| مكتوب 8 | |
|
|
كاتب الموضوع | رسالة |
---|
GREENHEART عضو جديد
عدد الرسائل : 497 العمر : 42 تاريخ التسجيل : 06/03/2008
| موضوع: مكتوب 8 الخميس 12 يونيو 2008, 15:54 | |
|
طائر معرفش ليه شكل ولا منظر بتمنى اكونه بجناح كبير وقلب اخضر مساه رضا وصباحو شهد مكرر مابيشغلوش نصيب ولا مقدر بتمنى ترحاله من مكان لمكان بتمنى راحة باله من بكره ومن الزمان بتمنى بيته فوق الجنايين وبين الغيطان بتمنى رقته الي ماشفتهاش في انسان ادعي وانا في السما السابعه واصلي شكر اليوم ميت ركعه ادوق براح دنيته جنته الواسعه ورزقي موجود مجرد ان انا اسعى احضن اول عنقود مطر بكر واطير فوق الميه مسافت شبر اروح للشمس اصحيها تقوم للفجر واهادي كل الي فسكتي رحيق ورد ونسايم عطر واغني غنوتي الفرحانه طول العمر ماشتكيش ومسألش وماتسألش كافي خير شري مابتحوجش مابفكرش فالجاه ولا فالقرش راضيني الي خالقني وغيره انا مابعبدش ابني بيتي فوق توته اشرب نقطه واكل فتفوته واعيش حياه بسيطه صغنطوطه لا تبقالي قصه ولا حدوته شبعان بغني جعان بغني مفيش هم مفيش تمني مفيش يأس يتمكن مني زي مايكون يكون انا متهني اروح مولد الربيع واركب مراجيح الريح ارقص فالهوى بلدي واعمل مزاج تفاريح واتوضى بالندى واستغفر عند كل ضريح واتفرج على دنيا البشر الديابه والمجاريح احب واعشق بمنتهى الامان واشبك حبيبتي بحبة قمح وعود ريحان وقصري يبقا قشه حنيه وقشه حنان واخليها اميره على اجمل بستان اشوف ملايكه على هيئة طيور والمس جناحهم يمكن يلمسني نور الون ريشي بالحنه وارقي نفسي بالبخور طالت ولا قصرت مش خايف لو جه عليا الدور فارد جناحي في الفضا كما لو شراع عايش في بحر السما بدون صراع معرفش الفراق معرفش الوداع احلامي ايامي مفهاش اوجاع العالم بتاعي كله امن وسلام وبيني وبين الطبيعه محبه وانسجام ازيح الهوى سنه يوصلني أوام خاتم سليمان انما من غير جن ولا خدام قد ايه اتمنيت وبتمنى من اول ماجيت وبستنى يا اكون طائر با الدنيا تكون جنه
جرين هارت
عدل سابقا من قبل GREENHEART في الأحد 15 يونيو 2008, 11:09 عدل 1 مرات | |
|
| |
fulla_flower مشرفه
عدد الرسائل : 3720 العمر : 35 المزاج : coOol العمل\الترفيه : Germanistik تاريخ التسجيل : 10/03/2008
| موضوع: رد: مكتوب 8 الخميس 12 يونيو 2008, 16:10 | |
| وانا كمان بتمنى اكون طائر بتجنن القصيدة ياجرين هارت كتير حلوة احلامك الرقيقة وامانيك البسيطة راحة البال..... الحرية....... الهدوء..... الله يناولك اياهم حتى لو بالاخر احنا انسان | |
|
| |
seito عضو جديد
عدد الرسائل : 1878 العمر : 35 المزاج : الحمد لله العمل\الترفيه : المفروض طالب \الكورة والنت والرسم والغناء تاريخ التسجيل : 09/03/2008
| موضوع: رد: مكتوب 8 الجمعة 13 يونيو 2008, 16:27 | |
| الله بجد رائعة يا عم جرين وعلى فكرة وحشتنى ويا رب يوفقك فى امتحاناتك وعجبتنى فيها الحتة دى متهيالى حسيتها اكتر من الباقى احب واعشق بمنتهى الامان واشبك حبيبتي بحبة قمح وعود ريحان وقصري يبقا قشه حنيه وقشه حنان واخليها اميره على اجمل بستان على العموم شكرا على الموضوع ومستنيين الباقى | |
|
| |
moz_a عضو جديد
عدد الرسائل : 1666 العمر : 34 المزاج : جاااااااامد اخر حاجة العمل\الترفيه : طالب بكلية التجارة جامعة القاهرة تاريخ التسجيل : 02/04/2008
| موضوع: رد: مكتوب 8 الجمعة 13 يونيو 2008, 22:36 | |
| بجد راااااااااااائع يا جرين هارت كل مكتوب مختلف عن اللى قبله شكرا يا باشا | |
|
| |
GREENHEART عضو جديد
عدد الرسائل : 497 العمر : 42 تاريخ التسجيل : 06/03/2008
| موضوع: رد: مكتوب 8 الأحد 15 يونيو 2008, 11:18 | |
| الف شكر يا فلة المنتدى انتي بجد انسانه رائعه وديما بسمع منك احلا كلام ربنا يخليكي لينا وينولك الي فبالك قولي امين | |
|
| |
AL_Administirator Admin
عدد الرسائل : 3577 العمر : 35 المزاج : شغاال العمل\الترفيه : طالبة على قد حالى تاريخ التسجيل : 03/12/2007
| موضوع: رد: مكتوب 8 الثلاثاء 17 يونيو 2008, 03:53 | |
| والله مالاقيه تعليق اقوله لان كل الى عندى خلصته فى المكتوبات الى قبل كدا وفعلا كلمة رائعه قليله عليها اوى | |
|
| |
GREENHEART عضو جديد
عدد الرسائل : 497 العمر : 42 تاريخ التسجيل : 06/03/2008
| موضوع: رد: مكتوب 8 الأربعاء 18 يونيو 2008, 16:46 | |
| سايتو الجميل واحشنييييييييييي كتير ربنما يخليك يا حبيبي يارب وشكرا على كلامك الرائع
الف شكر يا كابتن موزا وربنا يقدرني واكون عند حسن ظنك | |
|
| |
GREENHEART عضو جديد
عدد الرسائل : 497 العمر : 42 تاريخ التسجيل : 06/03/2008
| موضوع: رد: مكتوب 8 الأربعاء 18 يونيو 2008, 16:57 | |
| ادمن انتي خلصتي كلامك في المكاتيب الي فاتت امال الي كتبهم يقول ايه وهتعلمي ايه لما تعرفي ان لسا في تاني ومش هستغنى ابدا عن ردك على مكاتيبي
شرفني مرورك الرائع | |
|
| |
Egypt المشرف العام
عدد الرسائل : 1825 العمر : 34 المزاج : الحمد لله العمل\الترفيه : طالبة ف رابعة الماني تاريخ التسجيل : 18/06/2008
| موضوع: رد: مكتوب 8 الخميس 19 يونيو 2008, 14:06 | |
| بصراحة كلام تحفة يا ريت ينفع يتحقق | |
|
| |
GREENHEART عضو جديد
عدد الرسائل : 497 العمر : 42 تاريخ التسجيل : 06/03/2008
| موضوع: رد: مكتوب 8 الجمعة 20 يونيو 2008, 14:02 | |
| شكرا ايجبت وشرفتيني والبيت بيتك في مركز الاستماع
حتى لو ماينفعش يتحقق يا ايجبت كفايا فترة الحلم الي الواحد بيعشيها وبتديه امل في الدنيا
شكرا ليك مره تانيه وتابع معايا
مكاتيبي كتير ومش هتخلص | |
|
| |
Egypt المشرف العام
عدد الرسائل : 1825 العمر : 34 المزاج : الحمد لله العمل\الترفيه : طالبة ف رابعة الماني تاريخ التسجيل : 18/06/2008
| موضوع: رد: مكتوب 8 الجمعة 20 يونيو 2008, 14:57 | |
| عندك حق كفاية ان الواحد يحلم و احنا مستنيين باقي مكاتيبك الجميله | |
|
| |
GREENHEART عضو جديد
عدد الرسائل : 497 العمر : 42 تاريخ التسجيل : 06/03/2008
| موضوع: رد: مكتوب 8 الثلاثاء 08 يوليو 2008, 06:04 | |
| ربنا يخليك يا ايجبت وانشاء الله قريب جدا مكتوب | |
|
| |
Egypt المشرف العام
عدد الرسائل : 1825 العمر : 34 المزاج : الحمد لله العمل\الترفيه : طالبة ف رابعة الماني تاريخ التسجيل : 18/06/2008
| موضوع: رد: مكتوب 8 الثلاثاء 08 يوليو 2008, 06:30 | |
| و احنا مستنين يا جرين و دايما كدة في تقدم و تألق | |
|
| |
| مكتوب 8 | |
|