التلقائية

بصى يا ايجيبت التلقائية شئ
جميل جدا
بس مش فى كل الاوقات والموضوع مش مستاهل منك كل الحوار ده
لو حد فهمك غلط اكيد هيقول اللى فاهمه
او عاى الاقل هيبان من كلامه
وساعتها ابقى فهميه الصح
بس برده لازم تفكرى شوية فى اللى بتقوليه
وزى ما قلت التلقائية شئ جميل بس مش كل حاجة تنفع تنقال
ومش كل اللى فى قلبنا لازم يطلع على لسانا
زمان سموا الشخص اللى كده طيب
وانا دلوقتى حسب معايير الزمن اللى احنا فى
بسميه عبيط واهبل
فبلاش تبقى واحدة من دول
وانا واثق انك مش منهم ولا عمرك هتكونى
بس بلاش تخلى اى حد يفكر حتى فى الناحية او الجزئية دى
وخلى عندك زى ما بيقولوا
ثبات انفعالى
اللى انا بحب اسميه اكتر
نضج انفعالى
انتى مش صغيرة
اتحكمى فى احاسيسك
اتحكمى فى لسانك
اتحكمى فى انفعالاتك
ويا رب اكون افدتك

بصى يا ستى الناس اللى زى دول مش يستاهلوا تفكرى فيهم
لان هما مش عندهم الشجاعة يتكلموا قدامك ويحاولوا يفهموا ولو فى حد يهمه امرك من الناس اللى سمعت الكلام ده
هييجى ويقولك وساعتها ابقى فهميه براحتك
عموما متتعبيش نفسك
وابقى تابعى سلسلة الشخصية المؤثرة
فى منتدى التنمية البشرية اللى انا بقدم مواضيعه
وان شاء الله هتستفادى كتير
وهتلاقى فيه حاجات تعرفك ازاى تتعاملى مع الناس مع اختلافاتهم الثقافية
والشخصية

حبيبتي ايجيبت دي حاجه حلوة انك تكوني تلقائيه لان ده بيدل علي حسن النيه والطيبه
وانا مافتكرش انك بتقولي حاجه تزعل حد طالما مزعلكيش لاني اتعاملت معاكي هي صحيح فترة صغيره بس انا باخد الانطباع الاول من اول مرة
وصدقيني نظرتي مش بتخيب
وعموما يا ستي اللي بيزعل من حد المفروض يعاتبه علشان يفهمه وجهة نظره من الكلام اللي اتقال
وده هيبانلك من المرات اللي هتقابليها فيها تاني

بصى يا ايجيبت انا اول ماقريت موضوعك حسيت انك بتتكلمى عنى
لدرجة انى حسيت انى انا اللى بتكلم
انا زيك بالضبط تلقائية وصريحة ومش برتاح الا لما اقول اللى جوايا
وده يأما بيزعل ناس منى يأما بيتكلموا عليا من ورايا يأما بيفهمونى غلط
ده غير انى بردو بحب اعاتب الناس اللى بحبهم واللى باقية عليهم
انا حاسة انك زيى بالضبط
واول حاجة عملتها بصيت على برجك
لقيتك الاسد زيى بالضبط
عشان كده شخصيتك تشبهلى كتير
وميرسيه ياقمر على موضوعك
بس انا حاولت كتيبر افكر فى الكلام قبل ماقوله ومش بعرف
بلاقى نفسى بقول اللى جوايا وخلاص
مهما كانت النتيجة
بس برتاح انى قلت اللى جوايا
انا بشكرك تانى يا ايجيبت
وبجد انتى منورة المنتدى