من نكون!

من نكون نحن يا ترى هل نحن ذلك الجيل المتهم بالتشوش والسطحية فاقد الهدف والامل ام نحن جيلا سويا ام نحن افضل حتى ممن سبقونا فاذا كنا ذلك المشوش السطحي فلماذا نحن مشوشين هل لاننا نفتقد القدوة الحقيقية ام لاننا محاطين بالعديد من وسائل التشويش والافساد!!! واذا كنا جيلا سويا فلماذا لا يشعر من حولنا بهذا السواء !!! هل لاننا لا نستطيع ان نعبر عن انفسنا‘ واذا كنا افضل ممن سبقونا فماذا قدمنا لمن سيخلوفوننا!!!!!!!اتمني ان اجد لديكم الجواب

شوية اسئلة جامدين بصراحة
وانا انن شاء الله هقولل رايى لما اصحى بقى
الساعة 4 ونص حاليا
ومش شايف قدامى

بس حبيت احيى صاحب الموضوع
تقبل مرورى

من نكون نحن يا ترى
احنا زى ما اتقال لاحمد حلمى فى الفيلم
كائنات حية تعيش وتتعايش
بنى ادمين زينا زى غيرنا
هل نحن ذلك الجيل المتهم بالتشوش والسطحية فاقد الهدف والامل ام نحن جيلا سويا ام نحن افضل حتى ممن سبقونا
هو احنا جيل فى نظ اللى قبلنا
احنا فعلا سطحيين وحتى فى نظر نفسنا برده
سطحيين
نادر لما تلاقى حد عنده هدف وليه امل بيتصرف ويعيش علشان يحققه
كلنا بيكون لينا اهداف
بس مين اللى بيرسم لنفه طريق ويمشى عليه علشان يحقق هدفه وامله ؟؟
هما دول اللى نادرين وسطنا
انما الباقى له اهداف انما فى الاول وفى الاخر كلام
محدش بيعمل حاجة
موضوع احنا جيل سوى ولا لا
اعتقد ان السؤال ده ظالم لينا احنا
كنا اسوياء او لا
فده بيكون نتاج الظروف مش نتاجنا احنا
واللى بيكسر القاعدة دى هو اللى يتقال عليه عبقرى
وطبعا العباقرة قليلين جداااااااااااااااااااااااااااااا
والجيل اللى قبلنا احنا اكيد افضل منه فى حاجات
بس برده هو افضل مننا فى حاجات تانى
واحنا بالنسبة للجيل اللى جاى بعدنا هنكون احسن منه برده فى حاجات وهو هيكون احسن مننا فى حاجات
هى كده
وهتفضل كده
حاجة كده زى سنة الحياة
كل واحد بيتميز عن التانى بحاجة
فى حين ان التانى بيتميز عن الاولانى بحاجة برده
فاذا كنا ذلك المشوش السطحي فلماذا نحن مشوشين هل لاننا نفتقد القدوة الحقيقية ام لاننا محاطين بالعديد من وسائل التشويش والافساد!!!
لو كنا زى ما بتقول كده
مشوشين وسطحيين
التشوش ده والسطحية سببها حاجتين فى رايى
زى ما قلت قبل كده الظروف والبيئة والتربية
والجزء التانى
مننا احنا
من ساعة ما ابتدينا ندخل مرحلة الادراك
ومحدش فينا قاوم حاجة
محدش عرف انه مشوش وحاول يصفى نفسه
ولا حد عرف انه سطحى وحاول ينمى تفكيره
اخدتنا وسائل التشويش الكتير اللى حوالينا لدرجة انه محدش بقى بيفكر
هو ايه ولا يصلح نفسه ازاى
الحياة اتزحمت لدرجة ان الناس كلها بتبص على غيرها ومحدش بيبص على نفسه

واذا كنا جيلا سويا فلماذا لا يشعر من حولنا بهذا السواء !!! هل لاننا لا نستطيع ان نعبر عن انفسنا‘
لو احنا اسوياء برده
زى ما بتقولى
اللى حوالينا مش حاسين لانه مفيش جسر او حوار بينا وبين اللى قبلنا واللى
بيحاول يعدى الجسر او يعمل الحوار ده
هو بيتعب
واللى قبله بيتعب
بيصطدم بالمحظور ايامهم والمباح ايامنا
وطبعا فى مننا اللى مش بيعرف يعبر عن نفسه اساسا
واذا كنا افضل ممن سبقونا فماذا قدمنا لمن سيخلوفوننا!!!!!!!
هو لغاية دلوقتى
محدش قدم حاجة
بس على الاقل لو اللى بعدنا هيفكروا ويحاولوا يستفيدوا
وانا واثق انه محدش هيعمل كده
بس لو حد عمل
اقل حاججة انه هيستفيد من اخطائنا
ويحاول يتلافاها

اعتقد ان دى اقل حاجة ممكن تتعمل
بس لو حد وقف وفكر

دا مجرد راى
من غير الدخول فى دوامة الدين والحلال والحرام
وبس

ق عجبتنى قوى جملة اننا ازحمنا لدرجة اننا بنبص على غيرنا مش على نفسنا ويمكن هى دى المشكلة لاننا لو شفنا نفسنا احناكويس بيتهيقلى وقتها بس هنقدر نعرف عيوبنا وبيتهيقلى كمان اننا مجرد اننا نحط ايدنا على العيب والخلل ده لوحدة انجاز وبداية كويسة للتغير الحقيقي ....... متشكرة جدا على مرورك seito