الخطوبة موضة بنات 2008

يا جماعة انا عندى سؤال محيرنى بقالى فترة وبصراحة مش لاقى لية اجابة خالص
فاتمنى انكو تساعدونى فى الموضوع دة لغاية لما الاقى الاجابة الى تقنعنى فارجو المشاركة

انا ملاحظ من فترة مش صغيرة ان كتير من الشباب وانا واحد منهم بنعجب بحد من البنات
لاكن لما بيجى يكلمها او يحاول يوصلها عن طريق حد
البنت بعد ما تهزقة اول حاجة بعد كدة تقولها لو انتا معجب بيا تعالا اخطبنى
طيب حلو ولكن نفرض ان الولد لسة فى الكلية وشايل مواد وظروفة طين يعمل اية
وبعدين هنفطرد ان الواد ظروفة حلوة وزى الفل ولاكن هل هيروح يخطب واحدة
كل اى يعرفة عنها اسمها وكليتها وشكلها وبس
طب قلت مهو فية فترة خطوبة وبعدين البنت بتقول مهو لو حد شافنا مع بعض لواحدينا النس هيطلعوا كلام
طيب مش ممكن الولد الى معجب بالبنت يقف معاها والبنت تبقى واقفة معاها واحدة صاحبتها وساعتها الناس مش هتقول حاجة؟
بس هل دة معناة ان طلبة الجامعة ممنوع عليهم الحب لغاية لما يخلصوا جامعة ويتقدموا يخطبوا ؟
وهل البنت الى هو معجب بيها هتستناة لغاية لما يخلص ولا اول عريس يتقدم يخلص وخلاص؟
ولا البنات لما لقوا ان عددهم كبير بيحاولوا يضمنوا حقهم من دلواقت؟
ى ولا الخطوبة وهما فى الجامعة موضة وبتعملهم برستيج وسط الناس؟
انا والله مش عارف ياريت حد يدور على اجابة بس تكون مقنعة

ميرسى يا bosbos على مرورك
واخيرا لقيت بنت فاهمة قصدى من الموضوع ان معظم البنات بتدور على المظاهر مش الحب ولا انسان ترتبط بية

اولا بشكرك على مرورك وردك الجميل بس انا ليا تعليق صغير
الولد لما بيحب وبيعجب بواحدة بيحب بجد ولو اداها كلمة كلمة الراجل سيف على راقبتة
انا معاكى ان فى شباب بتعشم بس دول بنسبة صغيرة جدا

ترضاها لاختك؟

لو انا شايف ان الى متقدم دة ولد يستحق وفعلا باقى عليها مفيش مشاكل بس ميقفوش مع بعض لواحديهم وميبقاش فى حاجة غلط من ورانا يعنى البيتين او على الاقل بيت اهل البنت عارفين ان فى واحد معجب بيها

لما تحب توصل لواحدة انك معجب بيها ياريت تروح لها بنفسك عشان تبقى عارف ايه الرد بالظبط ومتسمحش لحد انه يالف كلام على لسان حد غيره اما بالنسبة لرأي فلازم تاخد بالك انك لسة في فترة المراهقة يعني لسة بدري قوي عالارتباط بالنسبالك كولد وانا شايفة ان اي حب المفروض انه في الاساس لازم يتوجه لله سبحانه وتعالى ولو في حب لانسان فالمفروض انه يكون في اطار شرعي وعلى فكرة انت لازم تحترم البنات المحترمة لانهم بجد حاجة نادره وغالية جدا يعني من الاخر اتقي الله ومتخليش الشباب التافه يأثر عليك و اتقرب من ربنا اكتر وانت بجد هترتاح من الوش دا ...ربنا يهدينا جميعا

كريستال احييكى على ردك
لانه بجد شمل المفيد
وياميدو مافيش اهل بنت فى بيت ابدا يرضوا باللكام الى انت بتقولوا دا

بص يا طراف
موضوعك حلو جدا بس البنات للاسف لازم تضمن ان الولد مش بيلعب بيها او وخدها تحدى مثلا مع اصحابه فى ولاد اليومين دول معندهمش اخلاق
تانى حاجة معتقدش ان فى اى اهل بيخافوا على بنتهم هيوافقوا على شكل العلاقه اللى انت بتقول عليها الا لو فى على الاقل قرايت فاتحة
و بعدين اى بنت كان ليها علاقه قبل كده و فشلت الولاد نفسهم هم اللى بيقولوا عليها انها سمعتها وحشه و بتكلم ولاد و انت عارف كده كويس
طبعا الحب مش محرم على اللى فى الجامعة بس عايزة اقول ان واحنا فى الجامعة يعنى الكبير فينا عنده21سنة طبعا مش ضامن ظروف حياته شغله و الجيش و البيت يعنى معاه لحد سن 26 ولو حظه حلو يبقوا معاه لحد 23 سنة البنت هتستنا من و هى فى الجامعه لحد 26 سنة من غير خطوبه يبقى خير الامور الوسط و انت لو عايزها بجد يبقوا اكيد هتعمل خطوبة و انت فى الجامعة او حتى بعد ما تخلص الجامعة
بس السؤال هنا هو يعنى ايه حب من غير ما تعرف الشخص اللى قدامك سواء البنت او الولد فى اعجاب و لما تعرف الشخصية كويس و تتعود عليها و تتقبل الوحش فيها قبل الحلو ده يبقى اسمه حب و حب كبير كمان مش من اول ماتشوف واحدة حلوة يبقى بتحبها لازم تتعامل معاها الاول
ولو رجعنا للدين اللى احنا اتربنا عليه يبقى خير الامور ان احنا نستأذن من الاهل الاول و لو وافقوا يبقى خير و كل حاجة هتمشى كويس و ربنا هيكون مبارك الموضوع
انوى الخير هتلاقيه و راضى ربنا هيرضيك

باشا يا انجل انتى جبتى من الاخر هو ده الكلام الصح المفروض ان الناس المحترمة يفكروا بالطريقه ده
وفعلا اهم حاجه رضا الله و الوالدين

شكرا يا ايجيبت

لا طبعا مش عايز امشى وخلاص دة يبقى عبط واالحمد لله اكيد الواحد لية اصحاب كتير بس هنا انجل وانا بحترم كلامها قالت ان الى يحب يحب الوحش قبل الحلو طيب الى انا بتكلم فية ازاى الواحد يعرف الكلام دة ازواى يعرف شخصية البنت دى دة كل الى فى الموضوع؟.