سجاير و لا شيشة ؟؟؟؟؟؟؟؟؟؟؟

بتشرب سجاير و لا بتشرب شيشة؟؟؟؟؟؟؟؟
انا بقي مش جاية اقولكوا اد اية خطر السجاير و مش جاية اقولكو انها حرام شرعا
السؤال اللي فات دة رغم انه غلط بس هو عادي و بنسمعه كتير لكن لما يبقي السؤال كدة
بتشربي ي ي ي سجاير و لا بتشربي ي ي ي شيشة؟؟؟؟؟؟؟؟؟؟؟!!!!!!!!!!!!!!!!!
يبقي السؤال غريب جدا بصراحة مش عارفة اقول اية
ظاهرة تدخين البنات بتزيد يوم عن يوم لأ و مش بنات بس لأ و كمان ستات سبحان الله
و مبقتش بتتشرب في الحمامات و من ورا الاهل لأ دي بقت حاجة عادية خااااااااالص عادي يعني
مش قادرة استوعب
و المفروض اننا نسمي دة تطور و انفتاح رغم انه منتهى التخلف
تلاقي دلوقتي البنات و الستات قاعدين(بلاش اقول قهوة عشان دي كلمة بلدي شوية علي حد تعبيرهم)علي الكوفي شوب و طالبين الشيشة و عمالين يمخمخوا و يشدو النفس و لا اجدع راجل
اكيد دي من بنود المساواة بين الرجل و المرأة
عشان نبقي متقدمين علي الرجالة في كل حاجة مش كدة؟؟
لأ و اللي يزيد الطينة بلة ان الاب او الزوج اللي هو المفروض راجل البيت قاعد بيشرب شاي و بقرا الجرنان و بيقول لكل الناس
يا جماعة انا سايب مراتي و بنتي براحتهم خاااااااااااااااااااالص دة لأني رب بيت ديموقراطي و دي اصلا حرية شخصية(اصل كل حاجة غلط بنعملها بنسميها حرية شخصية) اية اللي يخلي بنات و ستات زي دول يعملو كدة؟؟؟؟؟؟؟؟؟ !!!!!!!!!!
اكيد اول حاجة ان في راجل او رجالة في البيت بتعمل كدة ممكن يكون الاخ او الاب او غيره
طيب انتي فين دينك من اللي انتي بتعمليه دة؟و لا بلاش طيب انتي فين برستيجك و انتي قاعدة زيك زي المعلم بالضبط؟
و لا بلاش منظرك اية قدام ولادك يا مربية الاجيال؟
و البنت ازاي تفتح بيت و هي مش قادرة تتحكم في نفسها و تضبط نفسها يبقي دي هتقدر تحكم بيت كامل؟
ولا انتي بقي مش ناوية اصلا تفتحي بيت عشان نفضلي حرة نفسك و ماشية كدة ورا شيطانك و الفكر الشاذ اللي في دماغك؟
يا ريت بس الناس تفكر و تخلي بالها ان دي بداية النهاية
اصل البداية سيجارة و النهاية خساااااااااااارة
و حدث و لا حرج عن النتائج
انا كنت بتكلم و انا زعلااااااانة و محدش يزعل مني لأني بتكلم وانا غيرانة علي كل بنت و كل ست و كل اب و كل اخ بدأو يختفو و مش هيرجعو تااااااني
اتمني ان كل واحد يخلي باله من تصرفاته و يحسبها صح قبل فواااااااات الاوان

موضوع رائع فعلا واصبح ظاهرة منتشرة

ربنا يهديهم
و يهدى كل شباب وبنات المسلمين
الف شكر يا حبيبه مصر ع الكلااام الرائع ده

الف شكر ليكى على الموضوع الرائع دة فعلا دى حاجة منتشرة اوى
بس هى موجودة فى مناطق ومش موجودة فى مناطق تانية يعنى مثلا المنيا مش موجودة الظاهرة دى
ربنا يهديهم
وشكرا ليكى

مش بعيد كمان نسمع على بنات

بتشرب بانجو وحشيش

ياااااااااااااااااااااااااااااااااارب اهدى كل البنات

ميرسى يا ايجيبت على الموضوع

بشكركم علي الرد الجميل
و بالنسبة لميوي ان الحكاية دي مش في المنيا واحدة واحدة هتبقي فيها لو الناس مفقتش من اللي هيا فيه دة
و بالنسبة لروكا في بنات بتشرب بانجو وحشيش يعني احنا سامعين كدة من زمان مش لسة هنسمع
بشكركم علي الردود مرة تانية و ربنا يهدي الجميع

والله فعلا
انا ملاحظ ان الموضوع ده انتشر بين كثير من البنات في مجتمعنا المصري
علي سبيل ان المرأه بتساوي الرجل
واللي يعيش ياما يشوف

واوعوا تغيروا المحطه

متشكرة علي ردك يا احمد و فعلا اللي يعيش ياما يشوف

الحكاية دى فعلا يمكن منلاحظهاش فى الصعيد لكن هى منتشرة خالص فى وجه بحرى خاصة فى القاهرة والاسكندرية

بشكرك علي الرد يا مصطفي
و بعدين طالما الحكاية دي بدأت يبقي اكيد هتنتشر في مصر كلها
ربنا يحفظنا احنا و جميع المسلمين
بشكرك مرة تانية

ميرسى ايجيبت على موضوعك الحساس
بس مش اعتقد ان اللى بيعمل كده بيعمل عند ومساواة فى الراجل
لانه لو كده
طيب ما تساوونا فى الجيش
ما تساوونا فى حاجات تانية كتير
لالالالا
الحكاية مش كده خالص
وميرسى ليكى على الموضوع

بشكرك علي الرد يا سيتو
و بعدين دة من ضمن الافكار اللي ساعات بتخلي البنات تشرب سجاير او شيشة يعني من باب المساواة بينها و بين الرجل في الرجولة او ممكن تقول ان في ناس شايفة دة من الرجولة او من قوة الشخصية انا يمكن مقدرش اوصلك فكرهم بس دة سبب من الاسباب مش السبب الوحيد
بشكرك مرة تانية علي المداخلة ويا ريت تقلي هو اية الدافع اللي ممكن يخلي البنت تشرب سجاير؟

اول حاجة ممكن تفكر فيها
انها تجرب
تانى حاجة
ممكن تكون عايزة تحس ان مش عليها قيود
تالت حاجة
اعتقاد خاطئ عندها ان اللى بيشرب سجاير
انسان ناضج
دا كل اللى فى دماغى
بس اعتقد ان اللى يجاوب على السؤال ده افضل
واحدة تكزن شربت مش انا

شكرا علي مداخلتك دي يا سايتو و ربنا يهدي الكل