وبعدين يا كلية الالسن

الى كل اعضاء المنتدى
موضوع هام نرجو المشاركه والصدق
الشباب عاوز يتجوز والبنات كذلك وف مشكله فى غلاء المهور والناتج زيادة نسبة العنوسه والانحراف والمشاكل المتعلقه بكل ده
سؤال هل بالفعل البنات نفسها تتجوز وتعيش بالحلال ولو البدايه كانت حتى بسيطه ؟ وهل ياشباب انتو عندكو القدره على اسعاد الازواج وحسن رعايتهم والمعامله بالمعروف ؟
المهم افتونا يا شبلب بس بصدق

و الله انا رأى ان كل بنت ف الدنيا حلمها انها تتجوز و الحلم ده طبعااا بيفرق فأهميته من بنت للتانيه
لاكن اظن ان بقى صعب اوووى حلم عش الحب الصغير الى هيكفينا واى اب هيقولك هتكلو و تشربو منين هو ده السؤال الى كل الأباء بيفكروا فيه لما يجى عريس لبنتهم و برضوا حط نفسك مكان ابو العروسه و حط ظروفك لو هترضا بيها لبنتك المستقبل ان شاء الله و برضوا الظروف تختلف يعنى فى و احد عنده طموح و يقدر يسعد بنتك و هو عامل الى عليه و ان شاء الله ربنا يكرمه
و و احد تانى عاطلو كلمته الوحيده ما فيش شغل اعمل ايه يااااااااااا سلام و هو الأب هيجوزهالو عشان تصرف عليه و اظن انك لو من النوع الأول يبقى ربنا يكرمك بأب كويس ده برضه ميمنعش ان فى أباء بيصعبوها اوى ع الشباب حتى لو كان الشاب كويس و ليه مستقبل و ربنا يكرمكوا عموماا بالأزواج والزوجات الصالحين

بصى يا زميلتى العزيزة ... كلام حضرتك صح ..بس .. دايما كل الاباء والامهات اللى عاشوا الدنيا دى من واقع نظرتهم وخبرتهم فى الحياة بيشوفوا المسائل بصورة اوضح ... بمعنى لازم حساباتهم تكون واقعية وخاصة لما اللى ها تكون عايزين يجوزوها دى بنت مش ولد .. لان حسابات الجواز بالنسبة للبنت بتختلف عن حسابات الولد
انا وانتى وغيرنا متأكدين ان اهالينا اكيد اكثر خبرة مننا وبيعملوا حساب حاجات مش ممكن تخطر على بالنا احنا ... لكن احنا دائما نظرتنا قاصرة شوية .. وعش صغير يكفينا .. وطوبة دهب وطوبة فضة .. وهانعيش مع بعض بحلوها وبـمرها .. والكلام الكبير ده
.. لان كل طرف من الطرفين ( البنت والولد)
اكيد بيحبوا يعيشوا الوهم .. وانت حلو وانا حلو .. حاجة كدا زى ..موسى نبى ..عيسى نبى .. محمد نبى وكل من له نبى يصلى عليه ... بأول ل حضرتك ايه .. ما تصلى ع النبى

اولا عليه الصلاة و افضل السلام
ثانيااا الكلام ده مش اوهام و الوالدين اكيد خبرتهم ف الدنيا اكتر بس هم مش اله
يعنى اكيد بيغلطواو مش كل الى يقولو صح انا بس حبيت اوضح

يا دارك انجل محدش قال ان اهالينا الهه ..دول بشر زينا بالظبط
اه والله زينا بالظبط ..تئوليش فوله واتئسمت نصين
بس انا شايف انهم اكثر خبرة وعلشان هما اتجوزوا قبل كده وعاشوا التجربه بيكون اكيد نظرتهم شويه اوضح وبعدين يا ست الكل لو عايزين هم يجوزوا تانى نجوزهم وفيها ايه وعننا احنا ما اتجوزنا