مابقتش اعرف الصح من الغلط

كل يوم الواحد بيتغير فية حاجات
وبتحصل فى حياتو تطورات
احيانا تكون تطورات للاحسن
واحيانا تكون تطورات للاسوئ
بس الواحد الى ماشى ومش دريان هوا رايح ناحية الاحسن ولا الاسوء هنا المشكلة
انا حاسة انى بقى عندى تشوش فى الافكار وتشوش فى المفاهيم
مابقتش عارفه الى بعمولا صح ولا غلط
حلال ولا حرام
الاول
كان ليا مبادئ ثابتة
ممنوع الكلام مع حد لا كلية ولا برا الكلية
رقم موبيلى استحالة يطلع لحد مهما كان
اميلى مش ىممكن حد يعرفوا ابدا
والى بييجى يكلمنى حتى لو ماقصدوش حاجه بييجى ياخد فوق دماغوا
دلوقتى
العكس والنقيض تماما
عادى كل الناس بكلمهم ويكلمونى عادى
متهيالى نص المنيا معاها ميلى وموبيلى
بغض النظر انى الحمد لله اى حد بيتعامل معايا بيتعامل باحترام وبيبقى عارف حدوده فين
بس انا كنت اعرف قبل كدا ان اصلا اى كلام بين البنت والولد ييبقى حرام
دلوقتى تحت مسمى العمل الجماعى
وتحت مسمى اننا فى وسط مجتمع ومتواجد فية الجنسين ولازم يبقى فى اختلاط مابينهم
بقيت اعرف ناس كتييييييييييييير
وبيوصلنى كلام من ورا ضهرى كتييييييييييييييير
لدرجة واحده صاحبتى جاية تقولى انتى بينك وبين فلان وفلان وفلان لف ستورى
الى هوا انا بحب تلاته والا اربعه فى وقت واحد
بقى اى واحد انا بقف معاه يبقى بينى وبينوا لف ستورى
ماشية احب على نفسى انا
مع ان الناس دولا مامجرد الا زمايلى فقط لاغير
طب امشى على مبدا كلام الناس مايهمنيش
مع انى كنت مقتنعه ان احنا عايشين وسط مجتمع وناس لازم نراعيهم لاننا عايشين فى وسطيهم والناس لا مقدرين ولا فاهمين ولا عارفين اصلا انا بعمل اية
ولا يهمهم انا بعمل اية
يهمهم الى ادامى
انا الى حكيتلوا على الى فى دماغى دا
ماحدش عرف يدينى راى ابداااااااا
لانى للاسف انا مقتنعه انى مش بعمل حاجه غلط
ومقتنعه ان كل كلام ليا مع حد فى وراه سبب مش بكلموا صياعه يعنى
للعلم المشكلة دى مش مشكلتى لوحدى
دى مشكلة كذا بنت
ومشكلة كل بنت بيكون ليها طموح انها تبقى شخصية عامة ومتميزة
عرفونى رايكم اية ؟

نصيحتى ليكى انك ميمكيش بجد كلام اى حد

لانك عملتى صح عملتى غلط هيتكلموا عليكى

وموضوع الوقوف مع ولاد كتير و كدة

حاولى تقللى منة مش عشان هما مش محترمين بس تجنبا للمشاكل ووجع الدماغ

خليكى واثقة من نفسك

ومواضيع اللاف ستوريز دة بيحصل كل دقيقة لمجرد انك وقفتى مع شاب

فانتى زى ما قلتلك قللى منة

فكك من الناس عشان دى ناس مريضة

وانا مش كاملة يعنى و اكيد فيا عيوب و بتكلم على ناس بس مش بغلط فى حد

لانى عارفة انى لما اغلط فى حد اكيييييييييييييييد هيتغلط فيا

انتى شكلك بنوتة طموحة و نشيطة استمرى فى طريقك و عيشى

ربنا معاكى واللى يتكلم عليكى قوليلى و انا اموته

بصى انا لما بلاقى حد يتكلم عنى وحش بقول حسبى الله ونعم الوكيل

تانى يوم بتحصلة مصيبة

بجد دعوة المظلوم دى جبارة

ابقى طمنينا عليكى

مرسى لردك يا بسبس
انا عارفة ان الناس ببتكلم وخلاص
بس ماكنتش احب ان حد يفهمنى غلط فى يوم من الايام
لانى انا والله فعلا نيتى لما بقف مع حد عمرها ماكانت اقصى من حدود شغل مع بعضينا او زماله
اكتر من كدا مافيش
طب لية مثلا حد يتكلم على حد
المشكلة ان كل واحد بيتكلم على حد بتتردله بعد كدا
وحسبى الله نوعم الوكيل فعلا فى اى حد يحاول انه يقول كلمة يظلم بيها اى حد
ومستنية رد باقى الناس

مشكلة كبيرة و انتظري رأيي
تقبلي تحياتي

بصي يا حبيبتي انا هقلك رأيي و دة اللي انا ماشية بيه ف حياتي

اولا انتي في جامعة و وسط مجتمع جامعي مكون من دكاترة و ولاد و بنات و موظفين

دة بالضافة لانك شخصية اجتماعية و عندها طموح و نفسها تغير حاجة ف مجتمعها دة

يبقي من الطبيعي جدا انك هتتعاملي مع مكونات المجتمع المحيط بيكي دة

سواء بقي دكاترة او بنات او ولاد او موظفين

لغاية هنا كدة مفيش مشكلة انما المشكلة بقي بتيجي من طريقة التواصل مع الناس دي

و بالتحديد الولاد اللي هما سبب مشكلتك

و طبعا ف النقطة دي لازم نراعي كلام الناس لان الناس مش هتتكلم من فراغ

و انا هنا بختلف مع بوس بوس لان مينفعش كلام الناس ميهمنيش لمجرد اني بعمل

حاجة صح او لمجرد ان الناس كدة كدة هتتكلم

لاني لو بعمل حاجة صح لازم اوصل للناس كدة

و لو الناس كدة كدة هتتكلم سواء بعمل صح او غلط

يبقي كلام عن كلام يفرق طبعا انتي فاهمة قصدي

دي نقطة

النقطة التانية اللي هي معاملاتك مع الولاد

شوفي بقي يا ستي طبعا انتي قبل ما بتتعاملي مع حد معين بتنقيه

و بيكون علي قدر من الاحترام و الاخلاق و النوع دة اللي بتبقي واثقة فيه

و طبعا بينكو شغل او مزاكرة مفيش مانع انه ياخد رقم تليفونك

و اعتقد مش هيحتاج ايميلك

اما بقي لو ظروف معينة فرضت عليكي انك تشتغلي مع حد مش تمام

بتقصري معاه و مش بتديله رقمك و ايميلك طبعا حتي لو كان في بينكو شغل

و حتي لو هو محترم معاكي

لانه احترامه معاكي مش هينفي انه اصلا مش تمام

و احترامه معاكي مش هيبقي مبرر انك تتعاملي معاه زي ما بتتعاملي مع الشخص المحترم مع

كله و اللي بيحترم نفسه قبل اي حد

و انتي طبعا كبنت ليكي نظرة و احساس باللي قدامك تقدري من خلالهم

تحددي ازا كان الشخص دة محترم فعلا و لا محترم معاكي انتي بس

عشان انتي اللي بتجبريه علي كدة

و ف كل الاحوال سواء بتتعاملي مع حد محترم او لأ

بتراعي شوية حاجات كدة ف تعاملك معاه

اولا شكل وقفتكو مع بعض

يعني متكنوش قاعدين ع الرصيف مثلا او قاعدين ع السلم

او قريبين من بعض اوي طبعا انتي فاهمة قصدي

ثانيا المكان اللي انتو بتقفو فيه

يعني الاماكن اللي كلها كابلز و عربيات و موسيقي و شباب

دي تبعدي عنها

ثالثا الوقت االلي بتقفو فيه

يعني ميكنش عندك محاضرة و سايبها و واقفة مع حد

اكيد الناس هتتكلم

او مثلا تتأخري اوي بعد محاضراتك و تكوني واقفة مع حد

رابعا صوتك ميكنش عالي بقي و ضحك و كدة

دة غير انه مينفعش ابد تنادي علي زميل ليكي ف وسط الكلية بصوت قد كدة

خامسا حاولي تقفيش مع حد لوحدك و يكون حد من زمايلك البنات معاكي

انا عن نفسي بحاول بقدر الامكان اراعي الحاجات دي ف تعاملي مع زمايلي الولاد

اللي انا اساسا ببقي منقياهم

و ارجع و اقول ان خير الامور الوسط

يعني مش هيبقي حلو اوي انك تبقي مقفلة زي ما كنتي ف الاول

خصوصا ان ليكي اهداف و طموحات تتطلب انك تتعاملي مع مختلف الناس و الطبقات

و مينفعش تبقي منفتحة اوي زي ما انتي بتقولي كدة

خليكي وسط لان اي شئ بيزيد عن حده بينقلب لضده

و اهم حاجة تنقي الناس اللي هتاخد رقمك و ايميلك

و لازم تكوني واثقة في انهم هيعتبرو دي امانة

دة رأيي اللي انا كونته بعد ما سألت ناس كتير

اولهم بابا و ماما

و اتمني ليكي مستقبل مشرق و نجاح بلا متاعب

تقبلي تحياتي

طبعا كلام ايجيبت جميل جدا
بس
للاسف مافور زيادة عن اللزوم
بصى
انتى فعلا عايشة فى مجتمع المفروض انك بتراعى الناس اللى فيه
بس انا من رايى انا مش هراعى الناس لدرجة تخلينى فى سجن
المراعاة للناس حاجة المفروض انها حلوة
بس فى نفس الوقت
لازم يكون فى حرية شخصية ليكى
وزى ما قلت قبل كده
لو انتى مش بتعملى حاجة غلط
خلاص
مش منه لزمة الرغى الكتير
والناس اللى بتقعد تقول لوف ستورى ومش اعرف ايه
اقل ما يقال عنها انها تافهة
لانها سايبة احوالها هى وبتبص للناس
وكمان
حطى فى دماغك حاجة ان اللى بيتكلم من وراكى
مش عنده الجرأة انه ييجى يتكلم قدامك
ولما حد يسمع حاجة وييجى يقولك
انتى بتعملى كذا وكذا
وبينتقال كذا وكذا
اعتقد من وجهة نظرى
ان اللى بيعمل كده هو فعلا اللى بيكون
احق بالمعرفة من الناس التانية اللى لمجرد انهم سمعوا كلمة
بقت خلاص من المسلمات
بصى انا مش بقولك اقفى مع ولاد
ونفضى للناس
بس فى نفس الوقت مش بقول
متعرفيش حد
وخليكى مع نفسك
لا
خير الامور الوسط
واللى بتحبك بجد من اصحابك
هى اللى هتيجى وتقولك
انا خايفة عليكى
وفى الاول والاخر قبل ما تقول اى كلمة هتبقى عايزة تفهم منك
ولو اتقال قدامها حاجة
ومن غير ما تبقى فاهمة منك حاجة
هتلاقيها بتدافع عنك
لانها واثقة ان صاحبتها مش بتعمل حاجة غلط
ومش هتطلق احكام وخلاص
دى بجد اللى تستاهل
ودا مجرد راى مش اكتر
وسورى للاطالة

و الله يا سايتو انا كلامي مش اوفر و لا حاجة لان انا مش بقلها متتكلمش مع حدخالص

و لا بقلها تنعزل نهائي

بالعكس انا بقول انها تتكلم مع الناس بس بتراعي شوية الحجات اللي انا قلتها دي

عشان هي دي الحدود الصح مش بس عشان الناس متتكلمش

لا عشان زي ما قلت دي الحدود

و احنا دلوقتي ف زمن ما يعلم بيه الا ربنا

يعني زمان كان ممكن تبقي الامور ابسط من كدة انما دلوقتي لا

لازم تخلي بالها

و متهيئلي الكلام اللي انا قلت عليه دة مش صعب يتعمل

و مطنش انها لما تعمل كدة هتبقي ف سجن يعني

و هي بتعمل كدة مش بس عشانكلام الناس لا و عشان دي الحدود

و دة الاضمن ف كل حاجة

طبعا دة رأيي و انت مبعدتش عن رأيي اوي يا سايتو

مع خالص احترامي ليك و لصاحبة الموضوع

بصى يا ايجيبت
انا لما قلت مافور شوية
مش قصدى اللى وصلك
بس القصد انه لو صاحبة الموضوع فضلت تحط فى دماغها
1
2
3
4
.
.
.
.
مش هتخلص
وهتحس فعلا انها فى سجن وانها بتعمل حاجة هى
مجبرة عليها
فى صالحها بقى ولا لا
دا امر تانى مفروغ منه
ومش كل حاجة فى صالحنا وحشة او حلوة بنعملها
انما لما تخليها بطبيعتها
وتراعى ربنا فى الاول وفى الاخر
هتحس بشعور ملوش مثيل
هتحس انها صح اووووى وتقدر تواجه الناس كلها
وانا كنت سمعت حديث عن رسول الله عليه الصلاة والسلام
زمان اووووى وانا صغير ومش فاكره
بس تقريبا معناه
من ارضى الناس فى سخط الله
سخط الله عليه واسخط عليه من ارضاهم فى سخطه
ومن ارضى الله فى سخط الناس
رضى الله عنه وارضى عنه من اسخطهم فى رضاه
صدق رسول الله صلى الله عليه وسلم
القصد
اناه تعمل اللى عايزاه ما دام صح
انما لو حطت المعيار عندها الناس
ممكن تعمل اى حاجة من ورا الناس
وتكون غلط جدا
نصيحتى ليكى يا صاحبة الموضوع
فكك من الناس
الناس بتتكلم النهاردة عنك
وبكره عنى
وبعده عن ايجيبت
وشوية عن منى زكى
وهب
يقلبوا يتكلموا عن اسرائيل وفلسطين
وفى الاخر لما تييجى تكلمى حد عن اللى بيعمله يتنرفز اووووى
ويقولك وانت مالك
ولو ابن ناس شوية
يقولهالك بالانجلش
اما بقى حتة ان الموضوع ده زمان كان ممكن يبقى احسن
انا بختلف معاكى فيه
اكيد زمان طبعا
هيبقى عقد كتير جدا عن دلوقتى
وخليكى فاكرة ان الاولوية مش للناس
ولا للحدود
الناس بتنسى
والحدود بتتقفل
ويبقى الله
وضميرك اللى كل شوية هتسمعيه بيأنبك لو عملتى حاجة غلط
وسورى للاطالة

طبعا كلامك جميل اوي يا سايتو

بس انا عايزة اقلك ان انا عن نفسي لما بعمل

1

2

3

4

......

مش ببقي حاطة ف دماغي ان كدة واحد تمام و اتنين بردو و تلاتة ناقصة يبقي

همشي

لا مش بحسبها انا بعملها كدة لا ارادي لاني اتعودت علي كدة فاهمني ؟

هي ف الاول ممكن تتعب بس بعد كدة مش هتقدر تستغني عن الكلام اللي انا

قلته ده

تعرف ان انا قعدت عصرت دماغي عشان اطلعهم نقاط كدة

لان و انا بعملهم مش باخد بالي زي ما بقلك

و يبيقي صوت ضميري هو اللي محركني زي ما انت بقول كدة

و طبعا ضميري دة مرجعه ربنا

و انا دايما بحاول ابعد عن اي حاجة تتعب ضميري

دي نقطة و احنا متفقين عليها

النقطة التانية

اللي هي زمان و دلوقتي

اقصد بيها ان ناس زمان كانت الطيبة و الاخلاق عندهم اكتر

و كان عندهم مبادئ كدة

انما دلوقتي الناس اتغيرت و اغلبهم بقي وحش

و الكويس قليل بس موجود و عمره ما هيخلص

دة قصدي

و لو علي كلام الناس يبقي مش هنخلص

بس للاسف ممكن كلام الناس دة يكون غلط و مع زلك

يبقي هو الفرة المتاخدة عن شخص معين

و ممكن كلام الناس دة يمس السمعة اللي هي اهم حاجة عند البنت

و يبقي غلط بس هتقول اية

هو دة مجتمعنا و هي دي طريقة تفكيره

اللي لازم غصب عننا نراعيها

و ف نفس الوقت مش بندوس علي نفسنا

معلش لو كان كلامي قاسي

بس انا بتكلم من قلبي و الله و بنصح لوجه الله

لان كلنا ف الاخر اخوات و يهمنا مصلحة بعض

سايتو دايما بيمتعني النقاش معااااااااك

تحياتي ليك مرة تاني

و كل الحب لصاحبة الموضوع

تحياتى ايجيبت
ونقاشك جميل
ومستنى رد صاحبة الموضوع

ربنا يكرمك بس اهم حاجة تكون انت و صاحبة الموضوع فهمتو قصدي

و بعتزر علي قسوتي ف الكلام بس انا معتبرة نفسي بنصح اختي

اللي مش عايزة حد يتكلم عنها بنص كلمة

و انا نفسي اكيد بعمل حاجات غلط

بس اهو الواحد بيحاول يثبت ع الصح

كل الاحترام ليك يا سايتو

و ف انتظار رد صاحبة الموضوع

الكلام الي انتي بتتكلمي فيه ده انا اعرف حد تقريبا عنده نفس المشكلة بس في الاخر الحل الوحيد انك ترجعي لشخصيتك الاساسية مش يهمك الناس تقول ايه او تعمل ايه انا حاسس كده ان في حد ممكن يكون ماثر عليكي بالكلام ده او انك انجرحتي من حد هو الي خلاكي تفكري انك ترجعي علشان كلام الناس ودي حجة طبعا من الاخر be youer self