هل انت انسان متناقض

اولا مرسى جدا لكل الناس الى ردوا على الموضوع

انا كتبت ردى قبل كدا على كلامك ايجيبت
بس للاسف النت فصل ساعتها
والكلام ماوصلش
بصى بقى يا ستى انا اتكلمت فى الموضوع دا على نقطتين
اول نقطه
وهى التناقض الشخصى
يعنى جواك يكون فى خير وشر فى نفس الوقت
فانتى قولتى ان احنا بنتعامل زى مالناس بيعاملونا
وفعلا دى حقيقه انا مااقدرش اقولك لا عليها
لانى انا نفسى بتعامل بالطريقه دى
لو لقيت حد كريم معايا مثلا ببقى كريمه معاه لو حد كان بخيل معايا ببقى بخيله معاه
لو حد بيعمل معايا اى حاجه بعملها معاه بعامل الناس زى مابيعاملونى
احيانا بتعب من الاسلوب دا
لانه فعلا بيطلعنى بره شخصيتى
اوك
بس انا كان كل قصدى على حاجه ان مثا ممكن تلاقى حد بيتعامل بطيبه متناهيه وحنيه مافيش بعد كدا
وفجاه مره واحده تكتشفى ان الناس دى مش كدا
ان لما قعدت فكرت
وكمان سالت فكان حد قاللى جمله عجبتنى اوى
ان ربنا ماخلقش حد طيب وحد شرير لان ربنا بيحبنا كلنا
كلنا اتخلقنا طيبين جدا وصافيين جدا جدا بس الانسان الضعيف هوا الى بسيس نفسه للدنيا والايام تعكره
وتقلل صفاؤه دا
فانا كان قصدى اوضح ان كلنا جوانا الصفه الكويسه
بس بنسيب الدنيا والناس تطبع فينا الصفات الى مش كويسه
بالنسبه بقى للتناقض الخارجى الى هوا مع الناسش التانيه او مااطلقنا عليه الانفعالات
بصى عادة الانسان الصريح او الانسان الانفعالى بيتعب جدا فى حياته
لانك يوم ما مثلا بتبقى فى حاجه مش عايزه تقولها لاى حد بتلاقى الدنيا كلها عارفاها ودا من غير ماتتكلمى
دا من العين بس
ودا ممكن يسبب اصلا مشاكل فبيبقى احسن حل
الى هو الاتزان الانفعالى
انفعال واحد وتعبير واحد على الوش مافيش غيره
انتى عارفه لما بييجوا يعالجوا المدمنين لازم تبقى قاعده كدا ادام المدنم تعبير واحد بسش فى وشك لانك لو غيتى التعبيرات
فانتى بتثيريه ضدك وممكن مايرضاش يحكى معاكى تانى
وهمهما حكى ومهام قال من كلام مستفز فالتعبير مابيتغيرش
فلذلك عرفت ان حتى فى حياتنا العاديه
لازم يكون فى اتزان انفعالى فى تحركاتنا فى تصرفاتنا
وااله ماكدبش عليكى دا الى انا بحاول اعمله اليومين دول
انى اظبط انفعالاتى
لانى انا انسانه انفعاليه بشكل غير عادى غير طبيعى
وهارد على كل حد بس كدا كتير النهارده