هل الفتيات سوف يتركون المنتدي بعد الزواج؟؟

هل الفتاة سوف تهجر المنتدى عندما تتزوج؟ دعوة للمناقشة !

سؤال ربما إجابته تحددهُ الفتاة نفسها وحسب ظروفها وحسب ماتقتضيه

مصلحتها ونمط حياتها الجديدة وحسب ماتمليه بنود قانون الحياة الزوجية حسب خصوصية هذا

الزواج وشكله وحسب الوقت المتاح لها ربما لاندري ماهي موانع البقاء لها في

المنتدى ،لأن ذلك يعود لأسباب كثيرة ومختلفه من فتاة لأخرى حسب تفهّم زوجها لهذا الأمر وهذا

السؤال يقودنا إلى سؤال آخر مهم وهو: ماذا لو أن زوجها رفض

عدم دخولها عالم الأنترنت نهائياً أو عدم السماح لها نهائياً بالدخول حتى للمنتديات الثقافية وهي ترى

أن استمرارها حاجة ملحه لنفسها ورغباتها وتحقيق لمُرادها في المشاركه بالمواضيع والردود

والأستفاده والمتابعه المستمره التي اعتادتها لقراءت ماتفضله من مواضيع مختلفه هل سيكون هذا

سبب للخلاف والأنفصال لاسمح الله؟.

ارجو ان ارى ردود الفتيات

وردودالشباب اشووف هل يقبلوا بنساءهم ان يكونوا

على اتصال بالمنتديات بعد الزواج وتدوم الصداقة التى بين شباب وفتيات المنتدى

موضوع صعب تحديده دلوقتى يا ياسر

بس ان شاء الله لو مفيش مانع اكيد هستمر

وكل حاجة هتمشى بالتفاهم بدال فى ثقة خلاص

شكرا يا ياسر على الموضوع

شكرا على مرورك celestina

نورتي الموضوع

ويارب نشوفك دايما على المنتدى

والله ياياسر موضوع فعلا محير
بس هو اكيد يعنى هنستمر فى المنتدى ان شاء الله
لكن لو زوجى رفض دخولى عالنت نهائى
فنا اكيد طبعا هضطر انى امتنع عن دخولى النت
عشان متحصلش مشاكل بينى وبينه
وميرسى على الموضوع الرائع ده
بس ياريت بقا تقولنا انت ياياسر هل هتقبل تخلى مراتك تدخل عالم الانترنت ولا هترفض دخولها عالنت نهائيا؟
ياريت تجاوبنا عالسؤال ده

شوفي اكيد هيكون في ثقة بينا
ومفيش اي مانع طبعا

وشكرا على مرورك

بس هل ترضى لمراتك انى يكون ليها صداقه مع اى شاب عالنت؟
حتى لو كانت صداقه محترمه

انا بحييك ياياسر على صراحتك دى
وميرسى على الموضوع الرائع ده

شكرا للمتابعه والمرور الجميل

نورتي الموضوع

انا شايفة ان التفاهم و الثقة بين الطرفين مفتاح لحل المشكلة دي و اكيد الشخص اللي هرتبط بيه لما يشوف المنتدي و احترامه مش هيمانع اني ادخل عليه
اما بقي موضوع صداقات شباب من ع النت دة كدة كدة مرفوض اساسا عندي و هرفض بردو انه يكون بيعرف بنات من ع النت
و عموما لو مقدرتش ادخل هبقي اخلي ولادي يقومو بالواجب بقي

و ليك مني كل الشكر ع الموضوع دة يا ياسر

شكرا على التعقيب EGYPT

وشكرا على المرور

هوا اولا انا سمعت كتير عن موضوع ان واحده تتجوز جوزها مش عارفه يقولها ماتدخليش نت وحوارات عبيطه كدا
بس هوا فى حاجه ان فى اساسيات بتتحط من ايام الخطوبة
انا مثلا طبعى كذا وكذا وكذا وبعمل كذا وكذا وكذا
وهوا كمان يرسينى على حواراته كلها ويقولى هوا بيعمل اية وطبعوا اية
لو كبل واحد فينا هيقدر يتحمل التانى بطباعه بصفاته بعاداته بكل حاجه فيه اوك نكمل
لقىت انه مش هينفع يبقى خلاص مانكملش
اما بقى لو كلامه اتغير بعد الجواز زى مابيحصلمع ناس كتير بردو
فانا مابحبش الناس دى
ساعتها ممكن انفصل عنه اصلا
اى نعم المساله مش محتاجه بس هى بتدل على انه هوا ماعندوش كلمة لا احنا هنبقى متفقين والى يغير كلاموا فى حاجه صغيرة زى دى
هيغيرها فى حاجات كتير
هههههههههههههههههههه
معلش بقى صدعتكوا
بس هوا استحاله اسيب المنتدى

يعنى بينى وبينك وفى الزمن ده

مش معئول مثلا البنت تترك زوجها عشان رافض تدخل المنتدى

بصراحة لو رفض انى هدخل هسمع كلامه طبعا

ولكن لو كان كويس وموافق هدخل اكيد

لانى بيصعب عليه جدا ابتعد عن حبايبى واصحابى

كمان اعتقد ملاهاش علاقه بالثقة مثلا

هو ممكن يكون بيغير عليها من ان اى حد مجرد يقولها

شكرا على موضوعك

بصي يا فلة هي ليها علاقة بالثقة لانه لو واثق انها هتمشي صح و واثق هتعرف تتصرف صح و واثق انها داخلة عشان تفيد و تستفيد مش عشان حاجة تاني يبقي هيوافق و مش معني انه رفض يبقي هو مش واثق فيها بس بيبقي خايف عليها و بيبان اذا كان الرفض دة خوف و لا عدم ثقة و دة رأيي الشخصي بردو

والله المووضع صعب
وفعلا صعب التحديد الوقتى

انا مش عارفه و الله
بس بعيدا عن موضوع المنتدى
ما ينفعش ابدا انه يقولى ما تدخليش نت خالص
لان النت دلوقتى بقه من الاساسيات و الضروريات اللى ما ينفعش نسيبها كده
اولا النت ده ممكن تعمل من عليه حاجات كويسه كتير جدا
و مممكن اكيد العكس
و مش هنضحك على نفسنا و نقول ان بعد ما النت بقه بيمثل جانب كبير من حياتنا
بكل سهوله كده هندوس على زرار نقول بلاش نت
دى هتبقى حاجه متفقين عليها من الاول زى مامى قالت

اما بقه لو هو شايف ان دخولى على منتدى معين ممكن يدايقه
دى بقه هيبقى فيها كلام تانى
و طبعا هيتحكم ف الموضوع ده زى ما قولتوا الثقه بينا و درجه حبى ليه و طباعنا احنا الاتنين

و بالنسبه بقه لموضوع ان الراجل ممكن يرضى ان مراته يبقى لها صداقه ع النت دى................
دى بجد ما تكونش رجوله خالص
و اولا و اخيرا ما ينفعش يبقى فيه حاجه اسمها صداقه بين بنت وولد
كلمه صداقه دى كبيره قوى
انا لغايه دلوقتى مش عارفه احدد يبقى اسمها ايه
بس مش لدرجه الصداقه دى

بس هو فعلا موضوع محير يا جماعه
بتتحكم فيه حاجات كتير جدا
زى طبيعه الطرفين و صفاتهم
و الظروووف

بس لازم يا بنات اى و احده قررت تتجوز و تسيب المنتدى
لازم تقولنا الاول قبل ما تمشى
و بالتفصيل
عشان تساعدنا اننا نفهم الموضوع ده

و الف شكر يا ياسر ع الموضوع المحير ده
و اسفه ع التطويل

أشكرك على الموضوع بس على فكره البنات بعد الزواج بينشغلوا بالبيت والأولاد وفى رأى بيكون مفيش وقت أصلا عندهم وأنا عن نفسى ممكن أسمع الكلام بس هو كمان زى ماأنا سمعت كلامه هو كمان يحترم رغبتى وما يدخلش على النت