التوكيد والجودة .... مع أم ضد ؟

اعتقد فعلا الوضوع محتاج توضيح ورد من ادارة الكلية
ولعلم مش سنة رابعه بس الى خايفين احنا كل الدفعات خايفة لان حاسين الامتاحان هاييجى بطريقة غريبة واحنا حتى غير مدربين وغير مؤهلين ليها

يا خايبين كل الكلام اللي بتقولوه موش مظبوط. الامتحانات موش هتتغير، يعني زي كل سنه. والموضوع فعلا انه لفت نظر فريق الجوده ارتفاع نسبة النجاح في قسم الماني. ولكن هذا لايعني ان هيكون فيه نسبة سقوط عاليه. شدوا حيلكم وذاكروا وخلوا الباقي علي ربنا. مع اطيب التمنيات.
ادارة الكليه

انا شايف ان موضوع الجودة دا هيجى على دماغ الطلبة واهو احنا شايفين الكتب علينا من الجلدة للجلدة ومفيش حذف من اى كتاب نزل دا غير طريقة الاسئلة الجديدة اللى احنا مش متعودين عليها والغياب ...الخ
وربنا يستر السنة دى

انا كنت عايزة ارد على ادارة الكلية
احنا عارفين ان النظام الجديد افضل لما نبقى مدربين علية
وبجد الدكاترةو هما بيتكلموا كدا باسلوب فية ومحسسينا ان هم هيجيبوا اسئلة متتحلش ومن دون ذكر اسامى الدكاترة دا خلى عندنا رعب
لدرجة فعلا كان فى طلبة من الطلبة المتفوقين كانوا طالعين يعيطوا بعد المحاضرة من الى سمعوه من الدكتور

طبعا الكلام واضح جدا لكن ايه الحل في اخر الفصل الدراسي بعد ما
كل الطلبة سافرت وعادت الى بيوتهم للمذاكرة
وهما عندهم الشعور بالخيبة لما تراكم عليهم من مواد دراسية ودروس جديدة في اخر محاضرات لهم
هي المشكلة كده في مين الطلبة ولا الدكاترة ولا النظام
اسف على سؤالي وطريقة كلامي ولكني اتكلم بموجب وضعي في الكلية مثلي مثل اي طالب
وموضوع الجوده هو شيء كويس جدا للرفع من مستوى التعليم بالكلية
ولكن هيكون صعب قوي على سنة رابعة بالتحديد وايضا ثالثة
المفروض انه يتم التدريب عليه خلام الفصل الدراسي ويتم التنبيه على شكل الاسئلة في اخر العام
واظن ان الموضوع ده هيكون مناسب لسنة اولى وتانية على ان يتم اعلامهم بالشكل الجديد من بداية العام الدراسي لاتاحة الوقت المناسب لهم ليتدربوا على مثل هذه الامتحانات

والله انا بشكرك ياسر على كلامك وطبعا بشكر الدكتور سيد على كل مجهوداته القائمة في الكلية لرفع مستوى التعليم وورفع مستوى الثقة بسيادته ايضا
لكن أظن ان كلامنا قولناه في وقت متأخر شويه وده مش في مصلحتنا لكن نأمل خيرا في تصرف الدكتور سيد سهيم بمساعدة الفرقة الرابعة على اجتياز الصعاب المحيطة بهم في آخر الفصل الدراسي
واتمنى كل التوفيق والنجاح لكل اصدقائي ودفعتي الحالية ويارب تمر الامتحانات بسهولة ويسر

أنا ملاحظ تقريبا كده ان كل التعليقات علي هذا الموضوع مصدرها طلبة رابعه الماني. مش عارف اشمعني هما بالذات اللى مواسوسين كده. يمكن بسبب مناقشة الأبحاث اللي هو حاجه جديده عليهم؟ ولا يمكن فقدوا الثقه في نفسهم وفي اساتذتهم؟ أرجو الا يكون هذا ولا ذاك. وأرجو ان تكون ثقتكم في انفسكم وفي اساتذتكم كامله.لانكم في النهاية أولادنا.