البنت تشتغل و لا لأ . . .

والله ياهند انا من رايى انى البنت لازم تشتغل وتثبت وجودها
بس قبل ده كله لازم تراعى بيتها واولادها وجوزها
لان هى دى وظيفتها الاساسيه فى الحياه
يعنى لو كان شغل البنت مش هياثر على بيتها وولادها يبقى مفيش مانع انها تشتغل
لكن لو حست انى شغلها ده هيخليها تقصر فى تربيه ولادها يبقى لازم تسيبه طبعا
اما بقا لو كان الشخص اللى هرتبط بيه رافض الشغل فده هيتوقف على الشخص نفسه
يعنى لو الشخص ده بحبه يبقى اقنعه الاول لو موافقش يبقى خلاص هوافقه على رايه عشان بحبه
لكن لو كان انسان غريب عليه فنا مستحيل اوافق على حاجه زى كده
شكرا ليكى عالموضوع الرائع ده

بصى يا ستى الموضوع موضوع نسبى جدا
فى ست تقدر تقعد فى بيتها ويكون دا شغلها الشاغل
فى واحده تانى لا تستطيع ذلك
طبعها ودورها الاجتماعى لا يسمح ليها بذلك

انا عن نفسى عايزة اشتغل واسيب بصمة فى الناس ولو قدر الله وجالى واحد قللى اقعد فى البيت فده اقولوه مع السلامة والقلب دعيلك وصراحة لو شايفة شغلى هياثر على حياتى الزوجية حاختار الشغل طبعا لاتى فى دماغى هدف اكبر من الزواج

انا من رايى ان الزوج لو مكفى بيته بالنسبة للماديات يبا مفيش داعى ان البنت تشتغل الا لو كان باه عندها طموح عالى اما لو كان شغلها ملوش لزمة يعنى سد خانة من الاخر يبا ممكن الزوج لو يكفى بيته ماديا يبا مفيش داعى للبهدلة الغير مبررة

اى بنت لما بتقابل الشخص المناسب وترتاحله بتوافق على طول لو طلب منها الاهتمام بالبيت و الأسرة ودة طبعا دور مهم جدا و اكيد التعليم هيفيدها فى تربية اولادها يعنى مش هيضيع مجهودها على الفاضى