بخاف افرح......................!!!!!!!!!!

انا يا جماعة عندى مشكله مضايقانى اوى اوى
المشكله هى انى بجد بخاف افرح
يمكن كتير منكم هيقولى ايه لعب العيال ده هى دى مشكلة بس صدقونى المشكلة اعمق من كده بكتير لانى والله مافتكرش فى حياتى انى فرحت اوى الا واتغميت اوى ومفيش مرة مرة ضحكت من قلبى الا وحزنت بعدها والموضوع اتحول معايا لفوبيا الفرح لانى حاطة فى دماغى انى لو ضحكت او فرحت اكيد اكيد لازم هزعل بعدها علطول وده مش اوهام ده بيحصلى فعلا وبيحصل كمان مع اصحابى نبقى قاعدين ومبسوطين مع بعض وفجاة نروح بيتنا نلاقى مشاكل الدنيا والاخرة ف احنا بقى بنختصر الطريق ومنفرحش اصلا والحياة بقت من غير طعم
لاهى فرح ولا هى حزن بقت عادى كل يوم زى التانى ويمكن الحزن كتر اوى وانا عارفة ان اغلبكم هيقولوا عيشى اللحظة بجد انا حاولت اعيشها كتير بس مش بعرف لانى دايما بفكر فى بكره هيحصلى ايه وساعات لما اضحك اسكت نفسى واقول بلاش لحسن اتنكد ارجوكم ردوا عليا واخر كلمة الحمد لله على كل شىء ونحمد ربنا فى كل حال


لا اله الا انت سبحانك انى كنت من الظالمين

انا زعلانة اوى اوى اوى ان محدش رد على الموضوع بتاعى ياريت اشوف ردودكم قريب اوى

بصى بجد انا مش عارف اقولك ايه

بس لازم تحاولى لان لو استسلمنا للحزن مش هنفرح ابدا فى حياتنا

لازم تقاومى وسيبى بكرة لوقته

حاولى ترضى ربنا على قد ما تقدرى لو انتى مقصرة مع ربنا

حاولى باكبر قدر من الامكان انك تعملى الحاجات اللى انتى بتحبيها

حاولى تخرجى نفسك من المشاكل


دى مجرد نصايح ومستنى ردك

على فكره يا أييزى الحاله ده اللى انتى فيها واصحابك غالبا كله عايشها او الاغلبيه
انا مش عايز احبطك والله بس بجد انا عايشها وتقريبا كل زمايلى


ويارب احنا وانتوا نلاقى حاجة تسعدنا
بس منحزنش بعديه

بصى يا نور
الحاله دى بيسببها الملل وان بكره هوا هوا بعده
هوا هوا الايام الى جايه كلها مابتفرقش
طب احنا خلاص ننسى الى فات كدا ونبتدى مع بعض صفحه من اول وجديد
ليه مانخليش ايامنا متغيره
طيب نشوف بقى انتى بتحبى ايه واعمليه
شوفى مواهبك
ارجعى للحاجات الى انتى كنتى بتحبيها ايام طفولتك
شوفى ربنا
اتقربى منه اوى
وحببيه اوى اوى
واعملى حسابك انك ترضيه فى كل كلمه وكل حرف انتى بتتكلميها
واربطى بقى كل حاجه فى حياتك بربنا
هتقوليلى ازاى
يعنى مثلا لما تفرحى ماتفرحيش كدا وخلاص شوفى الاسباب او الخير الى انتى عملتيه علشان ربنا يجازيكى بفرحه دا
لما تزعلى شوفى ايه التقصير الى قصرتيه خلى ربنا زعلك
عارفه بجد
انتى كدا هتزودى الحاجات الحلوه الى بتعمليها وبتشيلى اى شئ وحش انتى ممكن كنتى بتعمليه وانتى مش واخده بالك
وبصى
اول ماتحصلك حاجه
جالك خبر مثلا والخبر دا فرحك اوى
اقعدى قولى الحمد لله كتييييييير
وصلى ركعتين شكر لله
ولو جاتلك حاجه وحشه برضو قولى الحمد لله
وصلى برضو ركعتين الشكر
بسم الله الرحمن الرحيم

(وان شكرتم لازيدنكم )
صدق الله العظيم
دى كلمتين من اختك لانى بجد كنت بعانى من الموضوع دا لقيت ان كل حاجه وليها سبب
ومستنيه مناقشتك يا قمر
مع انى طولت عليكى

اولا انا بشكر كل اللى ردوا عليا وميرسيه يا moz_a ويا على ويا مى ميرسيه ليكم كلكم بجد وانتى يا مى مطولتيش ولا حاجة بس انا فعلا بصلى ركعتين شكر بعد اى خبر او اى حاجة تحصلى سواء حلوة او وحشة وكمان بحمد ربنا وربنا بيمشيها وفعلا مفيش حد بيقرب من ربنا الا وربنا بيكون معاه وانا لما ببقى قريبة اوى من ربنا فعلا بحس انى راضية ومبسوطة بس بجد لازم العلاقة مع ربنا تبقى على طول قوية عشان الانسان يحس بالسعادة والرضا وانا بشكر كل اللى ردوا عليا وميرسيه ليكو بجد وطول ما الانسان عنده الصحة والستر لازم يحمد ربنا وان شاء الله مفيش احزان او مشاكل

وبالنسبة ل moz_a صدقنى انا هحاول اسيب بكره لوقته وادعولى ويارب متجيبش احزان علينا ابدا آمين

لا اله الا انت سبحانك انى كنت من الظالمين

طبعا انا برضه مش عارفه اقولك ايه بعد اللى هما قالوه

انتى فعلا سيبى كل حاجه لربنا

لاننا كلنا فينا الحته دى
كلنا بنخاف نفرح اووووى

ونقول خير اللهم اجعله خير

وده طبعا غلط

لان كل حاجه مكتوبه عند ربنا

وربنا يبعد عنا جميعا الاحزان

ميرسيه ليكى يا رودى على ردك والواحد فعلا يعمل اللى عليه والباقى على ربنا هو اللى بيدبر كل حاجة وبيدبر الخير او الشر للانسان حسب تصريفه هو وفعلا الحل الوحيد لاى حاجة فى الدنيا ان الانسان يقرب من ربنا اكتر واكتر


وكفى بالصابرين خيرا ان الله معهم

انا شايف ان الحكاية دى بتحصلك لانك بتفكرى كتيير فيها وبتحطى فى بالك ان فى حاجة هتحصلك سيبيها لربنا وهى دى حال الدنيا يوم فرح ويوم حزن ومحدش بيفرح ع طول ولا بيحزن ع طول

واهم حاجة انك تشكرى ربنا على النعمة اللى انتى فيها

الحمد لله يا مصطفى وربنا يخليك ويبعد عننا الاحزان وميرسيه ليك

كفى بالصابرين خيرا ان الله معهم

اوعي تخافي تفرحي ابدا جمدي قلبك واعي الشيطان يوصلك للمرحلة دي000 هو ايه بيطول عمر الواحد غير الفرحة 000صدقينى الحزن جه معاكى بعد الفرح على طول صدفة كذا مره ودا الي خلاكى تصدقي0000 حولي تبعدي احساس الخوف عنك وحده وحده عشان تتخلصي من الفوبيا الي حصلت بسبب الصدفه00000 بس ما تنسيش ان ممكن كون ليها اسباب تانيه زي البعد عن ربنا فا دا بيخلى االحياه و الفرح فيها مفيهاش بركه يعني ما بتستمرش كتير انا مش بقول انك بعيد عن ربنا بس حولى تقعدى مع نفسك وتحسبيها وتشوفي انتي مقصره في ايه وتحولي تصلحيه000وحولي تكونى فرحانه في كل لحظه في حياتك وفي حديث بيقول(عجبا لامر المؤمن ان امره كله خير0اذا اصابه خير فشكر فكان خير له واذا اصابه شر فصبر فكان خير له )صدق رسول الله صلي الله عليه وسلم وانشا الله حياتك تبقى كلها فرح

فعلا يا فؤاد انت معاك حق فى كل كلمة بتقولها احنا ممكن نخلى كل حاجة حلوة بتغيير نظرتنا ليها يعنى مثلا انا اتفرجت على برنامج بيقول فن تحويل المحنة الى منحة وبيتكلم عن ان الانسان لما تقابله ظروف وحشة ادامه حل من اتنين ياءما يشكر ربنا وياخد ثواب على صبره وربنا هيحل المحنة دى ياءما بقى يبقى متضايق وميحمدش ربنا وياخد ذنب وفى الحالتين امر الله نافذ لا محالة يعنى طالما ربنا كده كده هيبلى الانسان ببلاء معين فالافضل انه يقابل البلاء ده بالشكر مش التأفف لان كده امر ربنا نافد وكده امر ربنا نافد بس الفرق بين انسان صبر واتقى ربنا وانسان جحد وعصى ربنا وميرسيه يا فؤاد جدا جدا


كفى بالصابرين خيرا ان الله معهم

ربنا يبعد عنك وعننا الحزن والهم يا نور
بس انا ليا تعليق بس ياريت متزعليش وتعتبرى ده تدخل
انا مريت على مواضيع كتير على المنتدى منها كام موضوع ليكى ملاحظ الحزن والكآبه فى اغلب كتاباتك ليه ده كله
عموما مهما كان السبب لازم تاخدى براى اللى قالك انك تتقربى من ربنا اكتر وكترى من الحمد واحنا اهو داخلين على رمضان فرصه يعنى وكل سنه وانتى طيبه

كلنا بنحزن ساعات ونفرح ساعات
كلنا بنحس ان الدنيا معانا ساعات وعدونا الاول ساعات تانيه
بس دي سنه الحياه مش هينفع اننا نفرح علي طول ولا مش هيكون للفرح طعم
وكمان مفيش حد بيحزن علي طول والا لو اي حد حزن في يوم بسبب اي حاجه تحصل ليه علي طول كنا أكيد هنموت دا بسبب ان ربنا اعطانا نعمه عزيمه جدا وهي نعمه النسيان
(لعمرك ماضاقت الدنيا بأهلها
ولكن أحلام الرجال تضيق)

بصراحة انا عندى نفس المكشلة
بس الكل بيقول مش لازم نستسلم للحزن
بس صعب قوى
يعني اوقات واوقات
فهمانى