افيدونا.........

معلش يا جماعة حد يقلنا مشوارنا في كاس العالم لكرة القدم
هيبقي ازاي انا سمعته في التلفزيون بس بردو مفهمتش و
يا ريت تقلولنا هنلعب مع مين
و احنا ترتيبنا اية الوقت
يا رب مصر تاخد الكاس
و شكرا

بس كده ، دى بسيطه أوى
بصى يا هند وركزى معايا

دى مجموعه مصر اللى هيصعد منها الآول مباشره للدور اللى بعد كده ، أن شاء الله مصر

المجموعة الثانية عشر

الترتيب	الفريق	لعب	فوز	تعادل	خسارة	له	عليه	فارق الأهداف	النقاط
1	جمهورية الكونغو	4	3	0	1	13	3	10	9
2	مصـر	4	3	0	1	8	2	6	9
3	مالاوي	4	2	0	2	9	4	5	6
4	جيبوتي	4	0	0	4	2	23	-21	0

هو لسه باقى لمصر ماتشين مع جيبوتى فى مصر ومع الكونغو فى الكونغو ، أن شاء الله نكسبهم ونبقى أول المجموعه

خلاص هنعتبر مصر بقت الآولى فى المجموعه

طيب حد يقولى لو بقينا تانى المجموعه أيه اللى هيحصل ؟ أقولك كمل معايا الكلام

الفيفا بيقول أن

كل أوائل المجموعات ال 12 مع أحسن 8 توانى يعنى أيه 8 توانى : يعنى أحسن 8 فرق فى اللى طالعين المركز التانى من بين المجموعات ال12
هيبقوا كلهم 20 منتخب هيصعدوا للدور اللى بعد كده

يعنى ببساطه لو مصر بقت التانى برضه هنصعد للدور اللى بعد كده ، لآننا من أفضل 8 منتخبات اللى فى المركز التانى من بين كل المجموعات ال 12

أقولكم بصراحه ووضوح

أطمنوا ، مصر فى الدور اللى بعد كده سواء طلعت أول أو تانى مجموعه ، خلاص ، أرتاحوا بقى وحطوا فى بطنكم بطيخه صيفى

لحد كده تمام أوى

طيب حد يسالنى أيه الدور اللى بعد كده اللى أنت بتتكلم عنه

أقولك الدور اللى بعد كده هو المرحله النهائيه للصعود لكأس العالم

بمعنى أن

الفيفا هيعمل قرعه لل 20 منتخب اللى صعدوا فى 5 مجموعات كل مجموعه 4 فرق
أوائل الخمس مجموعات بس همه دول اللى هيصعدوا مباشره لكأس العالم

أن شاء الله منهم مصر
أتمنى أنى أكون أفدت الجميع
وكل الناس تكون فهمت الليله ماشيه أزاى
بس بقول لهند أنتى قولتى يارب مصر تاخد الكاس
مش فاهم كأس أيه
كأس مصر ولآ كأس العالم
متهيألى كأس العالم أسهل أننا ناخده
هههههههههههههههههههههه

شكرا جدا يا محمد انا بدأت افهم بس طولبالك معايا شوية
عايزة اعرف الفيفا دي هتختار الفرق علي اساس اية؟
و الله طمنتني اننا كدة كدة هنتأهل للدور اللي بعد كدة
و انا اقصد يا رب مصر تكسب كاس العالم
دي بقت اكتر حاجة بتفرح المصريين في ظل الظروف اللي احنا عايشين فيها الوقت
بشكرك مرة تانية يا محمد

هههههههههه
حاضر هطول بالى
مع أنى مستغرب من السؤال
بس هحاول أنى أفهمك أكتر
الفيفا مش هتختار بمزاجها
الدور اللى أحنا فيه الآول فى المجموعه هوه اللى هيصعد مباشره للدور الجاى غصب عن الفيفا
وأحسن 8 توانى من ال 12 منتخب اللى فى المركز التانى ، هيختاروهم حسب أعلى سكور فى النقط
ولو فى منتخبين متساويين فى النقط ، هيشوفوا عدد الآهداف ، واللى عنده أكتر هيبقى ليه الآولويه
أما الدور النهائى من التصفيات هيصعد أوائل خمس المجموعات للكأس العالم فى جنوب أفريقيا

بس دى كل الحكايه
ولو عندك أى سؤال تانى
أنا مستنى للرد
بس مش فاهم كأس عالم أيه اللى أحنا ناخده
هههههههههههههههههه
ياهند بس أحنا نوصل لكأس العالم
وبعدها بس نفكر نوصل لدور ال 8
أما أن أحنا ناخد كأس العالم
فده من تاسع عاشر المستحيلات
اللى انا مش عارفهم أصلاً

افيدونا......... Egypt12

بشكرك يا محمد بس انا كان سؤالي علي انقطة دي
الفيفا هيعمل قرعه لل 20 منتخب اللى صعدوا فى 5 مجموعات كل مجموعه 4 فرق
الفيفا بقي هيعمل القرعة دي علي اساس اية؟
معلش ان الله مع الصابرين استحمل بقي
المهم ان شاء الله مصر هتكسب الكاس و لو مكسبنهوش
لا قدر الله هنوصل لمكز يليق بينا بإذن الله
دة كفاية دعاوي ناسها الطيبين و الله
شكرا يا محمد علي الشرح و التوضيح

أسف يا هند على التأخير فى الرد
بس والله مش من عندى
لآن النت فصل أمبارح وأنا كنت بكتب ردى على سؤالك
عملى بيج كانت بى دسبلايد
وكل اللى كتبته ضااااااااااااااع باى باى
يلا بقى زى بعضه
هكتبلك الكلام تانى ، ومعاكى للآخر

خلاص وصلنا لمرحله أننا عرفنا أن ال20 منتخب صعدوا أزاى للدور النهائى وده فى حد ذاته أنجاز

الفيفا بقى بجلاله قدرها أن شاء الله هتعمل قرعه لل20 منتخب اللى صعدوا فى 5 مجموعات ، وكل مجموعه 4 منتخبات
لحد كده كويس خالص وأعتقد مفيش أيه مشاكل

أما سؤالك عن القرعه متهيألى كان هيبقى على أساس أيه ؟
صح
أقولك أنا وركزى حبتين

بما أن ال20منتخب دول همه أحسن عشرين منتخب فى القاره السمراء
الفيفا هتوزع ال20منتخب توزيع عادل بين المجموعات علشان ميبقاش هناك مجموعه صعبه ومجموعه سهله

أنا سامعك بتقولى يعنى أيه توزيع عادل هو أحنا بنتكلم على اسرائيل وفلسطين ولا أيه هههههه
أقولك بس كملى وبلاش تقاطعينى وخلى أى سؤال بيلف فى دماغك للآخر هههههه

الفيفا هيصنف المنتخبات ال20 لآربع تصنيفات
تصنيف أول ، تصنيف تانى ، تصنيف تالت ، تصنيف رابع
كل تصنيف 5 فرق
والتصنيف الآول أقوى من التانى والتانى أقوى من التالت وهكذاااااا
والمنتخبات الموجوده فى تصنيف واحد ، هتبقى فى نفس المستوى
التصنيف الآول مثلا هيبقى موجود فيه بالطبع أحسن خمس منتخبات وهيتوزعوا على الخمس مجموعات
وهكذا التصنيف التانى والتالت والرابع
بمعنى أن بين كل مجموعه والتانيه تكافؤ فى مستوى المنتخبات من حيث القوه

يعنى ببساطه يا هند مش هتلاقى مثلا مجموعه فيها مصر وكوت ديفوار والكاميرون وغانا
ومجموعه فيها بنين وزمبابوى والجابون وكفر البطيخ

لآ ، الكلام ده مش هيحصل أبداً

ببساطه هتلاقى المجموعات متساويه
مثلا مثلا يعنى
مجموعه فيها مصر و نيجيريا و بنين وكفر البطيخ
ومجموعه كوت ديفوار و تونس و توجو ومركز شباب ملوى

ه ه ه ه ه ه ه ه تعبت
هند ، أنا حاسس أنك عايزه تسألينى سؤال عمال بيلف فى دماغك ، السؤال بيقول :
الفيفا بقى هيعمل القرعه دى على أساس أيه ؟
ههههههههه

ههههههههههههههههههههه
معلش يا محمد تعبتك معايا عموما انا فهمت شوية
و انا هقرا كلامك تاني و ازاكره كويس اكيد هفهم 100%
و بشكرك جدا علي التوضيح بس عندي سؤال :
الفيفا بقى هيعمل القرعه دى على أساس أيه ؟
هههههههههههههههههههههههههه
شكرا مرة تاني

ها يا جماعة حد يقلنا احنا فين ع الخريطة دلوقتي
معلش هنتعبكو معانا