سؤال لكل شاب فى المنتدى؟؟؟

سؤال لكل ولد أو شاب أو راجل في المنتدى؟؟؟؟

جه في بالي موضوع حبيت اطرحه واسأل رأيكو في أيه يا شباب ..

بس قبل ما تقراه للآخر بلييييييييز رد عليه ومتنفضش

أولا:

أية رأيك في البنت اللي تحب واحد من غير ما يبقى بينهم حاجة رسمية؟؟

ثانيا:

ممكن تحب واحدة بجد من غير ما يكون بينكو اي ارتباط شرعي؟؟؟؟؟؟

ثالثا:

لو كانت اجابتك بأه؟هل ممكن بعد كدة تخطبها أوتتجوزها؟؟؟

رابعا:

ليه كتييير أوي منكم بيحبو يلعبوبالبنات يعني ويستغلو انهم زي الخساية ويوعدوهم بالجواز وفي الآخر يرجعو في كلامهم (ده اذا كانو من الأول مبيفكروش فيه أصلا) ويتحججو بحجج فارغة؟؟؟؟

ولآخر مرة بقولكو بليييييييييييييييييييييييييييييييييييز ردو عليا ومتبخلوش في الكلام........

ياريت فعلا نلاقى اولاد ذات جرائه كفايه ويردوا عليكى
لان الموضوع مهم جدا وشكرا ليكى يا روبى

شوفوا أنا هجاوب على الموضوع ده من وجه نظري الشخصيه بالرغم من قلة خبرتي في المواضيع دي

الحب شئ غريزي طبعه الله سبحانه وتعالى على قلوبنا وهو ليس عيباً في ذاته
ولكن العيب هو كيفية توظيف هذا الحب
حصل حب بقى وتوافق بين طرفين اول شئ الواحد المفروض يفكر فيه
هل الولد ده أو البنت دي هينفع في الأخر تكون النتيجه الجواز
هيجي واحد عامل فيها روميو ويقول طيب وانا هعرف ازاي من غير ما اعرف عنها كل حاجه
أنا بقى في رأي هنفترض أن الاتنين عرفوا بعض سواء زملاء في جامعه واحده أو عمل
كل واحد ليه تقاليد وعادات خاصه بالعائلة بتاعته
أنا عن نفسي لو لقيت أن الإنسانه دي متوافقه معايافي الموضوع ده مفيش أي مانع من
أن يكون في بينا شئ رسمي

المشكله بقى بتكون ان لما اتنين بيحبوا بعض لأول مره بينسوا الحاجات دي
أو بيتناسوها وبيكونوا عايشين ولا كأنهم تيس وهبله ( قصدي قيس وليلى )

نيجي بقى للرد على الأسئله
من خلال الكلام اللي فات اجابت السؤال الأول والتاني
أن ممكن عادي جدا واحده تحب واحد من غير اي ارتباط شرعي
برده ممكن الواحد يحب واحده من غير اي ارتباط شرعي
لأن ده زي ماقلت شئ غريزي موجود فينا كلنا
بس المهم توظيف هذا الحب في الطريق الصح
عشان بعد كده يجي اجابة السؤال الثالث
ان بعد كده يخطبها ويتجوزوا

السؤال الرابع بقى اعتقد مش عندي اجابه ليه

شكرا ياسر ع جرائتك بس ياريت باقى الشباب فى المنتدى يردوا ع الاسئله

شكرا ياياسر على صراحتك وجرائتك
ومستنين ردود باقى الشباب
وميرسى يادمن وياداليا على مروركم

البنت اللى تحب واحد من غير ما تكون فى ما بينهم حاجة رسمية

المهم فى الموضوع دا ان البنت تكون متأكدة مية فى المية من حب الولد ليها وانه فعلا قادر على الارتباط بيها ومش بس ناوى لان النية وحدها مش كفاية وممكن يكون ناوى لكن مش فى استطاعته انه يكمل

ممكن تحب واحدة بجد من غير ما يكون بينكو اي ارتباط شرعي؟؟؟؟؟؟

اكيد طبعا لان الحب دا مش زورار هدوس عليه هحب او لا احب دى حاجة خارجة عن ارادة الانسان وبعدين مينفعش ارتبط بواحدة من غير مايكون على الاقل حتى اعرف شخصيتها وهل فى توافق ما
بينا ولا لأ لان دى حاجة مصيرية ومش هتجوز كل يوم

لو كانت اجابتك بأه؟هل ممكن بعد كدة تخطبها أوتتجوزها؟؟؟

اكيد طبعا لانى بحبها ولو مكنتش ناوى على الجواز او فى ظروف ممكن تمنع الارتباط مش هسمح لنفسى انى اكمل فى العلاقة معاها لانى من النوع اللى لما بيرتبط بانسان بتعلق بيه بدرجة شديدة ومبقدرش استغنى عنه ولو عارف انى مش هقدر اكمل مع اللى بحبها هحاول ابعد عنها من البداية علشان معذبش نفسى بعد كدة

ليه كتييير أوي منكم بيحبو يلعبوبالبنات يعني ويستغلو انهم زي الخساية ويوعدوهم بالجواز وفي الآخر يرجعو في كلامهم (ده اذا كانو من الأول مبيفكروش فيه أصلا) ويتحججو بحجج فارغة؟؟؟؟

الحكاية دى ظروفها مختلفة يعنى فى شباب مبيكونش فى استطاعته فعلا انه يتجوز او فى ظروف بتمنعه علشان كده انا شايف ان الواحد لازم يكون متاكد انه هيقدر ينفذ اللى وعد بيه قبل الارتباط بأى واحدة وفى نوع تانى بيكون نيته من الاول التسلية وبس مش اكتر او الاستفادة من البنت باسم الحب

ميرسى يامصطفى على صر احتك
نورت الموضوع بمشاركتك الجميله

موضوع جميل اوى ياروبى

وردود صريحه من الولاد

شكرا روبى

ميرسى على مرورك الجميل يارودى

بصى بقى يا روبى
انا هجاوب عليكى من وجهة نظرى انا
ودا رأى انما مش شئ مسلم بيه

أية رأيك في البنت اللي تحب واحد من غير ما يبقى بينهم حاجة رسمية؟؟
واحدة زى ما بيقولوا عايزة تعيش
هى فى نظرها كده فل قوى
ويا سلام لما تبقى كمان هى مش عايزة ترتبط بالشخص ده
بس زى ما بقولك عايزة تعيش
يا عينى
واطية واطية يعنى
طبعا انا مش بقول ان كل بنت بتحب مش محترمة
بس لازم تتأكد ان نهاية حبها ده جواز
والا هى نفسها هتبقى بتلعب
وطبعا تأكيد فى المواضيع دى صعب حبتين

ممكن تحب واحدة بجد من غير ما يكون بينكو اي ارتباط شرعي؟؟؟؟؟؟
انا ابقى كداب لو قلتلك لا وانا واث مية المية
بس تقريبا نفس الاجابة اللى فوق
وبالنسبة لى انا لا بنسبة 95%
والله اعلم ايه ظروف الخمسة % الل باقيين

ممكن تحب واحدة بجد من غير ما يكون بينكو اي ارتباط شرعي؟؟؟؟؟؟
اكيد طبعا لو بحب بجد هكون عايز اتجوزها
مش مجرد تسلية وخلاص

ليه كتييير أوي منكم بيحبو يلعبوبالبنات يعني ويستغلو انهم زي الخساية ويوعدوهم بالجواز وفي الآخر يرجعو في كلامهم (ده اذا كانو من الأول مبيفكروش فيه أصلا) ويتحججو بحجج فارغة؟؟؟؟؟

بصى انا عن نفسى لو حبيت وانا بستبعد الموضوع ده حبتين
للاسف مش هيبقى عندى حجج
ههههههههه دا هزار يا جدعان مش جد
اوعى حد يصدق
بس بجد انا لو حبيت وحدة وهة عرفت عنى كل حاجة
مش هقدر اتحجج بأى حاجة
اى واحد فيكو ممكن يتخيلها
انا عارف انى ردى على السؤال ده مش ريحكوا
بس زى ماقلت قبل كده انا هجاوب على الاسئلة
من منطلق وضعى انا
ومن رأيى انا
مش اكتر
وميرسى روبى كتير على موضوعك الجامد

ميرسى ياسايتوعلى صراحتك
وانا احترم وجهه نظرك جدا
ميرسى ليك مره تانيه على مرورك
ونورت الموضوع بمشاركتك الجميله

ان رايي من راي ياسر لاني ماليش تجارب في المواضيع ده خالص

ههههههههههههههههههههههههههههههههههههههههههههههه
واوعي تغير المحطه

يا برئ انت يا جامد
ههههههههههههههه

صعبت عليا يا احمد يا شحاته
ههههههههههههههه

ههههههههههههههههه
ايه البراءه دى كلها ياحمد
على العموم ميرسى على مرورك

الامتحان صعب اقوى
اذاكر الاول

ههههههههههههههههههههه
ليه هى الاسئله صعبه اوى
ذاكر ياخويه ربنا معاك

بالتوفيق يا احمد Laughing