حاسة نفسى !

انا مش عارفة انا مالى
حاسة انى غريبة عن الناس
بفكر بطريقة مختلفة
انا اللى كاتبة مشكلة قولوا لى اعمل ايه
وبجد اللى استنتجته من كلامكم ومن كلام الناس اللى حواليا
انى مش عارفة انا عايزة ايه؟
تخيلوا عمركوا شفتوا حد هو مش عارف هو عايز ايه
يعنى مشكلتى الاولانية انا مش عارفة انا عايزاه ولا لا
بحبه ولا لا
انا بفضفض معاكوا يمكن ارتاح
اصحابى بيقولوا لى انتى مش عارفة انتى عايزة ايه
هو انا مجنونة؟
معرفش
حتى دى كمان مش عارفاها
انا بدعى ربنا انه يهدينى للصح فى كل حاجة
طالما انا مش عارفة اى حاجة
معلش دوشتكم
ادعولى

فى ناس كتيرة اوى مش عارفة هى عايزة اية دى حاجة مش غريبة انا نفسى مش عارفة انا عايزة اية ساعات كتير بحتار بين حاجتين مش ببقى عارفة اية الاحسن واللى كاتبة ربنا هو اللى بيحصل وبيقى هو دة فعلا الصح
ماتفكريش فى الموضوع بانك كدة غريبة

والله يا ميوى طمنتينى انى مش انا لوحدى اللى كده انا كنت قربت اتجنن
شكرا على اهتمامك
بس الانسان يا ميوى لازم يحدد لنفسه كل حاجة فى حياته مينفعش نبقى مترددين لازم نقرر ونعرف ازاى ناخد قرار لان دى حياتنا احنا ومصيرنا احنا
ولو مقدرناش ناخد قرار فى حياتنا مين اللى هياخده لينا
دى حاجة مش حلوة التردد
ممكن تكون اه موجودة فينا بس لازم نغيرها

ياه انتى كده قلبتى علينا المواجع انا كمان مش عارف انا عايز ايه احيانا بكون نفسى اعمل كل حاجة فى وقت واحد وبحب كل حاجة واحيانا بكون كاره كل حاجة وحاسس بملل من كل اللى حواليا وكل يوم زى التانى

بصى الى يقولك انه محدد نفسوا هوا عايز ايه تمام التمام وكل حاجه فى الدنيا متظبطه معاه
يبقى كداب
انا نفسىبحس احيانانا انى مش عارفه انا عايزه ايه
بس كفايه اوى انك تحددى لنفسك رسالتك
دددى انتى مواهبك ايه وحياتك ازاى وازاى هتقدرى تفيدى دينك وربك ومجتمعك على الاساس دا
اما فى موضوع الحب وكدا
فصلى صلاة استخاره وساعتها هتدرى تحددى انتى عايزه ايه
وربنا يوفقك يا قمر

بصي يا حبيبتي مش تأزميها كدة

هو انتي يعني عشان بتمري بتجربة عاطفية يبقي خلاص الدنيا خربت

و احساسك دة علي فكرة بسبب التجربة اللي انتي بتمري بيها

و احب اقلك ان مرورك بتجربة دة في حد زاته

شئ يسعدك و كفاية شرف التجربة طول ما انتي مش بتتعمدي تتسلي او تخوني

و اكيد المرحلة دي هتضيفلك كتير

بس لازم انتي تبقي عارفة انتي عايزة علي الاقل اية

حتي و لو حاجات معينة و قليلة

بس المهم انك تكوني عايزة اي حاجة

حتي لو بسيطة

مفيش حاجة اسمها انا مش عارفة انا عايزة اية

انتي اكيد عايزة حاجة حتي لو انتي مش عارفة انتي عايزة اية

بس كفاية انك عايزة تعرفي انتي عايزة اية

و دي اول خطوة

و ابدأي بقي حددي اهدافك و اللي انتي عايزاه

امسكي كدة ورقة و قلم و فكري انتي عايزة اية

عايزة تلاقي انسان يكمل معاكي

عايزة تتفوقي في الكلية

عايزة تعملي حاجة معينة

اكيد انتي عارفة انتي عايزة اية

و ربنا يكرمك و يوفقك يا قمر