أحول.........لأ مش هحوللللللللللللللللللللللللللل

أحول............ لأ ماحولش
طب أحول .............لأ ماحولش
لأ................. خلاص انا هحول
ولا أقولك................. انا قررت مش هحول
ولا أيه رأيكو؟؟؟؟؟؟؟؟؟؟

مش الموضوع ده برضه أكيد محير ناس فيكو؟؟؟

يا جماعه موضوع جامعة المنيا وجامعة عين شمس ده موضوع مهم مش كده ولا ايه؟؟

انا نفسى أحول ليييييييه؟

أولا طبعا علشان دى اسمها ايه جامعة عين شمس

ثانيا غالبية الشغل بيتطلب خريجى عين شمس ولا ايه الناس اللى اتخرجت؟؟؟؟؟

ثالثا بيقولوا التعليم هناك احسن مع انى مش مقتنعه بالنقطه دى لأن اللى عايز يتعلم بيتعلم فى اى مكان

رابعا علشان ابقى مع صاحبتى اللى عايزه برضه تحول

وأرجع أقول لأ مش هحول عارفين ليه؟؟؟

أولا علشان خايفه من الدراسه هناك ممكن تكون صعبه

ثانيا علشان الاعداد فالمنيا اقل بكتير من عين شمس

ثالثا هناك ماحدش بيعرف حد لكن فالمنيا بجد بحس ان احنا اسره صغيره وكلنا عارفين بعض

يا ريت يا جماعه تردوا علينا وتقولولنا رأيكو فالموضوع ده

علشان دى أخر فرصه للتحويل بالنسبه لى

ويا ريت تقولولنا مميزات المنيا ومميزات عين شمس ونعمل مقارنه بينهم

ويا ريت برضه اللى اتخرجوا من المنيا يا ترى فى صعوبات واجهتهم ولا لأ

والجماعه اللى ماحولوش يا ترى ما حولوش ليه؟؟؟؟؟

هبقى سعيده لو سمعت ردودكو

يلا مستنياكو

بصى عشان تحولى عين شمس احسن بكتيير طبعا بكل المعايير من المنيا فرصه عمل اكتر بكتير طريقه للتعليم احسن المنيا اه العدد صغير بس جامعه عين شمس للمستقبل احسن

شكرا يا دالياعلى نصيحتك

بصي عين شمس احسن من المنيا و انتي بردو شوفي نفسك ساكنة فين و

اهم حاجة انك تصلي استخارة كتير و سبيها علي الله

و ربنا يكرمك و يوفقك يا حبيبتي

ميرسي على ردك الجميل ده يا ايجيبت

انتي بس متقلقيش و متتوتريش و ان شاء الله ربنا يسهلك
بس اهم حاجة الاستخارة متنسيش
ربنا معاكي

شكرا يا ايجيبت بس برضه نسيت اقول حاجه
ان انا اساسا منياويه وهينفع انى احول بس لو حولت محل اقامتى
هما اغلبية قرايبى فالقاهره
واحنا على طول هناك
فممكن ان انا يبقى محل اقامتى القاهره
علشان القرابه من الدرجه الاولى
انا سألت فى شئون الطلبه وقالوا ينفع
فكل ترددى انها دوشه كبيره
برضه مش عارفه
وشكرا لاهتمامك

و الله موضوع محير بس انا مش هسيبك غير لما نرسي علي بر اوك ؟
طيب انتي اهلك رأيهم اية ؟
و مين ممكن يحول معاكي ؟
و لو حولتي هتقعدي فين ؟
جاوبني و ان شاء الله محلولة

اهلى مش راضيين يفرضوا عليه حاجه علشان يبقى انا اللى اخترت
بس يقولولى براحتك بس حاسه من جواهم بيقولول يا ريت لأ
انا لو حولت هقعد عند اى حد من عمامى كلهم زى ما قلتلك هناك
وعلى فكره الحكايه دى تعتبر العقبه لأنى بستتقل ان اقعد عند حد مهما كان كويس معايا
اما بالنسبه اللى هتحول معايا صاحبتى
وهى برضه مش هتحول لوحدها لو محولتش هتقعد اصلنا مرتبطين ببعض خالص

طيب بصي اديني فرصة افكر و اسألك و ان شاء الله هرد عليكي
انتي اخر معاد ليكي امتي ؟

بالنسبه للتعليم طبعا هناك أحسن بكتير

لكن بالنسبه للشهاده الاتنين واحد كل صحابي اللي اتخرجوا
مفيش حد سألهم أنت ألسن عين شمي ولا المنيا

كله بيعرف أنه ألسن مش بيتكلم
وموضوع التحويل بيكون عشان الواحد يقرب من أهله مش أكتر
أغلب اللي بيحولوا من المنيا لعين شمس بيتصدموا
لأنهم بيلاقوا زمايلهم اقوى منهم
وبالتالي بيشيلوا مواد وكده

طبعاً ده مش رأي شخصي ده شئ أنا متأكد منه تماما

أما بالنسبه لرأي أنا اعتقد طالما أن باباكي وماماتك واخواتك هنا أنك متحوليش
لأن مهما حصل محدش بيستحمل زي الأب والأم
هتيجي لحظات وهتقولي لو كان بابا أو ماما هنا مكنوش هيقولوا كده
وبرده الواحد مش بيرتاح غير في بيته وغرفته وعلى سريره
مهما كانت درجة القرابه بينه وبين اللي هيروح عنده

طبعا ده رأيي الشخصي

امال اية بقي يا ياسر الكلام اللي بيتقال عن ان شهادة عين شمس احسن
و ان شهادة المنيا مش حلوة ؟

والله هو ده اللي بيحصل محدش من صحابي نهائي حد سأله عن الحوار ده
أهم حاجه بيعرف يتكلم اللغه اللي هو متخرج منها

و الله طيب كدة بقي هي تقعد هنا طالما كدة كدة الشهادة مش هتفرق
انا نفسي اقلها علي حل نهائي عشان الحيرة وحشة

والله الشهاده وحده
بس هناك التعليم أقوى من هنا
احنا في ناس متخرجين من عندنا شغالين في المدرسه الألمانيه ليه مش قالولهم
انت من المنيا مش عيزينك
اعتقد دي اشاعه اللي هو الفرق بين شهاده عين شمس والمنيا أنا أول مره أسمع بيها النهارده

انا عن نفسى شايف ان مفيش فرق ما بين شهادة المنيا وعين شمس ممكن الدراسة تكون هناك اقوى

لكن المهم فى الموضوع انك من المنيا يعنى فى بلدك وكفاية انك اخر اليوم بتنامى على سريرك وفى بيتك طيب ليه التعب والغربة وعلى فكرة مسالة الاغتراب دى محدش هيحس بيه غير لما يكون مجربها

والله يا جماعه انا مش عارفه اقولكو ايه ولا ابه على تعبكو معايا

بس انا بحب اخد رأيكو علشان انا حاسه والله ان انتو اخواتى

اما بالنسبه ليك يا ياسر مش معقول اول مره تسمع عن الفرق بين المنيا وعين شمس

عموما انت متأكد من كلامك ده يعنى فعلا في ناس مسئلوهاش عن الجامعه

يا ريت والله انا كمان مش مرتاحه نفسيا من موضوع التحويل ده

بس من اللى بسمعه من الناس اللى هتحول

بيقولوا احنا ليه نقعد فالمنيا والكلام ده كله بيأثر عليه

فبقول طب مادام بأمكانى ان احول ماحولش ليه

فاهم خايفه انها تكون فرصه يعنى

عموما شكلها هترسى على لنى افضل فالمنيا

مالها المنيا زى الفل وهاديه

كمان مره بشكرك يا ياسر انت و ايجيبت

دة انا بسمع بقي كلام ان شهادة المنيا جنب عين شمس و لا حاجة
و يمكن بيفضلو عين شمس علينا دة اللي بسمعه بس مش عارفة بقي

تسيت أقول لمصطفى شكرا على ردك وعندك حق في كل اللى بتقوله
وبقولك يا ايجيبت انى بسمع نفس الكلام اللى بتقوليه

والله يا جماعه كل صحابي محدش بيسألهم على موضوع الشهاده واخدها منين

موضوع عين شمس في الكليات التانيه بس

لأن زي ما بقول الموضوع بيكون على حسب تمكن اواحد من اللغه اللي متخرج منها

والا مكنش ناس صحابنا شغالين في البنوك الأجنبيه والمدرسه الألمانيه

والأمم المتحده وشركات بترول غير أكبر الشركات السياحه في مصر

طبعا ممكن مش تصدقوا بس أنا عارفهم بالاسم

ومفيش أحسن من الواحد يكون في كليه جنب بيته

بصي يا حبيبتي في حالتك دي هتبقي الميزة الوحيدة في عين شمس الشهادة و

من كلام ياسر ان الاتنين زي بعض يبقي خليكي هنا وسط اهلك و ناسك و كمان تبقي معانا

بس نتأكد تاني من ياسر

طبعاً براحتكم تأكدوا وقولوا

كدة يبقي هنا افضلك يا حبيبتي و ربنا معاكي و لو عندك اي حاجة تاني احنا موجودين

علي فكرة يا ياسر انا اقصد اننا نتأكد منك تاني مش نروح نسأل وراك
كلامك ثقة يا ابني

ميرسى يا جماعه بجد على مداخلتكم اللذيذه
وانت يا ياسر بجد خليتنى اتفائل بكليتنا علشان
الناس اللى بسم الله ما شاء الله عليهم اشتغلوا
وما شاء الله شغل كويس وعقبالك
وزى ما قلتى يا ايجيبت ان الميزه الوحيده للتحويل بالنسبالى هى الشهاده
ومادام ياسر بيقول ان مش بيسئلوا عليها يبقى ليه صحيح اتعب نفسى
thanx alot
HAHA