.::الرجال يفضلون السمراء الذكية::.

الرجال يفضلون السمراء الذكية

وجد باحثون في جامعه سيتس بلندن ان الرجال العصريين يحبون الذكاء والعقل الكبير المنفتح وهو ما يميز السمراوات بصورة أساسية ولاحظ هؤلاء في درائتهم بشأن العلاقه بين لون الشعر ودرجه الجاذبيه أن 51% من الرجال يعتقدون أن السمراوات اكثر جاذبيه من الشقراوات !

وأظهرت نتائج المسح الذي شمل 1500 رجلاً عُرضت عليهم ثلاث صور لعارضات بشعر اشقر واحمر وداكن
,أن 81% من الرجال وصفو السمراوات ذوات الشعر الداكن بالذكاء والذهن الحاد فيما وصفهن 61% بالاستقلاليه والاعتماد على الذات .
وأكد 62% منهم من أنهن اكثر استقلاليه من الناحية العاطفيه واكثر قدرة على التنافس في حين وصف 40% منهم الشقراوات بعدم الاستقلاليه والحاجه الدائمه الى الاخرين ويرى 63% أنهن لطيفات وحميمات فيما سجل 59% أن صاحبات الشعر الاشقر اكثر انفتاحاً.

وأشار الخبراء الى ان الشعر الاشقر كان عبر الزمن من اكثر المظاهر الجذابه للرجال الذين كانوا يعتبرونه رمزاً للجمال والشباب ولكن مع تطور دور المرأه في المجتمع تغيرت توقعات الرجال وأنطباعاته عنها فصار اكثر انجذاباً للذكيه والراقيه في التفكير والاحساس ويرى العلماء أن الوان الشعر قد تعطي فكرة ايضاً عنالخبرة الشخصيه والعاطفة والتجربه والحكمه والثراء .

في الختام احب ان اسأل سؤالي هل انت معهم وبأي نسبه تتفق معهم ............

لكم ودي

هههههههههههههههههه
لا طبعا مش معاهم
اصل الذكاء مش بالشكل
زى مافى ناس سمر ذكيه فى ناس بيض بردو ذكيه دا غير مرتبط بدا اطلاقا
العمليه كلها تبق من الشخص نفسوا لو هى عايزه تبقى زكيه هتبقى لكن لوماكنتش عايزه فدا حرية شخصيه ليها

ههههههههه انا مش معاك خالص الذكاء بيختلف من شخص لشخص مش بالالوان اكيد فى سمر ذكيه و فى بيضه زكيه مالهاش علاقه خالص غريب جدا الكلام ده

على فكرة يا جماعة الذكاء مالوش اى علاقة
بالسوار او البياض

وانا بعارضك يا مى فى جزئية معينة اتكلمتى فيهلا فى اطار الموضوع ده
وهى ان مفيش حد بيختار انه يبقه ذكى او غبى
لان الذكاء هبة من الله تعالى
لكن ممكن يحاول انه يفكر كويس
مش يختار انه يبقه ذكى
وشكرا لرايك

der beste

وانا كمان معاكوا ان الذكاء مش يالالوان
شكرا ليك

مافيش اصلا حاجه اسمها حد زكى او حد غبى
بص الذكاء له انواع كتيره جدا
كل انسان بيبقى عنده نسبه معينه من نوعية زكاء معينه
ماحش غبى
ممكن تابع معايا موضوع انواع الذكاء فى قسم التنميه البشريه
ودا اللينك بتاعو
https://alsunawy.ahlamontada.com/montada-f29/topic-t2983.htm#22358

اكيد طبعا ان الذكاء ملوش علاقة بالمظهر دى حاجة من عند ربنا ممكن الانسان ينميها وممكن يقضى عليها

بعيد عن موضوووع الذكاء والغباااء
انا بحب جمال السمر عن جمال الشقر
بحس فى معظمهم بخفه ولذاذه اكتر من الشقر
اللى اغلبهم غلسين وتنكين
واكيد مش كلهم

انا احلى حاجه بشوفها فى البنت اللى شكلها مش قوى ان دمها خفيف و مرحه واجتماعيه اما البنت الحلوه الشقره بكون عايز اتكلم معاها عشان اعرف شخصيتها (مش بس اعرف شخصيتها) الاقيها تصرفاتها تصرفات اطفال واما عنها فهى تكون تنكه تناكه لا توصف انا اعشق المراءة الذكيه بغض النظر عن شكلها او جمالها بس اعشق اكثر المراءة الذكيه خفيفه الدم شكرا على الموضوع

شكرا ليكم يا جماعه على المرور
دا طبعا مش رأيي الشخصي ده كلام ناس عامله دراسه عن الموضوع ده

يمكن الكلام دة يكون صح و يمكن يكون غلط لأنهم عملو التجربة دي علي 1500 واحد يعتبرو قليلين جدا بالنسبة لعدد الرجال اللي في العالم
بس انا شايفة ان الجاذبية دي بتتكون من كذا حاجة مش بس من الشكل من الشخصية و الطبع و الاسلوب و حاجات تانية
اما بقي الذكاء دة من عند ربنا بس ممكن الانسان ينمي ذكاءه او يقلله
و في الاخر الانسان المفروض يقيم اللي قدامه علي اساس شخصيته مش بس علي اساس شكله
بشكرك علي الموضوعLegend
و عايزين نعرف رأيك في الموضوع دة؟

انا برضو بقول ان الذكاء ملهوش علاقه باللون

انا بشوف ان الدكاء مش بالشكل بس انا بفضل البنت الدكيه الطيبه سمرا ولاشقراء مش هتفرق