يا كابتن لو سمحت انا مش مزة

كابتن لو سمحت انا مش مـــــــــــــــــــــــــــزه

[size=16]السلام عليكم ورحمه الله وبركاته

سعيده بوجودي معاكوا في المنتدي الجميل ده

هدخل في الموضوع علي طول يمكن ميكنش جديد بس بصراحه زاد قوي اليومين دول

انا لى حقوق مثلك بالضبط ايها الشاب...

طالما انى اراعى الاداب والعادات والتقاليد فليس من حقك ان تعاكسنى ...

هذه بدايه قبل ان يقول احد ان البنت بلبسها تجبر الولد على ذلك...

انا هتكلم عن فئه لا ترتدى الكت ولا شورت ولا بنتاكور..

لماذا تلاحقنى عيناك ولماذا تسمعنى كلمات غزل؟؟؟؟

انا لم اطلب منك ذلك...ولم افعل مايشجعك على ذلك...

انا احترم نفسى اذا يجب ان تحترمنى..

سيقول الشباب البنات بتحب كده

واحنا بنرفع روحهم المعنويه

وانت يعنى بتشيل على اكتافك الواجب الوطنى ده

وهترفع روحنا المعنويه!!!!!!!

انا ممكن اكون حلوه..محدش طلب رأيك؟؟؟؟

مجتش جمب سياتك وقولتك ها انا حلوه!!!

ليه تفرض نفسك على اذنى؟؟؟

وليه تسمعنى هذه الكلمات البذيئه ...انا اعتبر كلمه (مزه) كلمه بذيئه

كلمه تحط من قدرى وتختصر انسانه بثقافتها وعقلها

واخلاقها وتعليمها ودينها فى مجرد(مزه)....

عفوا انا انســـــــانه مــــــــــش مـــــــــزه

نعم فلتعلم ايها الشاب قبل ان تفكر ان تعاكس

(ولن اتكلم من الناحيه الدينيه لانها معروفه للجميع)

اعلم انك بهذا لا تنول اعجاب الفتاه

وانها تعتبرك طفل صغير او مراهق

لايستطيع التعامل او التحاور مع الفتاه

فكل مايراه انها (مزه ) لا يستطيع ان بقيم معها حوار

وقد تكون تلك(المزه) تفوقه ثقافة وعلما...

وللامانه طلعت اليومين دول كلمه سخيفه ايضا بين البنات ..

لما تحب توصف ولد تقول(مز)

ياااااااااااحلاااااااااااوه!!!!!!

وانا اصلا يوم محب واحد اقول عليه مز عادى كده وفرحانه

ودا كده راجل فى عينى

والولد بأه بيكون سعيد ومنشكح لما يعرف انه اتقال عليه (مز)..!!!!

وبالله عليكم محدش يقولى على فكره البنات دلوقتى بتعاكس الولاد!!!!

قولى نسبتهم كام!!ا

أو هم مين وتربيتهم ايه...

وكلنا عارفين ان البنات المحترمات عمرهم مهيعملوا كده..

فانا مش بتكلم عن دوووول كلامى واضح...

انا بتكلم عن بنات محترمه لا عاكسوا حضرتك

ولا طلبوا رأيك فى شكلهم..ليه تفرض نفسك عليهم!!!

ليه تيجى جمبى وترمى الكلمه وتقول( يامزه )

وتجرى زى اللى عارف انه بيعمل حاجه غلط..

ايها الشاب انا انسانه متقــــولش مــــزه

منقوووووووووووووول
[/size]

على فكرة اللى بتعاكسوا
زى ما بتقولى هما اللى لابسين كت وبنتاكور زى ما بتقولى
ولو بتتكلمى على فئة تانية
الفئة دى مش بتتعاكس ولا بيتبصلها اساسا
وعلى فكرة كلمة مز مش اليومين دول ولا حاجة
دى من ايام فحت البحر
وقديمة اوووووووووووووى
وميرسى على الموضوع

ليكى حق يا بنت النيل موضوعك جامد وانا كمان بحتقر الولد اللى بيعاكسوالبنت اللى بتعاكس دى اكيد مش شخص سوى

الشاب اللى بيعمل كده يبقى حاجه واحده
تاااااااااااااااااااااااااافه

والله يا سايتو يا ابني انت ادرررررررررررررررررررررررررررررررررررى
وميرسي لمرورك يا دوبي انت واذ جيت

شوفي يا نايل

اولا : انتي استبعدتي الناس اللي بتلبس كات و بنتكور و كدة مع العلم ان في بنات محجبات

لبسهم العن و اسخم م اللي انتي بتقوليه دة

لكن انا رأيي ف الموضوع انه مش متعلق بالبنت لابسة اية او مش لابسة اية

قد ما هو متعلق باحترام الشاب لنفسه

لو هو محترم و شاف قدامه مين مش هيعبرها لكن لو العكس هيعاكس حتي لو

البنت محترمة و ماشية ف حالها

اما بالنسبة للبنات اللي بتعاكس دول يعني نو كومنت عليهم

مع العلم ان في بنات مش بتعاكس و بتعمل حاجات افظع من المعاكسة

يعني انا شايفة ان البنت او الولد اللي بعاكسوا مش بيعاكسوا

عشان الروح المعنوية او اللبس او اي حاجة تاني

لكن بيعاكسوا عشان هما مش محترمين اصلا

ناااايل شكرا ليكي ع الطرح دة

بس ازاي دة اول موضوع ليكي ؟

طبعا اللي بيعاكس دا بيكون انسان مش محترم , دا اذا كان انسان اصلا!!! بس احب اقولك متشغليش بالك بالحاجات دي , و تقريبا نفس الموضوع كان موجود على منتدى أستاذ/معز مسعود وكان السؤال بتحسي بايه لو اتعاكستي؟ و كانت معظم الاجابات ان البنت بتتضايق,الا بنت واحده بس قالت انها ما بتحس بشي! في الاول انا استغربت من ردها انما بعدين قلت ممكن مش بتحس بحاجه لأنها أصلا مش بتشغل بالها بالمعاكسات.. و انا معاكي انها حاجه مستفزه بس احنا مش هنقدر نربي واحد أهله مش قادرين عليه و يمكن كمان هما اللي علموه يعمل كده , والله بيصعبوا عليا أكتر ما بيدايقوني ,يا حرام مش عندهم العقل اللي يدركوا بيه حجم الذنوب اللي بتتكتب عليهم من تصرفات زي دي.. ربنا يهديهم و يصلح الحال.

انا معاكي يا ايجيبت انت وباني
انهم بيبقوا شباب طايش وفاضيه والفراغ يعمل اكتر من كده
ميرسي عالتعليق الجامد ده

الكلام ده نظري اه ممكن بس الحقيقة غير كده انا كل البنات الي اعرفخم اساسا بيقولوا علي نفسهم مزز مثلا لما يكونوا شيك اوي النهارده وكده فكلمة مزة دي عادي بالنسبة للبنات والاولاد مش عيب اوي يعني

هي فعلا الكلمة هتاخد مجري تاني و تبقي عادية

و بتتقال عادي فعلا دة حتي البنات ساعات بيقولوها لبعض

بس الفكرة مش ف الكلمة نفسها

الفكرة ف المعاكسة بغض النظر عن الكلمة

نايل تقبلي مروري

ميرسي عالمرور الرائع ده
الكلمة في حد ذاتها مش عيب لكنها بتحصر البنت في صفة واحدة وهي انها تكون جميلة وشيك
لكن البنت مش كده وبس وطبعا زي ما قالت ايجيبت احنا هنا بنركز اكتر على المعاكسة مع اني ( وده راي الشخصي ) ان الكلمة دي بتحط وتنزل من قدرة الفتاة وانا انكر ان هناك الكثيرين ممن يفرحون بمثل هذه الكلمة

ابنك
وادرررررررررررررى
ههههههههههههههه
ماشى
ميرسى على الموضوع مرة تانية

ميرسي عالمرور
نورت

على فكرة من النادر جدا لما حد بيعاكس واحدة محترمة فى لبسها ومشيتها او تقريبا مستحيل اما البنت اللى بتكون لابسة شورت ولا كت ادونى سبب واحد غير انها لابسه كده مخصوص علشان تلفت انظار الشباب ليها

مع العلم انى ضد فكرة المعاكسة تماما لان العملية سلف ودين وكما تدين تدان لكن منكرش ان الواحد احيانا مبيقدرش يمسك لسانه لما بيشوف واحد مزوداها شوية من باب الاستهزاء بيها

ميرسي عالمرور والتعليق الصريح ده
نورت

ياجماعة انا عايزة اقول حاجة وهي ان الموضوع في الاساس مش على موضوع المعاكسة قد ماهو اصلا على لفظ " مزززززززززززززززززززة"
ولكم خالص تحياتي واتمنى انها تختفي من قاموسنا

شكرا ع الموضوع ده وخدى في بالك لبس البنات
علي فكره مش كل الشباب كده
انا مثلا اخاف اعاكس واحده لان ايوه ماعنديش اخوات بنات لكن بخاف يترد ليا في اهلي وده اللي عمرى ما ارضاه او اسكت عليه