بجد مش لاقى عنوان للتوبيك

هههههههههههههههههههه

ههههههههههههههههههههه

ههههههههههههههههههههههه

غريبة !!!..صح؟؟

عادى عادى ماتخدوش فى بالكم

أصل أكتشفت ان احلى شئ فى الدنيا

انك تكبر و ماتحطش فى دماغك

و لا تتعب أعصابك

و لا تحرق دمك

و تشغل تفكيرك

عارف لما تبئا شايل هم حد اوى

و زعلان و مقهور

و يارب هيعمل ايه ؟؟؟

و يتصرف ازاى ؟؟

و تفضل اتصالات صبح و ضهر و عصر و مغرب و عشا

طب وصلت لايه ؟؟

طب ايه الاخبار الوقتى؟؟

و بعد ما خلاص قلبك هيقرب يقف

تلاقيه بيرد عليك باستخفاف

خلاص بئا أنا زهقت اوف

و الموضوع دا أصلا ماكنتش حاطه فى دماغى اوى

كبر ياعم كبر

تقوم تتصدم صدمة كبيرة اوى

و تحس انك كنت شخص تقيل عليه

و عاوز الارض تنشق و تبلعك

عارف لما تحس انك عايش عالم من المخادعين ؟؟

و باصرار عجيب بتحاول تقنع نفسك انهم لا يمكن كدا

و فى كل موقف ربنا بيوريك و يشهدك انهم فعلا مخادعين

و انك لا يمكن ابدا تصدق كلامهم

لكن ترجع تسئ الظن بنفسك و تقول بلاش نظلم

خلينا ناخد المواقف دايما على حسن الظن

و بعدين بردوا تكتشف ان احساسك و رسايل ربنا ليك كلها فى محلها

اد ايه بتزعل على نفسك

و تدعى ربنا من قلبك اوى انه يهديك لحد صادق و صافى

عارف لما تشوف حد و تبهرك فيه حاجة ؟؟

حاجة كويسة يعنى ، خاصة لو تدين

و تلاقى الناس نتتكلم عليه ياما هنا ياما هناك

و تقعد معاه تنبهر بجد

تحس انك لقيت حد ممكن تستشيره فى بعض الامور

عن علم و خبرة

و بعدين فى لحظة ما او موقف ما

تكتشف ان كل دا سراب

و ان الافعال و الاقوال يختفى وراءها عقل صغير اوى

و احيانا يكون اسير الانا

اد ايه بتزعل عليه اولا ..

ثم على نفسك ، تحس فعلا ان معدتش حد اهل للثقة

عارف لما تكلم شخص عن مشكلة ما

او تطلب منه طلب

و يعمل فيها الجنتل و الشهم

و اطلب و قول انت تؤمر امر

و يحسسك انك بئا ملك الزمان

و بعدين ... الصمت الرهيب

و أحيانا يتهرب منك كمان

و اه بئا لو فعلا الامر دا حيوى و متوقف عليه أمر مهم بحياتك

اد ايه بتحس انك كنت ساذج عشان وثقت بيه

و كمان أمور كتير فى حياتك بتتعطل بسبب الشخص دا

عارف لما تعيش أحلامك ،

و ترسم طموحاتك ..

و تعيش فى عالم الخيال و المثالية

و بعدين تحاول تطبقه على أرض الواقع

فتتهشم كل احلامك على صخرة الواقع الناتئة

و تلاقى الكل بيقولك عادى

احنا كنا كدا

و بئينا كدا

و انت بترفض تبئا كدا

و تفضل فى الصراع المرير

و ماحدش فاهمك و لا بيحس بيك

و بيقولك كبر؟؟!!

عارف ...

عارف ...

عارف...

حاجات كتير اوى ...

لكن فى النهاية اللى أقدر أقولكم انى توصلت له

اننا نعيش عالم من الخداع .. فلا تحاول الهروب

و لكن حاول التعايش

لا أحد يمكنك ان تثق به اطلاقا ..

لكن هناك العديد من الاشخاص يمكنك ان تحبهم و تقربهم منك

فعلا ماحدش بيقدر المشاعر صح ..

لو كل واحد فينا يخاف على مشاعر التانى ماكنتش الحياة تبئا صعبة كدا

كل انسان بيرسم المثالية ، لكن للاسف محدش بيعيشها ..

فحاول ان تتقبل الواقع بنظرة مثالية ..

و أحلى حاجة اكتشفتها ..

انك فعلا مش هتعرف تعيش الا لما تكبر...

لكن ..

كل ماحاول اعمل كدا ،

بأتضرب قلم صعب اوى .. عشان أفوق

قلم بيقولى .. الحياة مش كدا

و ربنا مش عاوز مننا كدا

و إذا كانت الناس أصبحت بهذا الحال

فاحنا مش مأمورين اننا نسايرهم ونعمل زيهم

احنا مأمورين نبئا زى ما ربنا بيقول بسسسسسسس

و ترجع تانى تعمل زى ما كنت بتعمل

و ماتلاقيش غير انك تقول : يارب صبرنى ... وقوينى .

والله معاك حق
بس عايزة اقول ان الواحد مش بيزعل قزي فير من اللي بيحيهم وللاسف حتلا لو عارف انهم بيخدعوه بيحاول يكدب نفسه

كل اللى اقدر اقولهولك انك لازم تعدى حاجات كتيرة قوى لانك لو وقفت عليها هتتعب على الفاضى ومتصدقش الا نفسك وعلى فكرة هى دى طبيعة الحياة فيها كل حاجة ..ما تحب وما لا تحب.. ما تطيق وما لا تطيق

انت مش لاقى عنوان للتوبيك
انا مش لاقيه كلام اقوله غير
حسبيى الله ونعم الوكيل

موضوع جميل

لياااااااااااااا عودة,,,,

بص يا رسمى
هو احنا عمرنا ما بننخدع فى حد الا بجهل وسذاجة مننا
مش بنعرف الناس صح
علشان كده بنعاملهم بطريقة غلط
لو كل واحد عرف اللى قدامه بيعرف يعامله ازاى ويدخله منين
والمظاهر عمرها ما كانت دليل على معدن الشخص
ولا حتى كلمتين فى قعدة واحدة
الرجالة مواقف مش بق
وزى ما قال احمد ماهر فى اعلانات القرن الماضى
الراجل مش بس بكلمته الراجل برعايته لبيته واسرته
يعنى الرجولة عمل وفعل
وزى ما قال حسن حسنى
الرجولة ادب
كلنا محتاجين لسه حاجات كتير نتعلمها وهنتعلمها بس مش من كتب ومراجع ومحاضرات
هنتعلمها من الدنيا
احسن علام
هو صعب حبتين والغلطة فيه بفورة
بس يوم ما تغلط هتعرف انك استحالة تقع فى غلطك ده تانى
المواقف اللى بتحصلك دلوقتى
هى اللى بتعلمك
وزى ما بيقول الناس
what doesnt kill me , makes me stronger
وفى الاول وفى الاخر يا رسمى
اسمها دنيا
مش حاجة تانى
ولازم تتكيف معاها
وميرسى يا رسمى على الموضوع الجامد
وسورى للاطالة

مع احترامى الشديد لكلامك يا سايتو احنا بنعامل الناس على طبيعتنا بنكون فكرنهم زينا ولما بيظهر عكس دا بنتصدم
فى الناس دى يعنى مش هنقدر ندخل جوه الناس
ونعرف ضمايرهم لان فى ناس فى طبعها الخداع
اسفه للاطاله

ماهى معاملة الناس على طبيعتنا دى
هو اللى انا بتكلم فيه
لان ده سذاجة وجهل
دا حتى الناس الكبيرة دايمت تقول صوابع ايديك مش زى بعضها
يعنى مفيش حد زي حد تانى
وانا مش بقول ندخل جوه الناس
بس على الاقل عايز رسمى يبقى مشغل دماغه ومحكمها فى اموره اكتر من كده شوية
والناس اللى فى طبعها الخداع
ربنا يكرمهم
وبس

شكرا لتوضيح