عيـــــــــــــــــــش بدماغك !!!!!!!!!!!!!

هل نحن بحياتنا اليوميه نعيش بادمغتنا؟؟"

بعيدا عن المنتدى ومواضيعه...

بواقعنا.. هل نفعل ما نشاء؟؟ كيفما نشاء؟؟ بالوقت الذي نشاء؟؟

انتَ,,,, هل تعيش حياتك بدماغك؟؟

ان كانت اجابتك نعم.. قول ازاي؟؟؟

وان كانت اجابتك لا قل لي ما الذي يؤدي بك لان لا تعشها بدماغك؟؟ او بمعنى اصح تعيش بدماغ غيرك

ارجوا المشاركه من الجميع

انا بانتظاركم...

اكيد كل واحد يحب انه يعيش بدماغه مش بدماغ حد تانى,,, انا عن نفسى الحمد لله غالبا عايشة بدماغى وبتفكيرى وانا عايزة ايه ,,,الشخص الوحيد الى ممكن اعيش بدماغه احيانا هو ..بابا..لانه عنده خبرة كبيرة جدا فى الحياة وكتير بيخاف عليا وبيحس انى لسه عيلة صغيرة وبصراحة كتير قوى بتتطلع دماغ بابا صح ,,عشان كده بابا هو اللى بعيش بدماغه احيانا.شكرا ياسر على الموضوع الجميل ده ..

اكيد طبعا بحب اعيش بدماغى
ولو انى ممكن اعيش بدماغ غيرى
بس مش اى حد كدة ولاسباب
مثلا اكون انا مقتنعة ان اللى فدماغى دة غلط
او انه صح بس هيزعل ناسى منى
فببدا انى اشوف اللى انا بحبهم دول دماغهم ازاى
واشوف هقدر اعمل اللى فدماغهم ولا لا
وانا بشوف انى مادام مفيش مبادىء هتتغير جوايا يبقى عادى لو ريحت اللى بحبهم واكيد هما برضه هيعيشوا بدماغى فحاجات كتير
حتى فالدراسة انا ساعات ببقى مضطرة انى اشوف دماغ الدكاترة عايزة ايه
و اكتب بالاسلوب اللى هما عايزينه مش قهر ولا حاجة
لا بس عشان هما كدة بيرسموا نظم تفكير معينة فى عقولنا
وبس هوة دة اللى فبالى دلوقتى
موضوع جديد و هادف شكرا

أولا أيه أخباركوا وأخبار الكليه اللي وحشتني جدا انا مكن اكون واحد غريب عليكوا شويه بس متابع م وقت للتاني المنتدي
المهم يا عم ياسر انا بالنسبه ليا مينفعش اني اعيش بدماغي بالمعني الصحيح يعني انا ممكن اعمل حاجه بدماغي بس الاول وبعد التفكير فيها لازم اعرف دماغ غيري او الشخص اللي قدامي لاني اكيد لما بعمل اي حاجه حتي لو كانات شخصيه للغايه اكيد في ناس هيكون ليهم رد فعل علي الحاجه اللي انا عملتها لاني مش عايش لوحدي في الدنيا وبعيدا عن والدي أو أهلي اللي لازم نرجعلهم في بعض الحاجات اللي أكيد بحكم السن والخبره محتاجين لمساعدتهم لينا

انا بقى دايماً عايش بدماغي
ازاي
طبعاً كل واحد فينا باه ومماته مربينه على اسلوب معين واكيد بينقله خبراتهم ليه من خلال الكلام وغيره
يعني في سننا دا عندنا خبره قليله جدا على اساسها بتعامل بيها في شتى مجالات الحياة
ممكن بقى اعيش بدماغ غيري بس بعد ما اجرب دماغي انا
واشوف فعلا انا صح ولا غلط، وكلام غيري ايه تأثيره وكدا يعني

شكرا على مشارتكم الرائعه
منتظر المزيد

انا بقى نفسي اعيش بدماغي واكبرها وما اخدتش كل حاجة على اعصابي
وده للاسف بيحسسني اني مش عايشه سني ولكن عايشه سن اكبر كتير يمكن عشان عندي خيرات كتير بس ايه يعني
بجد امنية حياتي اني اعيش بدماغي وما اهتمش براي حد واعيشها بالطول ولا بالعرض زي مابيقولوا

Twisted Evil

مفيش حاجه تستاهل نشغل دماغنا بيها

كبري دماغك تستريحي

ميرسي عالنصيحة الغالية دي

اكيد مش كل حاجه ممكن نعيشها بدماغنا

لا حول ولا قوه الا بالله ماهو الواحد لو معشى بدماغه هيمشى حااااااافى يعنى
المهم

على فكره مش فى كل الاوقات ممكن انت تعيش بدماغك فى اوقات معينه ومش اى تصرف ممكن يجى فى دماغك تعمله لان ممكن التصرف ده يتعارض مع الدين والاخلاق والاداب العامه وما تنسوش اننا مجتمع بتاع لت وعجن كتير وهما ما بسدقو انهم يلاقو حد يمسكو سيرته ............فكر قبل ما تعمل اى حاجه شوف ايه اللى هيريحك واعمله بس يكون التصرف ليه حدود ومخليش حد ممكن يتكلم عليك نص كلمه وازاى مثلا كلام الناس مايهمكش او ما يهمكبيش لاء كلام الناس ده هو اللى بيخلق ليك سمعه سواء سمعه كويسه او وحشه ...................شوفو الصح فين واعملو بس احذرو الغلط اللى هيكون تحت مسمى الحريه او اعيش بدماغى ..........وعلى سبيل المثال مثلا واحد عايش بدماغه بيشرب كل حاجه سواء سجاير او مخدرات وده عايش برحته طيب ما اللى هيشوفه هيقول عليه شخص مش كويس او العكس بالنسبه للبت انها تكلم ولاد بنيه صافيه وتقف معاهم ما اللى هيشوفها هيقول بت مش كويسه مع انها مش وحشه لكن النظره العامه لها هتكون كده ............وكفايه كده عشان ايدى وجعتنى واتمنى ان تكونو تقبلتو مرورى

موضوع جميل اوى عيـــــــــــــــــــش بدماغك !!!!!!!!!!!!! 177937

انا بحس انى اكتر واحدة عايشة بدماغى يعنى هو فية كتير من اصحابى بينتقضونى عشان كدة بس انا شايفة انى مقتنعة بالا انا بعمله ومادام صح ومش هيزعل حد منى خلاص وبعدين احلى حاجة ان الانسان يعيش بدماغه بس اهم حاجة يكون مبيعملش حاجة غلط

موضوع جميل قوى اكيد كل الناس بتحب تعيش بدماغها بس كلنا بتمر علينا ظروف ونلاقى نفسنا ماشين بدماغ حد تانى خالص سواء الأهل أو شخص بنحبه و نخاف نخسره