يبكى القلب

يـبـكـي الـقـلـب

عندما نمشي بين البشر

ونخطي تلك الخطوات المتثاقلة
نجر تلك الخطوات بصمت .. بألم
تظل العيون حائرة
نتصنع الأشياء الزائفة
ومع تذكر شريط الذكريات
وتفتح ملفات الماضي الحزين
حينها يبكي القلب

يـبـكـي الـقـلـب

عندما يكون على سفينة الحياة
على ذلك البحر فيغرق

ولا يشعر بنفسه إلا وقد فقد الوعي
ومن ثم
صحا ليجد نفسه على ضفافها وحيدا

يـبـكـي الـقـلـب

عندما تموت مشاعر من تحب

تبحث عنه بعينك فتجده بعيدا عنك
قد لغيت من عالمه ومن حياته ومن تفكير
وأصبحت بالنسبة له ذكرى
تحاول أن تجمع أفكارك وتصدق
قد تكابر في داخلك
وتتصنع انك بعته مثل ما باع حبك الغالي
ولكن الحقيقة غير ذلك
حبه بااقي ولم ينتهي
تتصنع تتجاهله ولكنك
تبحث عنه أينما كنت متواجد
حينها يبكي قلبك بشدة

يـبـكـي الـقـلـب

عندما تسمع مآسي العالم

تسمع ذاك قد رمى بوالده ضربة
ذاك قتل
تلك اختطفت
حينها يبكي القلب

يـبـكـي الـقـلـب
عندما يغيبون عنك

وفجأة يتذكرونك لحاجة في نفوسهم
وحينما تلبيها بقلب صاادق لهم
تتفتح عينك
لتجد نفسك قد لغيت من قائمة حياتهم
بعدما حققوا مرادهم

يـبـكـي الـقـلـب
عندما لا يتحمل البعد
فيؤثر الصمت
خوفا من ردود عكسية قد تصدمه

يـبـكـي الـقـلـب

عندما لا تستطيع أن تساعد مريض
ولا تغيث مسكين
ولا تقدم خدمات عاجز هو عنها

يـبـكـي الـقـلـب

عندما يظلم من أغلى واقرب الناس على قلبه
لأنه يتوقع جميع الناس لا تظلمه
إلا من سكن فؤاده وتملك عرش قلبه
وسيطر على كامل أحاسيسه

يـبـكـي الـقـلـب

عندما يرى عيون الشفقة موجهة نحوه
لحدث ما في حياته
معاقا كان
او
به عاهة
فيجد نظرات الشفقة
موجهة اليه

يـبـكـي الـقـلـب

عندما يستهان بمشاعرك

فتجد نفسك أضحوكة
وعلى لسان الكل
لا تحترم
ولا يعمل لك أي حساب في حياتك
وحينما تتحدث تجد السخرية في حديثك
والتعليقات الساخرة..
والغمزات المتبادلة
وكأنك مجرد من المشاعر

يـبـكـي الـقـلـب

عندما تسدي نصيحة من باب
فتجد قلبك يذهب لمن يحب خوفا عليه
... فيظن فيك غير ذلك
ويوجه لك الاتهامات الباطلة
ولا يكتفي إلا بترك بصمات من الجروح
فتصبح عدوا له

يـبـكـي الـقـلـب

عندما تصارع أمواج الحياة
فتعيش في صراع داخلي في نفسك
لتجد نفسك في دوامة الأمس واليوم
والغد وتحاول الخروج ولكن لا تستطيع

يـبـكـي الـقـلـب

عندما يعيش الحب ... العتاب ... الشوق
وفجأة تأتيه صفعة قوية
يصحو من خلالها
على أثار فقدان كل شئ قد اعتاد عليه

يـبـكـي الـقـلـب

عندما ترى من لا يمتلكون إلاسلام
فتتألم لحالهم
عندما تراهم يعبدون الاوثان والفئران وغيرها من الحيوانات
فتتذكر انك في نعمة أنعم عليك الباري بها
الا وهي الاسلام واتباع مذهب أهل البيت

منقول

و الله مش عارفة اختار اية و لا اية

بجد كلام كله رائع

بس دول بيحصلو معايا

عندما تموت مشاعر من تحب
تبحث عنه بعينك فتجده بعيدا عنك
قد لغيت من عالمه ومن حياته ومن تفكير
وأصبحت بالنسبة له ذكرى

عندما تسدي نصيحة من باب
فتجد قلبك يذهب لمن يحب خوفا عليه
... فيظن فيك غير ذلك
ويوجه لك الاتهامات الباطلة
ولا يكتفي إلا بترك بصمات من الجروح
فتصبح عدوا له
بجد موضوع النصيحة دة بتعرضله كتييييييييييييير اوي

مع اني و الله ببقي بنصح من خوفي و محبتي

بس محدش بيقدر

كلام رائع

اشكرك عليه يا بلاك

وفجأة يتذكرونك لحاجة في نفوسهم
وحينما تلبيها بقلب صاادق لهم
تتفتح عينك
لتجد نفسك قد لغيت من قائمة حياتهم
بعدما حققوا مرادهم
عندما يستهان بمشاعرك

فتجد نفسك أضحوكة
وعلى لسان الكل
لا تحترم
ولا يعمل لك أي حساب في حياتك
وحينما تتحدث تجد السخرية في حديثك
والتعليقات الساخرة..
والغمزات المتبادلة
وكأنك مجرد من المشاعر

الموضوع كله حلو
بارك الله فيك

[/b][/center]

نورتى الموضوع يا ايجبت
واوعى تبطلى النصيحه لاى حد حتى لو حصل ايه لانه هيرجع فى يوم ويعرف مين الصح ومين الغلط
وهتبقى قيمتك عنده كبيره اوى
على فكرة يا ايجبت الموضوع ده حصلى كتير ولسه بيحصلى وخسرت اصحاب كتير بسببه واسف فى كلمة اصحاب عليهم
بس المشكلة انى ماعنديش صبر فى النصيحه لما بلاقيه مصر بسيبه يجرب هو
وشكرا ليكى تانى

samo نورت الموضوع

و الله يا بلاك انا مبقتش عارفة انا اللي صح و لا الناس هي اللي صح

يعني مثلا لما اجي انصح حد و اقول لاصحابي انا عايزة انصح فلانة بكزا

و ممكن الانسانة اللي انا عايزة انصحها دي متكنش علاقتي بيها جامدة

بس بنصح و خلاص و بمنتهي الصراحة و باسلوب كويس

بس بلاقي اصحابي يقلولي و انتي مالك انتي

او يقولي لا هتفهمك غلط بلاش

و الله يا بلاك انا مش برتاح غير لما بنصح الناس و اقول اللي ف قلبي

بس محدش بيقدر و دة ميهمش

المهم اني ارضي ضميري

انا عن نفسي مثلا

بيبقي نفسي الناس تنصحني كدة و تخاف عليا زي ما انا بعمل معاهم

و عمري ما بزعل من حد بينصحني من قلبه بالعكس بحترمه جدا و بقدره جدا جدا

بس فين بقي اللي يعمل معاك كدة

قليلين اوي

معلش طولت

اتمني تتقبل مروري

انتى طبعا اللى صح يا ايجبت حد يقدر يقول غير كده
واللى بتقوليه كويس بس لازم تلاقى المتاعب
وبعدين انتى نورتى الموضوع ولا طولتى ولا حاجه
واكتبى اكتر كل مره عادى كلنا بنستفاد من بعض ولو فى نصيحه ليا قوليها مش هزعل
حتى لوكانت تافهة فى حاجه تافهة يعنى

متشكرة جدا علي زوقك دة يا بلاك

و اكيد لو لاحظت حاجة عليك هقلك من غير وصاية

شكرا ليك علي حسن النقاش

و ليك مني كل تقدير و احترام

الشكر ليكى انتى واللهى على الكلام والنقاش والواضيع الجميله اللى بتتكلمى فيها

المواضيع الجميله اسف