ليه البنات بتحب تتحب؟

سؤال مهم جدا هى ليه البنات بتحب تتحب؟
او تحب تعيش قصة حب؟
انا مش هقدر اقول كل البنات بس بعضهم

(1)
ممكن علشان تحس بانوثتها
(2)
علشان تقلد صاحبتها
(3)
علشان تتكلم فالموبايل كتير و مسجات وكده
(4)
علشان فاكره انها لما تكون مش بتتحب يبقى فيها حاجه غلط


على فكره انا من رأيى ان البنت اللى مش عايشهLOVE STORY
كده احسن علشان انا مبعترفش بالحب ده بتاع المراهقين والواحده اكيد هيجيلها نصيبها ويدخل البيت من بابه مش من شباكه
انا عارفه ان فى ناس كتير هتتعارض معايا
انا عارفه ان احساس الحب جميل بس مش عارفه
ده رأيي
منتظره ردكم

الموضوع ده جميل جدا بس الحب بيدق لباب البنت فى اى وقت والبنت بتفتحله قلبها عشان الينات يغلب عليها الطابع الرومانسى فهتحب هتحب ده رايى وشكرا على الموضوع

انا احترم رأيك وشكرا على مرورك

فى فرق ما بين الحب الحقيقى وما بين حب المراهقة مع العلم ان اغلب الحب ما بين الشباب اليومين دول بيكون حب للتسلية وبس

عندك حق شكرا على ردك

ميرسى على ردك الجميل

الانسان بطبيعة حاله
بحب يتحب
لان حياتنا قائمه اصلا على الحب
طبيعة الانثى برضو انها تلاقى شريك حياتها بلحب
بس المشكله ان الثقافه الى منتشره ان الحب كلام تليفونات ورومانسيه وكلام اهبل
انا بالسبالى يوم ماهحب اتحب هاحب حد لمجرد انى احس معاه بالامان والثقه
واحس انى معايا راجل بسسسسسسسسسسسسس
ربنا يسهل كدا بعد عشرين سنه ان شاء الله
ههههههههههههههههه
مرسى لموضوعك العسل دا يا عاشقة السن و

اولا شكرا على مرورك الجميل
ثانيا انا معاكى فى الى بتقوليه
بس الواقع هو الى مخلينا نفهم الحب كلام وتليفونات وهبل زى مابتقولي
وبعدين نادرا لمل تلاقى اتنين بيحبو بعض حب حقيقى
حتى لو بيحبو بعض نادرا ما يتجوزو فالاخر ولا ايه؟
والدليل على كده لما البنت الى عامله نفسها بتحب حب حقيقى
لو اتعرض عليها واحد ظروفه احسن وشكله احلىىىىىىىىىى
هتحبه وترضى بيه وتنفض للاولانى

انا عاوزه افكرك ان ده مبينظبقش على كل البنات الى بتحب

ماهو لان فعلا زى مانتى بتقولى مافيش حب حقيقى
بردو فكرة الحب متاخده غلط
انا سمعت اراء عن الحب غريبه وعجيبه بشكل غير عادى
كنت حاسه انى بسمع حاجات ملهاش اى علاقه باى حاجه اصلا
وفعلا مابيبقاش اسموا حب
بيبقى اسموا هبل ولعب عيال
وتقليد اعمى لحاجه احنا مش فاهمينها

شكرا على مداخلتك الجميله وربنا يخليكى للمنتدى

بصى يا عاشقة الالسن
انا مرة قلت فى تعليق لى على موضوع قبلكده
ان الحب حياة
معناها ايه الكلمة دى
معناها طويل جدا
بس يتلخص فى
ان الانسان لما مش يكون حد بيحبه ساعات كتير بيحس انه مش عايش
ساعات كتير بيحس انه مش طبيعى
الاصل فى الحب مودة وتضحية
فبلاش نقول اننا مش مع الحب
بل بالعكس كلنا لو فكرنا بشوية هدوء وموضوعية هنلاقى نفسنا مع الحب
بس كلنا برده لو فكرنا بنفس الهدوء والموضوعية
هنلاقى نفسنا بنرفض تماما اللى بنشوفه كل يوم سواء فى جامعة او فى اى حتة تانية
فى ناس بتسوء الصورة الجميلة للحب
الناس دى بجد ميستحقهوش
ولعلمك عمرهم ما هيتحبوا
بس الحب فى حد ذاته شئ جميل جدا
كفاية انك تبقى حاسة ان معاكى واحد هيحسسك بالامان
كفاية شعور الالفة الجميل اللى معظم الناس مفتقداه
كفاية انى اعرف ان لو الدنيا كلها وقفت ضدى
هلاقى حد يقف معايا مش علشان مصلحة
مجرد حب فى
يااااااااااااااااااااااه
شعور تانى
عمرك جربتى واحد يتصل بيكى مش علشان اى حاجة غير انه يسمع صوتك
غير انه يطمن على اللى بيحبه
عمرك ما قلتى حاجة الناس كلها محتاجة باهين عليها
الا الشخص ده
واثق فى خطواتك وواثق فى النتيجة اللى هتطلعى بيها
بصراحة شئ جميل جدا محدش ينكر
بس اللى بيحصل اليومين دول مش حب
دى تسالى من عند ابو احمد بتاع اللب
ههههههههههههه
على العموم ميرسى كتير لموضوعك

ميرسى جداااااااااا يا سيتو على ردك ده
انا معاك فعلا ان الحب احساس جميل وانا يمكن قلت قبل كده ان الواحده لمل بتتحب بتبقى عايشه فى دنيا تانيه والكلام ده كله
وانا مش بعترض على الكلام ده
بس ممكن اللى حولينا هما اللى كرهونا فى الحب وشوهوا صورته
بدلا من انه شىء سامى الى شىء تافه وتسليه زى ما بتقول
عموما يا سيتو شكرا على مرورك الجميل
ويا ريت تفيدنا بأرائك على طول

انا عندى راى فى الموضوع ده
اى حد بيبقى محتاج الحب وبيدور عليه حتى ولو مش باين عليه
بس بيبقى من جواه بيتمناه باى طريقه وممكن توصل لحد الغيره والحقد لكل اتنين بيحبوا بعض
وبيبقى شايف نفسه احسن بكتير فى الحب وانه لو جاله هيحافظ عليه ويمسك فيه بايده وسنانه
بس احنا بنحب السهل فكل حياتنا حتى الحبوبنضيع كل حاجه من ايدينا بسبب السهل ده
انا عندى راى فى الحب الله اعلم صح ولا غلط
اولا اللى بيبقى محروم من الحب بنت او ولد اللى تلاقيه شايف كل اللى بيحصل ده غلط وايه الحب والبنت ليها بيتها والولد كداب ده بيكابر وبيبقى مخبى خواه حب العالم كله بجد بيبقى حبه صعب يتوصف غالبابيبقى حب بجد عايز اقول حب المحروم واللى بيخاف يتحرم تانى
ثانيا\ نا عايز اتكلم عن الحب بالشكل الحديث واللى غالبا مابيسئ للحب
اسهل حاجه عند الشاب دلوقتى انه يقول للبنت بحبك طيب على اساس ايه ممكن تكون اول مقابله او تانى مقابله او يبقى بيشوفها لكن مايعرفش عنها حاجه ايه اللى عجبه شكلها عنيها ضحكتها... طيب ده ينفع حب
انتا بتحب ليه علشان ايه علشان واحده تبقى معاك فتره الجامعه وخروجات وهدايا وخلاص اوتقضى معاها كام يوم وتزعلوا مع بعض بسبب حجات تافه وتبعدوا وحياتك تدمر او تبقى كأيبه انا شايف الحب اكبر من كلمه بتردد على اللسان لاى حد ومع اى حد عجبنى استيله او مشيته او فلوسه او وضعه الاجتماعى
غالبا هو ده الحب دلوقتى ومش ادخل فى تفاصيل اكتر كلنا عارفين وبنكابر


ثالثا \ بنضحك على الحب القديم ونقول ده انتيكا عايش ايام عبد الحليم وهكذا
انا شايف الحب من ناحيتى انك متكولش لحبيبك بحبك عمال على بطال اوممكن متقولهاش اساسا
لانبجد الحروف بتموت لما تتنطق فالكلمه بتفقد قيمتها لما تتقال

خلى كلمه بحبك عيد لما تتنطق بينكم

مش فرح بحبك مش هيبقى ليها معنى بعد كده
بلاش تمسك ايدها اوتمسكى ايده اولا البنت كل مرة بترخس بسبب الحجات ده حتى لو مش باين ده بينكوا

خلى حبيبتك ورده جميله ترويها بحبك من غير ماتقطفها علشان تتمتع برحيقها مدى الحياة
واعرف انك كل ما بتستعجل فى حبك كده انتا بتقصر عمره
مشلازم نخلص كل الكلام فى الموبايل ونسهر الليل كله كلام اوخروجات وعزومات وتقعدوا مع بعض على طول ويبقوا مش عايزين يسيبوا بعض فيها ايه لو سابوا بعض شويا من غير زعل وقعد كل واحد يحسبها هو ايه موقفه وايه اللى بيعمله ده وممكن يضحى بايه ويعمل ايه ويكافح ازاى علشان يفضلوا مع بعض مدى الحياه
لان دايما الحبايب بيبقوا تايهين كل اتنين مع بعض مالهمش دعوة بحد ولا بالدنيا وفى الا خر يصحوا على الحقيقة المرة
بعيد ياشر انهم مش هيتجوزا او مش هيقدروا اوبابا مش موافق او الانفصال الخ لانهم بمعنى اصح بيبقوا خلصوا الحب كله
فالانسان هو اللى بيبدا الحب ده وهو اللى بينهيه
فانا شايف لو مسكن نفسنا شويا ونمسك مشاعرنا شويا علشان نطول عمر الحب ونحافظ عليه
نعمل لحبيبنا قيمه ولحبه قيمه تانيه

يمكن كلامى ده يبقى كلاسيكى او انتيكه فرأى بعض الناس وممكن يكون مش صح
بس على الاقل انا مقتنع بيه ومقتنع ان كلمه بحبك ماتتقالش للشخص اللى بتحبه علشان ما تفقدش قيمتها
وشكرا
اتمنى ماكنش طولت عليكم

ميرسي يا فله
انا معاكى برضه
نورتى الموضوع

بلاك نايت
ميرسي نورت الموضوع
وانا معاك ان كلمة بحبك متتقلش عمال على بطال
وربنا يهدى الجميع

الحب احساس جميل بس الحب فى الزمن ده زى ما انت بتقولى معظمه تفاهات والنصيب هو اللى بيكون فى الاخر.....انا رأيى من رأيك

ميرسي ميرو
نورتى الموضوع

انا عاجبني جدا رأي بلاك نايت و بجييك عليه لان فعلا الانسان اللي بيكابر او بيمسك نفسه عشان ميقعش ف الغلط بيبقي جواه حب و مشاعر اكتر من اي حد تاني
و دة مش غلط طول ما هو مقتنع ان في حب لكن اللي بينفي وجود الحب و انه عمره ما هيحب يبقي بيضحك علي نفسه
اما بقي بالنسبة لكلمة بحبك دي المفروض يبقي ليها ميزان خاص و ميزان تقيل ف كفة الميزان دة حاجات كتير و كلها مهمة منها انه يكون بيحب الشخص دة عشان شخصه مش عشان اتعود عليه او عشان خارج من تجربة و عايز ينساها عن طريق انه يتخيل نفسه بيحب او اي سبب تاني لازم بردو يشوف ظروفه و ظروف الشخص التاني و دي تشمل المستوي الاجتماعي و الثقافي و التعليمي و المادي و غيره
و مدي توافق الشخصيتين مع بعض لان مش شرط ان اي اتنين كويسين يكونو متوافقين
شوف بقي الحسبة دي كلها لو رجحت كفة الحب يبقي ساعتها تقدر تقولها بجد و هتقلها بعد كدة بأفعالك و مش لازم كل شوية تتقال لانك ممكن تسمعها مرة واحدة بودانك و تجسها باقي عمرك من غير كلام
معلش ع الاطالة ه كل الشكر لعاشقة الالسن

شكرا ايجبت على المجامله ده ومعلش طولت عليكوا

دي مش مجاملة يا بلاك نايت لان رأيك فعلا عاجبني و علي فكرة مش بحب اجامل
و كل سنة و انتم طيبين

ميرسي ايجيبت وبلاك نايت
نورتو الموضوع

االحب الحقيقي هو حب الواحدة للشخص اللي هتكون حياتها معاه غير كدا دا اسمه لعب عيال وكلام فاضي