انت اخترت لية القسم دة .................؟

على اى اساس اخترت القسم بتاعك
لية اخترت المانى
ولية اخترتى اسبانى
ولية اخترت ايطالى
ولية اخترتى انجلش
ولو اتفتح قسم صينى فى الكلية ان شاء اللة على اى اساس طلبة سنة اولى تختارة
مين ندمان على القسم بتاعة
مين قال ان محظوظ عشان اخترت ................
مين قال ربنا يخلى مسجل الكلية
مين بيدعى علية

كلهم بيقولوا ياااااريتنا دخلنا ايطالى
عارفين لية طبعا
وياريتنا مدخلنا المانى وانجليزى عارفين لية

عايز اشوف ارائكم بكل صراحة

موضوعك حلو اوى بجد بصراحه انا فى الاول كنت هختار قسم الالمانى عشان اصحابى كلهم فيه بس بعد ما دخلت قسم انجليزى و خدت الالمانى للغه تانيه عقدنى الاربع سنين و شكرت ربنا انى اخترت انجليزى و دخلت القسم ده الحمد لله و انا كنت مرتاحه فيه و قسم كويس اوى ودكاتره كويس برغم انوا مش زى باقيه الاقسام زى ايطالى و اسبانى و بحس انهم مرتاحين اكتر بس شكرت ربنا فعلا انى دخلته و شكرا ع موضوع جميل

شكرا ياداليا على مرورك

أنا بقى دخلت ألسن وأنا معرفش ايه هي السن
أنا شهاده معادله من السعوديه وأي واحد شهاده معادله بيكتب كل الكليات من طب لدار علوم
ألسن دي كانت الرغبه 24
زعلت جدا لما دخلتها وكنت مخنوق قوي
دخلت ايطالي طبعا على حيب مجموع اللغات وبما اني كنت كاره الكليه سبت السنه ودخلتش الامتحانات
حولت السنه اللي بعديها ألماني هتقولي ليه هقولك معرفش
والحمد لله اهي بتعدي وبقالي 5 سنين في الكليه ولسه مخلصتش والبقيه تأتي
بالنسبه بقى لدكاتره انا مش هقول حاجه عشان اي حد يعرفي هيعرف ليه
بس الكلية بتتغير ( زي ما مصر بتتغير بالظبط )

وربنا يوفق الجميع ويجعله عامر

انا دخلت قسم المانى لان اخويه هو الى نصحنى بيه

بس هو القسم حلو اوى لانه على الاقل بناخد فيه كتب

باقى الاقسام بيطلعوا عنهم فى تصوير الورق

شايفة دكاترته دمهم خفيف وطيبيين

وحاسه انها لغة مميزة عن باقى اللغات الاتينية

شكرا roqa

ميرسى يا ياسو ويا فلة على مروركم

بص يا عم روكه
انا دخلت القسم ده لانهمميز بعض الشى عن باقى الاقسام
وده بصراحه شديده جدا
ده بالاضافه عن حبى لالمانى من الصغر
وحبى للسفرواتمنى ده يحصل من خلال القسم ده
العشرى008
لا ندعى التميز ولكن نسعى اليه

بص يا عم طارق
انا دخلت المانى
علشان سمعت ان شغله حلو وكتيييييييييييييييييييييير
واتضح عكس ذلك
وشكرا ليك

ميرسى يامدحت وشكرا ليك

يس على الاقل انا طلعت باصحاب كويسيين
العشرى008

انا دخلت قسم اسبانى بالصدفة كنت بكرهه اوى فى الاول ولكن بالنسبة لى حاليا احسن قسم فى الكلية كلها

ميرسى ياعشرى ويا شيليستينا على مروركم

بصراحة اخترت قسم المانى عشان هو اعلى قسم فى الكلية

انا كنت حيرانه بين المانى واسبانى فى الاول
كنت مطلعه انجلش و فرنساوى من دماغى نهائى
عشان انا مش داخله السن عشان اخد لغه عاديه
يعرفوها كل الناس....وفيه اداب و تربيه انجلش و فرنساوى
طيب ايه اللى هيفرق انك السن؟؟؟؟
وايطالى لذيذ قوووى وقريب من الاسبانى فى اللغه وفى خفته كده
بس ما كنتش عايزاه عشان الدفع بتاعت ايطالى كل سنه بتكتر
وعلى سنتنا كانت كبيره قووى
وانا مش بحب الدفعه تبقى كبيره

اتبقى مين؟؟؟
المانى واسبانى
المانى كنت عايزه ادخله عشان كان كل الشعب داخله
وعشان كان اعلى قسم
و عشان كانوا بيقولوا ليه مستقبل حلو
وعشان المتحف الالمانى اللى بيقولوا هيفتحوه ف المنيا ده

وما كنتش عايزه ادخله عشان الدفعه برضه بتبقى كبيره جداااااااااا
وعشان اللغه نفسها غتته والالمان غتتين(سورى يعنى)


اسباااااانى
كنت عايزه ادخله عشان الدفعه بتبقى صغيره
و اللغه لذيذه وعسوووله وخفيفه كده
بعد ما صليت استخاره كتيييييير
كتبت المانى وعلى اخر لحظه حولت اسبانى
الحمد لله


انا الحمد لله محظوظه انى دخلته والحمد لله بحب قسمى قوووى
بحب الدكاتره المحترمييين قووى اللى فيه
واديكوا شوفتوا دكتور سيد قد ايه هو ذوق واخلاق

ممكن يا روكا بتوع اولى يدخلوا صينى على اساس انه هيكون قسم فااضى
هبهتموا بيهم اوى وهياخدوا منهم معيدين كتير

و ميرسيه اوووى على موضوووعك .....واسفه ع التطوووووووووووووووووويل

انا اخترت الماني لانه قسم له مستقبل واللغة الالمانية مطلوبة في كل مكان ولانه كان اعلى قسم في الكلية وقتها
شكرا ليك على الموضوع الرائع

ميرسى يالولى ويامودى ويانايل على مروركم

انا دخلت المانى كالعادة على حسب نصائح الاخريين على اساس انه قسم ليه مستقبل وشغله كتيير لكن انا اكتشفت انه مش احسن قسم ولا حاجه لان بيدرس فى لغات وترجمة وعدد الطلبة كتيير فيه

ميرسى يادرش
شكرا على مرورك

ميرسى ياايجبت على مرورك
نورتى الموضوع

فاكره يا هندووووووز
لما قلتللك ادخلى اسبانى معايا

لا انا لو رجع الزمن بيا تانى
هدخا اسبانى برضوو بس كنت ساعتها هجبرك انك تدخلى معايا

قولوا الحمد للة
وبوسوا ايديكم شعر ودقن
ميرسى على مروركم الجميل ياايجيبت ويانودى

انا جامعه عين شمس ممكن اشارك؟؟؟؟؟؟؟؟