ماذا لو صادفتـ حبكـ القديمـ ...؟!؟

اولا البعيد عن العين بعيد عن القلب
وثانيا انتي مش موضحه الاسباب اللي خلتهم يبعدوا عن بعض
وثالثا اكيد الظروف منعتهم من ان هما يكملوا مع بعض فازاي هايرجعلها تاني
ورابعا ما يمكن هي حبت غيره
وخامسها ما يمكن هو يكون حب غيرها
وحاجات كتير لازم تكمل في سؤالك يا فله عشان نعرف نجاوب عليها

واوعي تغير المحطه

اولا شكرا يا ايجبت انتى فهمتى قصدى صح


ثانيا احمد انا بتكلم للبنت وللشاب انت مثلا كنت بتحب واحدة وانتهت العلاقة مثلا بالفشل

وفجاة بعد سنين شفتها صدفة ايه شعورك وانا بحكى هنا لو انت مكنتش لسه ارتبط بغيرها

بس طبعا حبك ليها كان كبير هل هتحن ليها وتحاول تصلح الى كان وترجعوا تانى ولا لا

هتختلف فله لو كانت الاسباب الى ادت للانفصال كانت غصب عننا احنا الاتنين هحن بس لو كان الاسباب انوا كان بيتسلى و خلاص عمرى ماهحن و اعتبره ماضى او بردوا اذا كنت لسه بحبه و لا لا لو بحبه اكيد هحن بس لو لو لا يبق خلاص هبصله من باب الفضول مش اكتر

ستحيا داخلى زكريات الماضى للحظات سوف تموت تلك اللحظات لانك فى ذلك الوقت تعطى كل حياتك و حاضرك ومستقبلك لحبيبتك التى معك ف الزكريات كتاب العاشق الذى انهى كتابته بدموعه و احزانه سيتذكره للحظات لانها احلام الماضى الذى طواها الحاضر

اولا شكرا يا فله ع الموضوع الجميل دا بصي الموضوع دا بيعتمد اول حاجه ع الظروف اللى خلت العلاقة تنتهى لو كان الشخص اللى انا ارتبط بيه كان نهاية الموضوع انو هوا ظالمنى او هوا اللى غلطان وانا ارتبط بشخص اخر غيره اكيد مش هارجه للماضي غير لثوانى اما اذا كانت ظروف انتهاء علاقة الحب دي اقوى مننا وماكنتش ارتبط بحد تانى غيره مثلا اكيد هافكر في الماضي لوقت اطول بس اكيد الحب الأول بيكون اقوى حب في حياة الأنسان وخصوصا لما يكون صادق وميرسي مره تانيه ليكي
بس ما عرفناش درك انتى كمان؟؟؟؟

ياقوة قلبك ياكنج طيب وافرض مافيش معاك حب جديد
شكرا كلامك طبعا جميل

اولا شكرا على مرورك الجميل
ثانيا انا لو قابلت حبى القديم وكان معايا حب جديد هيكون نفس الكلام اللى قلته من الاول
ثالثا لو شفت مره حبى القديم لازم اكون عامل حسابى انه من الممكن يكون لقى حب جديد
رابعا لو شفته من عينيه و من كلامه و من احساسه انه لسه بيحبنى هعيش مع حبى القديم احلى ايام حياتى لانه هيكون حب متجدد

اكيد هيكون فى نظرة فضول وحنين للماضى مهما كانت اسباب الانفصال لان دى حاجة خارج ارادة الانسان لكن التصرف هيكون مختلف على حسب الاسباب يعنى لو كانت هى السبب وبارادتها اكيد هيكون فى محاولة تجاهل ليها مهما كان الحنين والشوق ليها

والله ده يتوقف على حسب سبب انتهاء علاقتنا لو هو ظالمنى اكيد هتجاهله تماما وممكن ابصله باحتقار كمان ومش هعبره اما لو الظروف كانت اقوى انا من جوايا هفرح انى شفته بس ممكن احس بالحزن اوى اوى اننا بعدنا عن بعض بس هفرح لمجرد انى شفته مش اكتر بس من جوايا هبقى نفسى اجرى عليه واكلمه وفى النهاية يارب متفرقش اى اتنين بيحبوا بعض بجد واجمع كل اتنين بيحبوا بعض على خير لان الفراق صعب اوى اوى اوى