تايه

تايه

كلنا تايهين وسط الناس والاجدر اننا نقول اننا تايهين زي الناس ,كل الناس عايزين الخير يجيلهم من ناحيه الشر , كل الناس عايزين يدخلوا الجنه من ناحيه النار واعمالها
محدش حابب الاختلاف لا في اللون ولا الجنسيه ولا حتي في العقيده
اللي مش معايا معناه انه عدوي كل همي وشغلي الشاغل أفناءه من الوجود
لا توجد لغه حوار ولا حتي ثقافه تعارف
أنا مسلم والشخص ده مسيحي يبقي المسيحي مش لازم يعيش متهني وبالعكس صحيح بالنسبه للمسيحي بالرغم اني مش واخد حاجه من الديانه بتاعتي الا اني بملي بيها خانه الديانه في البطاقه الشخصيه
أنا مش عايز أختي أو بنتي أو مراتي تلبس لبس مش محتشم بالرغم من اني قبل ما أطلع من البيت بقول يارب تكون الشوارع مليانه من اللي بيلبسوا لبس مش محتشم....
أنا مش عايز أبني أو أخويا الصغير يشوف الحاجات الوحشه اللي في التليفزيون
بالرغم اني قاعد اليوم كله قدام التليفزيون ..............
بنقول ان الكلام عن الناس حرام ونميمه واللي يعمل كده يدخل النار
وقبل ما نخلص الكلام نقول شوف فلان ماسك في سيره الناس واللي رايح واللي جاي...........
نضرب ولادنا اذا سمعناهم بيقولوا كلام قبيح من بتاع الشوارع او شتيمه واحنا اليوم كله (اسكت ياد يابن ال...............), (بس يابنت ال................)
نسمع الشيخ فلان أو القص فلان ونقول يا سلام أهو ده الكلام وندعي ربنا ندخل الجنه وأول ما نقلب القناه ننسي كل اللي سمعناه



بنلف في دواير والدنيا تلف بينا
دايما ننتهي لمترح ما ابتدينا
طيور الفجر تايهه في عتمه المدينه
بتدوووووووووووور
مابنكتبش الرسايل, ما بننتظرش رد
لا حد في يوم سمعنا ولا بنسمع حد
طيور العمر تايهه في عتمه المدينه
بتدووووووووووووور
ساكنين في عالم يعشق الخطر
فيه الطيور تهرب من الشجر
وتهرب النجوم من القمر
وتهرب الوجوه من الصور

بنلف في دواير ندور علي الأمان
وتلاقينا رجعنا تاني لنفس المكان
ندوووووووووور
نحلم ونحلم بالحياه المفرحه
وأتاري أحلامنا بلا أجنحه
ندور....ندور...ندور
بجناح حزين مكسور
ساعات نشوف في العتمه
وساعات نتوه في النور
ساعات عيوننا بالأسي تفرح
وساعات في ساعه الفرح ننوح

عبد الرحمن الأبنودي