ماذا يعني لكِ كلا من ؟؟!!

ماذا يعني لكِ كلا من ؟؟!!


الام: ......

الاخ : .......

الصديق: .........

الذكريات: .........

الجامعه: .........

الاحلام : .........

الخيال: ........

الصمت: ........

الكلام:.........

البحر: .........

الحب: .........

الفراق: .........

منتدى السناوى: .........

انت: .........

ماذا يعنى لك فى كل هذا ؟؟

امي الحاجه الوحيده اللي باتمني من ربنا انها تبقي معايا طول حياتي لغايه ما اموت

اخويا ده حياة قلبي اللي مينفعش اعيش من غيره وحتي لو بعيد عني لكن قريب لقلبي جدا

اصدقائي معرفش اعيش من غيرهم سواء في الجامعه او بره لان الصداقه دي والله نعمه من ربنا وياريت كلنا نعرف معناها صح

الذكريات دي اكتر حاجه بازعل عليها انها عدت لما بافتكرها

الجامعه بالنسبه لها هي نقله جامده اوي في حياتي غير المدرسه خالص وفي البدايه كنت عامله زي المصدومين وخصوصا لما مادخلتش الكليه اللي كنت عاوزاها

الاحلام مينفعش نعيش من غير مانحلم لان مفيش حياه من غير حلم نحلمه ونعيشه حتي لو ماتحققش بس بنعمل اللي ربنا يقدرنا عليه

الخيال ساعات باتخيل كتير بس اوقات باوصل للحاجه اللي فكرت فيها وساعات لا

الصمت بيقول كلام كتير اوي يمكن اكتر من الكلام

الكلام الحاجه الوحيده اللي بتبين لك شخصيه الحد اللي بتتعامل معاه

البحر يمكن الحد الوحيد اللي باشكيله همومي واحكيله اسراري من غير ما يقولها لاحد

الحب احلي حاجه في الدنيا ومن غيره منعرفش نعيش بس ياريت نفهمه صح ونعيشه صح من غير خداع او انتقام
الفراق دي اصعب لحظه باعيشها علي مستوي حياتي كلها

منتدي السناوي حاجه لذيذة جدا وبس باخل عالنت علشان المنتدي وبس دلوقتي

انا
يـــــــــــويا
زي ما انا شايفه
بس اكيد انتوا اللي هاتردوا علي السؤال ده

الام:هى مصر الحنان ماما هى حياتى و اغلى انسانه فى الوجود عندى و الى مش مستعده اى حاجه تخليها بس تضايق منى
الاخ: هو اى نعم اصغر منى ب9 سنين بحسه ابنى مش اخويا روحى فيه مش بقدر ارفضله طلب
صديقتى : دى حد بيفهمنة من صوتى انا حالتى عامبله ازاى و عمرى كله معاه من اول ما اتولدت كنا جيران فمعايا دايما هى اختى
الذكرياات : دى حاجات بنفتكرها و منقدرش نعيش من غيرها سواء كان ذكريات وحشه او حلوه هى معانا على طول
الجامعه: كانت صدمه ليا اول ما دخلتها لانها عالم مختلف تماما عن المدرسه بس مش ممكن تقدر تنساها و لا تنسى ايامها
الاحلام: الحاجه الوحيده الى منقدرش نعيش من غيرها بتدينا امل فى بكره بتخليك لسه عايش
الخيال: ميختلفش كتير عن الاحلام لاوم نتخيل عشان نقدر نكمل المشوار
الصمت : هو ابلغ كلام هو اللغه الى بتشرح كل حاجه من غير كلمات
كلام : سللاح ذو حدين
البحر : منظر رائع تحب دايما عينك تشوفه بس غدار فى نفس الوقت
الحب : حاجه لازم نعيشها حتى لو احيانا بتجرحها بس منقدرش نعيش من غيرها ولازم نجربها و الحب ده عباره عن الاله قليل اوى من ناس بيجدوا العزف عليها
منتدى الالسناوى: فكره رائئعه و ممكن نقول حياه لوحده بتقرب من بعضا من غير ما نشوف بعض حتى لو احنا فى كليه واحده او دفعه واحده بيقربنا اكتر انا نفسى عرفت ناس من دفعتى كويس من خلال الالسناوى هو الهمزه الى بعد ما تخرجت هعرف منه اخبار الكليه
انا: ده اصعب حاجه فى كل الاسئله ومعلافش ارد لانى مبعرفش احكم على نفسى بس عارفه انى فيا عيوب هحاول اتخلص منها على قد ما اقدر
اخر حاجه شكرا للكتب موضوع ده بجد جميل للكيج رائع وجميل و كل الاختيارات رائعه شكرا ليك





ا

الام:و دى اول حاجه كتبتها عشان بجد اهم حاجه انا بحس ان الدنيا من غير امى صحراء عايش فيها لوحدى مفهاش اى حاجه تخلينى افكر انى اعيش ولو قعدت اتكلم عليها طول عمرى مش هقدر اخلص كلام وانا كاتب قصيده حلوه على الام فى قسم الفنون والمواهب الابداعيه اسمها بئر الحنين

الاخ :اخويا ده تؤام روحى واحلى حاجه قرب السن اللى بينا والكميا اللى بينا جامده و اغلب اسرارى بقولهاله و بحس انى مرتاح وانا بقوله لانه يعتبر الوحيد اللى فى الدنيا دى اللى يعرف اسرارى

الصديق: كلمه ليها معنى كبير و احلى حاجه لما تفهم المعنى و تكون مصادق صح وانا فرحان بصديقى جدا لانه بجد صاحب صاحبه و طيب و بيفهمنى لحد كبير
الذكريات: بفتكرها فى لحظات بس بتكون اصعب لحظات و بعتبرها وليده الفراق لان اغلبها بتيجى من الفراق بس بجد ساعات كتير بفتكر لحظات مع اصحابى وهزار و مواقف عمرى ما انساها

الجامعه: احلى اربع سنين قضيتها فى حياتى شفت فيها ناس كتيير و اتعلمت كتيير و برضه هتبقى احلى ذكريات هحكيها لاولادى واحفادى لانها ايام عمرها ما تتنسى

الاحلام : مفتاحها الوحيد تحقيقها لان مفيش احلى من الاحلام اللى بتحقق بس لو حاجه متتحقتش ما بزعلش لانى عارف ان ربنا شايلى حاجه احسن واللى احلامه ما تتحققش ميزعلش لان الدنيا دى هتديك و تاخد منك عشان تكمل الحياه

الخيال: فى زماننا ارحم من الحقيقه بكتيير بس اللى هينام فيه هيشوف حاجه اصعب من الحقيقه
واجمل من الخيال التخيل لانه جزء من الاحلام وبالنسبه ليا حاجه ممتعه جدا و بتخيل كتيير يبقالى جناح و اطير زى العصافير
الصمت:اذكى انواع الكلام بالنسبه لى لانى بصمتى بتكلم و خصوصا فى الحاجه اللى تستفزنى
انا انسان صامت شويه واغلب اصدقائى معتبرين ده دهاء بس بجد بفرح بصمتى و بفرح اكتر عشان مش لاقى حد فى الدنيا ده يعرفنى كشخصيه و كتييير حد قال على شخصيتى حاجات قريبه كنت بردها بابتسامه رضا

الكلام:من الواضح رغيت كتيير معاكو بس بجد فرحان ان الموضوع عجبكو وانى فاتح قلبى معاكو

البحر: احلى احساس فى الدنيا لما اسمع صوت البحر وانا باصص للقمر وهو كامل بحس انى ماسك الدنيا بايدى

الحب: اعظم شيء فى الوجود بجميع انواعه بس مفيش الذ من الحب اللى بين حبيبين و انا كتبت كتيير عن الحب فى قصائدى واحلى حاجه فى الحب التجدد لانها طبيعه ملزمه فى الحياه

الفراق:على راى جورج وسوف اصعب فراق فراق الحبايب بس بجد بعديها بيبقى ذكرى جميله لحبيبى بفتكر فيها الحاجات الحلوه اللى قضيناها مع بعض

منتدى السناوى: اجمل حاجه فى النت و ده المنتدى
رقم واحد بالنسبه لى و اتعلمت منه حاجات كتيير و عرفت منه شخصيات حلوه جدا
انت: انا فى كل اللى اتكتب هو ده انا