حلم ولازم يتحقق

واخرتها ايه ما تقولنا
دا احنا هنطلع من هدومنا
فى نقابه ولا لاء
ولا نقوم نكمل نومنا
دا اخر برج فاضل
خلاص هيطير من عقولنا
-------------------
عاوزين نقابه الله يهديكم
يعنى نبوس على اديكم
مش شايفين حالنا قدام عنيكم
متشردين متبهدلين وقربنا نبقى شحاتين
بالله عليكم دا يرضيكم
------------------------------
زهقتونا بكليات القمه
واهى طلعت ملهاش لازمه
وبعد السهر والمناكفه
والمصاريف والمذاكره
اول ما طلعنا شفنا النكبه
وجات على دماغنا الصدمه
مفيش نقابه؟؟؟ يانهار عتمه
---------------------------
كل الناس عندها نقابات
الشغالين والشغالات
بتدافعوا عن حقوقهم فى القنوات
واحنا تقولولنا مفيش نقابات
ولا جمعيات ولا هيئات
-------------------------
حرام عليكم بهدلتونا
طلعتوا عينا وشردتونا
وعلى قفانا ضربتونا
ومش بعيد ترحلونا
او من بلدنا تطردونا
كل ده علشان تسكتونا
---------------------------
بس احنا برضه مش ساكتين
ولا هنفضل جنب الحيطه ماشيين
كل يوم هنطلع صارخين
وكل المترجمين الغلبانين
ونصرح وباعلى صوت حزين
عاوزين نقابه يا مسؤلين
***************

بعد المذاكره فى الثانويه
علشان اجيب ميه فى الميه
والسهر ايام الكليه
على كل اللغات الاجنبيه
اتخرج للدنيا تلطش فيا
ومفيش ولا هيئه حكوميه
تحمينى من البهدله ديا
كورسات ودورات بالميات
علشان ابقى شاطر فى اللغات
وفى النهايه التعلب فات
وفى ديله سبع لفات
وامد ايدى للشحات
واقوله اعطينى وياللا هات
كل الناس عندها نقابات
تنفعها وقت الازمات
ومن ضمنهم الشغالات
وانا اللى متشرد فى الحارات
والشوارع والزنقات
وادى اخرتها اللغات