يتظبط انو دلوقتى وحش بل للعكس حلو قوى وان الكمال لله وحده
ثانيا
اى مكان فى الدنيا لو مفهوش تنافس ، هتكون الناس هيه هيه ومش هتتغير، فبقترح انو يكون هناك مسابقه اسبوعيه لآحسن عضو ولآحسن موضوع لعضو ،واحسن تعليق ، وبكده الكل هيستفاد المنتدى من حيث المساهمات ومنى من حيث عرض افضل مواضيعى او من غيرى واكيد من ناحيه اخرى الكل هيستفاد من اموضوعات اللى بتتكتب هنا
ثالثا
انا بقترح انو يكون فى رقابه اكتر على اللى بيتكتب فى الشات
رابعاً
وبدل مايكون كله كلام فى كلام ، ممكن نعمل حاجه مفيده ، بدل ما نتكلم عن الايتام واحوالهم اهو كلام وهيعدى ، لآ ، احنا ممكن نشارك فى اليوم ده ، مثلا عندنا فى كليه السياحه ان شاء الله يتعمل الوضوع ده ، انو نعمل حفله للآيتام فى الكليه ونعمل مسابقات ونوزع جوايز على الايتام اللى عايز يغنى ممكن يغنى فى يوم زى ده ، ياريت كلنا نشارك ،وياريت فى السن يتعمل حاحه زى كده ، يعنى يا مى مش مجرد نتكلم ، اه الكلام مفيد تحريك القلوب الصامته ، لكن بعدها يكون فعل ن يعنى ده مجرد مثال مش اكتر
وانا عارف ان انتى مقتنعه بالكلام ده وبتعمليه لآن ده من العمل التطوعى
والامثله كتير عندنا الحمد لله فى كليه سياحه
يعنى فى الاسيوع ده مثلا عملنا معرض للملابس المستعمله فى الكليه
والاسبوع ده هيكون فيه ندوه عن الامان ، والاسبوع اللى جاى حفله لعيد الام ، وحفله للآيتام
ممكن المنتدى يرعى حاجات زى كده واكيد ممكن وهنقدر
ده الحلم اكيد وممكن
ليه نقول ده مش ممكن
واوعى تنسى حلمك يموت
ده الحلم مش محتاج سكوت
اسف للآطاله وشكرا
RASMY
2008

اوك

ماشي يابو رسمي
لو عايز تفضفض انا موجود
اشرب لمون على حسابي وهدي اعصابك

فى ناس فى الدنيا دى ملهاش اى تلاته لازمه
واكيد هنا فى منهم كتير
فبقترح ليكى يا مى ، انو يتعمل تصفيه للاعضاء ويكون البقاء للآحسن ، لآنو مش معقول الواحد مننا بيتكلم بجد ، والآقى ناس بتهرج
يعنى ايه مش فاهم ، يعنى انا دلوفتى بتكلم عن ندوات ولقاءات وحاجات مهمه ، والاقى ناس بتتكلم فى تهريج وكلام كده ملهوش لزمه وهو ايه دخل العصير فى كلام عن الايتام
مش عارف ، حاجه غريبه
وبتقوليلى يا مى هو ايه اللى مفروض وعايز يتظبط
اكيد دلوقتى عرفتى
بس خلاص
سلام