مضايق ومش عارف السبب

ممكن يحصللك انك تكون مضايق اوى اوى.....و ما فيش اى سبب معين يكون هو اللى مضايقك؟؟
بتكون قرفان كده .......و مش عايز تكلم حد......مع ان الطبيعى ف شخصيتك انك رغاى
طيب لو بيحصللك كده....و الناس بتقوللك مالك مضايق ليه......بتقوللهم ايه؟؟
هتقولهم ما فيش حاجه هيقولوا مش عايز يقولنا و يفضلوا يقولولك لا صح بجد مالك
و انت تفضل تدور جوه نفسك على سبب عشان تسكتهم بيه...و عشان كمان ما يزعلوش منك
و تكون مش مقتنع اصلا بالسبب ده...وهو ممكن يكون فعلا سبب مقنع و ممكن يضايق اى حد
بس من جواك انت متاكد ان مش ده اللى مضايقك
ف بلاقى نفسى مش عايزه ابين لاى حد انى مضايقه عشان اتجنب ده كله

المشكله بقه
مع الناس اللى هما اصحابك اوى و اللى مش بتخبى عليهم حاجه
ممكن بتلجأ لانك تدارى ضيقك ده قدام الناس العاديه عشان ما يقعدوش يسألوك
بس المشكله ان اصحابك بيكونوا فاهمين انك بتمثل
و انت نفسك مش بتقدر تمثل عليهم
و يا سلام لو لقيت نفسك بتبكى بقه......مش هيسبوووك و يحلفوك بالله تحكيلهم
و الواحد و الله مش بيبقى عارف ايه الى مخليه يبكى
طيب اعمل ايه
بلاقى نفسى بهرب منهم...و انا اصلا ف الطبيعى ما بعملش كده خالص
بس بسيبهم عشان بحس ان دمى تقيل
و ما فيش سبب عشان يعزرونى بيه
طب انا نفسى ف تفسسير للموضوع ده

الموضوع جميل

بس علي فكره كلنا كده ، وانا واحد من الناس بيحصل معايا كده ، وفعلا مش بلاقي سبب مقنع أرد بيه علي الناس

أنا من رأيي إن ده بيبقي بسبب عوامل نفسيه زي الخوف من ربنا وعذابه خصوصا لما نعمل حاجه غلط وكمان خوف من

الإمتحانات والنتيجة وخوف من الايام والتخرج والمصير المجهول

وحاجات كتير أوي يا نووودي بس انتي ما تشيليش في نفسك

MIDOOOOOOOOOOO

على فكره الموضوع دا عندي برده بس أنا عندي تعود
يعني نادراً جدا لما بصحى من النوم مثلا اتكلم
وممكن اقعد لحد المغرب متكلمش ولا كلمه
بكون ساعتها مضايق وبرضه مش عارف ليه

بس أنا أحب أذكر نفسي أولاً وأصدقائي بالطرق التاليه

الطريقه الأولى:
اكثر من قراءة القرأن الكريم فا القرأن الكريم شفاء للروح ويزل الهموم والأحزان من القلب فهو كتاب الله فألجء الى القرأن دائما

الطريقه الثانيه:
تذكر بأن الهموم والأحزان سوف تزول لاننا لن نعيش في هذه الحياة سوى قليل من الدهر وبعدها سوف نرجع للخالق

الرازق الي خلقنا وهو الله عز وجل فأعرف ان الهموم والأحزان ليست دائمه وان لو تسعد في حياتك فأعمل لكي

تسعد في اخرتك

الطريقه الثالثه:
عليك بالأذكار الشرعيه فهي من اهم الأمور لأزالة الهموم والأحزان
ومن هذه الأدعيه

حسبنا الله ونعم الوكيل(تقال عند الخوف من وقوع مكروه)

انا لله وانا اليه لراجعون اللهم اجرني في مصيبتي واخلف لي خيرا منها( يقال عند وقوع مروه)

لا اله الا الله(يقال عند الفزع)

لا اله الا الله العظيم الحليم لا اله الا الله رب العرش العظيم لا اله الا الله رب السماوات ورب الأرض ورب العرش

العظيم ( يقال عند الكرب)

اللهم اني اسألك بأني اشهد انك انت الله لا اله الا انت الاحد الصمد الذي لم يل ولم يولد ولم يكن له كفوا احد

اسألك.....(اطلب ما تريد)

تقبلي مروري

ميرسى على مرورك يا ميدو
انا كنت محتاجه فعلا اعرف اذا كان الموضوع ده بيحصل لناس تانى غيرى و لا لا
عشان فعلا انا مستغرباه جدا ف نفسى
ف كويس انه ما طلعش عندى انا بس
شكرا مره تانيه على تعليقك

يااااسر
ربنا يكرمك على ردك الجميل ده ياياسر
و يبعد عننا جميعا الحزن و الهم
و فعلا اكيد الواحد لما يقرا القران و يقول الاذكار....مستحيل مايستريحش
و بالذات
الاذكار دى فعلا بحسها بتزل الهم كده و تمحيه تماما

اللهم انى اعوذ بك من الهم و الحزن...و اعوذ بك من العجز و الكسل و اعوذ بك من الجبن و البخل و اعوذ بك من غلبه الدين و قهر الرجال

و كمان

اللهم انى عبدك و ابن عبدك و ابن امتك ناصيتى بيدك ماض فيا حكمك عدل فيا قضائك
اسالك اللهم بكل اسم هو لك سميت به نفسك او انزلته فى كتابك او علمته احدا من خلقك او استاثرت به فى علم الغيب عندك ان تجعل القران العظيم ربيع قلبى و نور صدرى و جلاء حزنى و ذهاب همى

و كمان

لا اله الا انت سبحانك انى كنت من الظالمين

بجد التلات ادعيه دول بالذات بيشرحوا الصدر بمنظر رهيب بجد
انا عارفه ان ده العلاج
و الحمد لله موضوع الضيق ده مش بيطول معايا
و بعرف اطلع منه الحمد لله
بس كل اللى كنت مستغرباله هو ليه؟؟
التفسير يعنى كان نفسى اعرفه

بس كنت عايزه اعرف بس يا ياسر يعنى ايه عندك الموضوع ده تعود؟
انت لو من طبعك انك ما بتتكلمش كتير ...تبقى حاجه تانى
و يكون موضوع انك تسكت دى مش حاجه غريبه يعنى

والف شكر مره تانى يا ياسر على ردك الجميل