السلبية فينا احنا

لية السلبية دى

بجد احنا ناس سلبيين جدا

يعنى مثلا شوف كام عضو موجودين فى المنتدى شوف منهم كام بيدخل ويشارك ويقول راية وينتقد
عملنا مواضيع علشان نطلع العيوب الى موجوده فى الكلية ونقولها

بس قليل اوى الى رد علينا

لما السنة الى فاتت كنا بنعمل نشاطات فى رعاية الطلبة

كنت بلاقى قليل اوى الناس الى ليها اقبال على كدا

بجد الناس الى بيروحوا مسابقات من عندنا لمسابقات وتصعيدات الجامعه
لا يليقوا بمستوى طالبات وطلبة كلية الالسن المعوفين برقيهم الدائم

طبعا كليتنا بما انها لغات فهى الحمد لله بتعمل طبقة رقى للانسان بدماغه وبعقلة وبثقافته بتجلعلوا اكثر رقيا فى تصرفاتوا

ولكن لكل قاعدة شواذ

فبنشوف طالبات وطلبةبيعملوا نشاطات هروبا من المحاضرات ليس اكثر ولا اقل

طبعا الناس دى واجهه غير مشرفة بالمرة لتمثيل كلية الالسن

يا جماعه بجد

الى بيعرف يعمل نشاط معين هوا موهوب فية

مايستخسرش نفسوا فى الكلية الجميلة بتاعتنا

ياريت كل واحد يحط فى دماغوا انه يبكون وجهه مشرفة لطلاب كلية الالسن

عايزين نجيب مراكز ومناصب عليا فى الجامعه السنة دى

وعايزه اسمع تعليقاتكوا

والله يا مي كلامك صح

انا عندي مشكلة بخصوص موضوع الموهبة ده
انا عندي موهبة بس للأسف غير معترف بيها في الكلية
مش الكلية بس ده يمكن مصر كلها مابتحترفش بيها
رغم انها فن من الفنون
انا بما اني عشت وتربيت في بيئة بدوية وتاصلت فيا العادات والتقاليد البدوية واثرت فيا طبيعة البادية حبيت الشعر البدوي
وفي يوم من الايام لقيت نفسي بكتب شعر بدوي
عرضت كتاباتي علي شعراء بدو واشادوا بموهبتي وتنبئولي بمستقبل باهر في كتابة الشعر البدوي
المهم
ان انا دلوقتي عندي موهبه
بس للاسف مش لاقي اللي يساعدني
لو قدمت اشعاري البدوية في الكلية طبعا وبلاشك مش هتلاقي حد يسمعها
ده طبيعي لانهم مايفهموش اللهجة البدوية

قولولي اعمل ايه
وانا شايف بجد ان دي موهبتي الوحيدة
هل الكلية ممكن تساعدني

ما اظنش

هما وعدونا باى موهبة هنلاقى منهم رعاية ياخ جمعة

بس الى بيحب الشعر كتير وبالتلى متخفش هتلاقى ناس كتير هتحب تتعرف على الفن الجديد والجميل ده كمااان

كل واحد فينا فى موهبة بس مش عارف يكتشفها او يوظفها صح

شكرا ياعمى على موضوعك ودعمك

وفعلا فى ناس بتاخدها حجة ودى لا بتنفع نفسها ولا بتنفع كليتها

فى ناىد الادب الى ان شاء الله هيشتغل اول السنة دى
زى ماكان شغال السنة الى فاتت تقدر تطلع معانا موهبتك
وان شاء الله هتلاقى ليها اقبال وتنزل فى المجلة ان شاء الله الى هنعملها لنادى الادب
وعايزين منك انتى كمان نشاط يافلة

جميل جدا يا مى
بس مش دايما اللى دخلوا السن
اللى هما دماغ ورقى ثقافى والحوارات دى
بيبقى العالمل الاول والاخير
المجمووووووووووع
فقط لا غير
وكمان نظام الثانوية العامة الفاشل طبعا
والتربية
اللى كل اب بيقول لابنه
انشطة ايه
انت رايح تتعلم ولا تلعب
وحوارات من دى كتير
انا عن نفسى
ممكن اكون موهوب
بس للاسف فى حاجات جماعية
وبالتالى
مش بقدر اجيب مركز لان
الموضوع اساسا
team work
واللى الحمد لله وافتخر
ان مفيش واحد فى كليتنا يعرف عنه حاجة
وطبعا دى تريقة
بس اهو
الواحد بيحاول
واتمنى الناس السنة دى يكون فى مشاركات اكتر من السنة اللى فاتت
فى مختلف الانشطة
واللى بجد بتفيدهم جدااااااااااااااا
ولو سألوا اى معيد
فى الكلية
هيعرفوا انه اساسا كان بيلعب نشاط وهو طالب وكان من الطلبة
اللى متفوقين فى النشاط كمان
بس برده
هيفضل كل واحد مع عقليته واللى اتربى عليه
وادينا بنحاول

هههههههههههههههههههههه
ودورنا احنا بقى ياسايبيتو ان احنا نغير عقول الناس دى
مشض كدا ولا اية

مش العقول اللى المفروض تتغير
الافكار نفسها
مثلا
يوم انتخابات الصناديق
كل ما امسك واحد من تالتة واقوله
يقول مش مطلع الكارنيه
اقوله بتاع السنة اللى فاتت
يقول مش معايا
على الرغم من ان الناس دى المفروض انها كبيرة مش صغيرة
ولكن تحسى انهم مولودين علشان
كده
علشان يقفوا على جنب الطريق ويبصوا للعربيات
اللى هى الدنيا
وهما فاتحين بقهم
وبس
وربنا يكون فى العون

على فكرة الدكتورة لاميس قالت لنا المحاضرة اللى فاتت إن كل من لديه موهبة فى مجال معين يروح يسجل اسمه عندها علشان يشترك فى الأنشطة الثقافية اللى هتشرف هى عليها بصفتها رائد اللجنة الثقافية هذا العام وأكدت إننا نبلغ زملائنا فى باقى الأقسام علشان ميبقاش الموضوع قاصر على الإنجليزى فقط مع استمرار نادى الأدب باسم جديد وهو ملتقى الأدب وكمان language zone لكل الأقسام وأرجو إننا نتعاون معاها عشان نحاول نحقق للكلية صورة ثقافية وحضارية متميزة