ايه رايكو فى الوحدة ... مرارة ولا متعة ؟

لا يوجد أصعب من الوحدة أن تكون وحيدآ يعنى أن تكون تعيسآ بائسآ فاقدآ

لأناس يؤنسون وحدتك يفرجون عنك الهموم يأخذون همومك ويطيبوا

خاطرك وقبل كل ذلك يأخذونك فى أحضانهم حيث تشعر بدفء حنانهم

وتشعر

بمدى خوفهم عليك ولكن هل بالفعل يوجد مثل هؤلاء البشر أم ذهبوا كما

ذهب أصحاب القلوب الرحيمة التى تحنو ولا تقسو الذين يشعرونك بمدى

حبهم لك وإهتمامهم بك دون إنتظار أى مقابل منك مجرد حب فيك من

أجل الله فقط

أم أن الوحدة لا تعتبر تعاسة ولا بؤس وإنما هى من أيسر الأمور فمن الناس

من يأنس بها ويجد لذة الحياة ومتعتها فى تلك الوحدة حيث يلجأ لنفسه

فقط لأنه يعلم أن نفسه فقط هى التى تستطيع أن تعي وتفهم ما بداخلة

وتحتوية ولا يقدر أحد على ذلك سواها .

فهل الوحدة صعبة فعلآ؟؟ ولا يوجد من يخفف مرارتها؟

أم تعتبر هى الملجأ الوحيد لنا ؟

أم لها وقت وأوان محدد ولا تكون فى كل الأحوال؟؟

شاريكونى بالاراء

ساعات كتير الوحدة بتبقى احسن كتير من الجلسة مع ناس
لا بتحبهم ولا بيحبوك او حتى منافقين
شكرا ليك

بص يا احمد
انا عن نفسى مهما صاحبت ناس ومهما كنت مع ناس
باجى فى الاخر وبحب اقعد مده كدا لوحدى
بحس انى قاعده مع نفسى كدا بعيد عن الناس فى هدوء
بس دا مش دايما
وزى ماقالت نايل
الوحده احيانا بتبقى احسن من انك تبقى فو سط ناس مش طايقهم
وممكن تستغل الوحده دى فى انك تخلق احمد جديد
حاول تركز مع نفسك اوى
حاول تشوف نفسك وتجدد وتبقى احسن دا علشان مستقبلك وحياتك بعد كدا يبقوا احسن بردو
وربنا يوفقك يارب ويكون معاك

انا مش بحب الوحدة خااااااااااااالص

و بحب يبقي ناسي اللي بيحبوني و احبهم حواليا كدة

لكن بجد مش بحب ابقي لوحدي

اينعم ممكن اقعد مع نفسي افكر شوية كدة

لكن مش بحب القاعدة دي تطول

الوحدة بالنسبة ليا شئ متعب جدا

و انا لو وسط ناس وحشين مثلا و مفيش حد منهم عدل

بردو مش هلجأ للوحدة لأ

هحاول اصلح من الناس دي علي قد ما اقدر

و مش هنعزل

الوحدة بالنسبة ليا اخر الحلول اللي ممكن الجألها

و كمان عايزة اقلك ان الناس الكويسة دي لسة موجودة

بس هما قليلين شوية

تحياتي ليك ع الموضوع الجميل يا احمد