أبي .. أمي ..... شكرا

هل فكرت يوما أن تذهب لوالدك وتشكره أنه اختار لك أمك الرائعة؟
هل فكرت يوما أن تذهب الى والدتك وتشكرها أنها اختارت لك ذلك الأب الرائع ؟
هل فكرت أثناء اختيارك لفتاة أحلامك أن تكون أما يشكرك عليها أطفالك ؟
وهل فكرتِ أثناء اختيارك لفتى أحلامك أن يكون أبا يشكرك عليه أطفالك ؟

ماذا لو أحببت فتاة ولكن وجدت أنها لا تصلح أن تكون أما ؟ ماذا لو أحببت شابا ولكن وجدت أنه لا يصلح أن يكون أبا؟

هل ستقبليه زوجا لكِ ؟ هل ستقبلها زوجة لك ؟

وما هي المعايير التي ستحدد /ستحددي بها إن كانت تصلح أما أم لا ؟ أو كان يصلح أبا أم لا؟

طبعا أولا احب أقولك ان الموضوع جميل جدا وجديد
انا عن نفسي الحمد لله أحب أشكر بابا انه أختار ماما
لأن أختياره بصراحه كان فى محله
وبرضه بشكر ماما انها اختارت الاب العظيم ده اللى مهما عملت مقدرش أوفى ولو جزء صغير من جمايله عليه
كفايه انه ربانى تربيه كويسه الحمد لله فعلا انا بفخر ببابا وماما
أسئلتك بقى يا ياسر:
ماذا لو أحبيت شابا ولكن وجدت انه لا يصلح ابا؟
أولا احب أقولك ان مينفعش أحب واحد غير لما فالأول أفكر مليون ألف مره اذا كان هينفع يكون اب ولا لأ
لأن مينفعش طبعا أحب واحد مينفعش انه يكون أب أمال انا مثلا هحبه ليه؟
مش لازم الاول المفروض الواحد يكون عقلانى شويه ويفكر الف مره فى اللى هيرتبط بيه لأن زى ما قولت انه هيكون أب لعيالى

السؤال التانى بقى المعايير هتكون:
أولا متدين وبعدين انه يكون يقدر يتحمل المسؤليه ويكون محترم وبعدين فى معايير كتير بس دى اللى على بالى دلوقت
معلش طولت عليك
ميرسي عالموضوع

اولا احب احييك على موضوعك يا ياسر
ثانيا الحمد لله انا فخورة جدا بوالدى و والدتى اللى بجد مش مقصرين معايا فى اى حاجه و كفاية انهم مصاحبينى Very Happy

و اقول ان كل واحد فيهم كان موفق فى اختياره للتانى و يارب يكون حظى زى حظهم
ثالثا من حيث موضوع اختيار فتى احلامى انا لسه فعلا كنت بتكلم فى الموضوع ده انهارده انا و صاحبتى Very Happy

اكيد طبعا قبل ما هحب واحد هحاول احكم عقلى و اشوف ينفع فعلا يكون زوج ليا و اب لولادى افتخر بيه انا و هما ولا لاء ساعات طبعا الواحد بيحب حد قبل ما يحكم عقله و يشوف ينفع يكمل معاه ولا لاء و فى الحالة دى بردو الواحد بيفوق لنفسه و بيبدأ يفكر و لو لقى الطرف التانى لا يصلح لتكملة مشوار الحياة معاه اكيد لازم يسيبه بدل ما يكمل و هو وحده اللى هايندم بعد كده
اما عن معايير اختيار فتى الاحلام فهو لازم يكون متدين و متحمل المسئولية و طموح مثقف وطبعا يكون انسان حنين و مش انانى

وشكرا على موضوعك

الاول شكرا على الموضوع الرائع دة واحب اقولك ان دة بالنسبة لى موضوع مصيرى علشان كدة الواحدة لا زم تبقى محافظة على نفسها و ما ترتبطش بحد الا فى نطاق رسمى وانا قلت الكلام دة فى موضوع قبل كدة ومن مواصفات شريك حياتى انه يكون متدين بس مش متشدد يعنى مثلا زى عمرو خالد ويكون حنين ويكرمنى ويربى اولادى على الخلق القويم

[center]موضوعك جميل ..ياسر ..انا بحمد ربنا على بابا وماما وكمان على اخواتى انا بجد اسرتى جميلة قوى الحمد لله ماما طيبة قوى عمرها ما رفضتلى طلب بابا بحس انه عايش عشانا انا واخواتى بجد ما بيفكرش فى نفسه خالص مدلعنى اخر دلع عشان انا اخر العنقود لدرجة ان ماما ساعات بتقوله والله ما حدش هيعرف يكلمها بعد كده قصدها عليا طبعا وانا حاسة انى راضية بابا وماما لانى والحمد لله بسمع الكلام والحمد لله متفوقة فى دراستى ودى حاجة بتسعدهم وبتسعدنى لانها بتسعدهم .اما عن جوزى فلازم طبعا يكون يصلح ابا عظيما وناجحا.ميرسى قوى على موضوعك يا ياسر

بحمد ربنا علي نعمة الاب و الام خصوصا لما يكون حد منهم قريب ليك

و كل واحد منهم بيملي عندك فراغ معين الحمد لله

عايزة ابدأ بالمعايير اللي بناءا عليها مش هينفع اكمل معاه لو طلعت مش فيه

انه يكون راجل بمعني الكلمة و دي اهم حاجة عندي

انه يعرف ربنا و يكون بيتحمل مسؤلية

اكيد كل انسان فيه عيوب بس دي صفات مش هتنازل عنها

و لو حبيت حد مش هينفع يكون اب كويس لاولادي اكيد هسيبه

لان حق ولادي عليا اني اختارلهم اب مناسب يراعيهم بما يرضي الله

و وارد جدا ان الواحد يحب حد مش مناسب اختلف مع عاشقة الالسن ف النقطة دي

بس الفكرة بقي انت تسمح للحب دة انه يكبر و لا لا

لكن اني اعمل شروط و مواصفات و محبش حد غير و الشروط دي فيه

مش هقدر لانه مش بمزاجي

و ربنا يكرمنا جميعا

شكرا ليك يا ياسر ع الطرح الجميل دة