أل معندناش جمهور

ودول بقى نسميهم ايه

ودى أول وأجمد دخله ماتش اتعملت فى مصر
أل معندناش جمهور 211

مش مصدق ! لآ صدق
أل معندناش جمهور 311

ده بقى حصن جماهير الزمالك الوفيه
أل معندناش جمهور 411

متهيألى ده استاد القاهره
أل معندناش جمهور 510

أدينا بنشجع ، ورانا ايه , ورانا ايه
أل معندناش جمهور 610

سيظل علم الزمالك مرفوعاً
أل معندناش جمهور 710

فى كده فى الدنيا
أل معندناش جمهور 810

يانهار ابيض
أل معندناش جمهور 910

ولا نص كلمه
أل معندناش جمهور 1010

فتح عينيك
أل معندناش جمهور 1110

وبحبك يا زمالك
أل معندناش جمهور 1210

على الزمالك التاريخ يقدر يقول ما شاء
أل معندناش جمهور 1310

انا الزمالك عندى احلى واجمل الاشياء
أل معندناش جمهور 1510

الصوره بتتكلم عربى
أل معندناش جمهور 1610

النصر يازمالك
أل معندناش جمهور 1710

برضه زملكاوى
أل معندناش جمهور 1910

التراس الزملكاوى
أل معندناش جمهور 2010

نو كومنت
أل معندناش جمهور 2110

without u forever
أل معندناش جمهور 2210

white knights
أل معندناش جمهور 2310

زملكاوى فى كل مكان ، حتى فى أميركا
[/size][/b] أل معندناش جمهور 2410

حتى ملوك السله

مهما يقولوا ، بنحبك يا زمالك

بينى وبينك ، حب حقيقى ، حب بجد ، أصلى بحبك ، حب محدش حبه لحد ، وأنت الغالى اللى بقالى سنين بهواك ، ياما فرحنى ، وياما زعلنى ، وبرضه معاه ، ولوحدك أنت بس ، بخلصلك أنت بس ، أسمع أسمك ، أشوف علمك ، يهمس قلبى همس ، وبحبك يا زمالك ، أنا بحبك يا زمالك ، وأموت فيك موت
على الزمالك التاريخ يقدر يقول ما شاء ، أنا الزمالك عندى أحلى وأجمل الاشياء ، بحبه لما يكون بطل ، وأحبه لو كان مش بطل ، بشجعه مهما حصل أافضل من العشاق ، وبحبك يا زمالك ، أنا بحبك يا زمالك ، وأموت فيك موووووووووووت

صور ز يع
احسن جمهور احسن تشجيع

طبعا جمهور الزمالك افضل جمهور في مصر

ادخل علي موضوع مبروك للزمالك و اكتب رسالة شكر للجماهير الوفية

ههههههههههههههههه
حلو قووووووى رفع الروح المعنويه ده
بس ماتنساش يوم الستة كل ده
كان يا عينى بيبكى فى بيته

حلوه اوى كلام امال جمهور ده كان فين لما اتغلبتوا سته و لما اتغلبتوا رايح جاى بقلوكم 4 سنين الجمهور الوفى الى يقف جمب فريقه حتى فى ظروف الصعبه زى جمهور الاهلى ما بيعمل بلظبط طول الوقت واقف مع فريقه و لسه و كل كلام ده ظهر دلوقتى عشان كاس مصر تخيل هو ده طموحات نادى الكبير و مش مهم حتى باقى بطولات لو طمحتوا فيها هتلاقوا المارد الاحمر

بقول مبروك للآهلى الدورى وللزمالك الكأس ، وبشكر كل اللى أتكلم كلمه كان عايز يقولها وقالها وارتاح ، وكنت متخيل انى هلاقى تهنئه من الاهلاويه فلاقيت تجريح ، مما يدل على مدى الروح الرياضيه التى يتمتع بها جمهور الاهلى ، اللى لما بيلعب بأسم مصر بشجعوا كأنى بشجع مصر ،شكراااااااا ،

to seito
مكدبش عليك أى جمهور فى الدنيا لما فريقه بيكسب بيقرح ، ولما بيهزم بيزعل ، وزى ماقولت اننا كنا زعلانين فى ماتش 6/1
أكيد انتو برضه كنتو زعلانين فى ماتش زى النجم الساحلى 3/1 ، المهم يكون عندنا روح رياضيه، ودى حاجه طبيعيه نكسب نفرح نتهزم نزعل ، بس ايه الفيصل
انى بحبه لما يكون بطل وبحبه لوكان مش بطل ، بشجعه مهما حصل

to daila
بقولك ان لكل جواد كبوه ، وكبوه الزمالك انتهت ، وأوضح لكى انه الهدوء الذى يسبق العاصفه
وبقولك بعد الشر وبعيد كده يعنى لما تقعدى كده كام سنه منتجحيش وبعدها تنجحى ، أكيد هتفرحى جداً ياداليا بنجاحك ده ، ومش كأس مصر هوه اللى هيفرحنا بس بالرغم من اننا غلبنا انبى اللى غلبكم 3/0 وخدنا الكاس اللى طلعتو منه من الدور64 على يد بترول اسيوط ، صح ولا لآ ، دايما لما نيجى نتكلم نتكلم عن واقع ، نتكلم عن نفسنا احنا ، ومنعلقش اخطائنا على غيرنا ، اوكى

انا اتولدت لقيت نفسى زملكاوى وجدى كمان زملكاوى يمكن لانى مرتبط بجدى أكتر من وانا صغير ، جدى دايما يقولى وانا صغير الاهلى بيكسب اه بس مغرور فى فوزه وعلمنى معنى الغيره وازاى اتكلم بس مجرجشى حد وان الحقيقه مش هتزعل حد ، بس أخويا التوءم أهلاوى جدأ ، تخيلوا توءم واحد زملكاوى والتانى اهلاوى البيت بيبقى عامل ازاى لما يكون فيه ماتش اهلى زمالك وكمان اخويا الكبيرأهلاوى بس دلوقتى فى جده ، لما الاهلى مش بيكسب برن عليه الاقيه قافل الموبيل ، اما باقى البيت ملوش فى الكوره أصلآ ، مقدرشى اكون أهلاوى ، مش عارف ، حاجه فسيولوجيه كده انت اتولدت بيها متقدرشى تغيرها ، وهعمل ايه ، يمكن مش راضى عن الفتره اللى فاتت ، بس برضه زملكاوى ، زملكاوى حتى النخاع ، حلوه حتى النخاع دى ، والايام جايه نكسب عايشين ، نخسر برضه عايشين الدنيا اهى ماشيه مش هتفرق كتير وعلشان كده لما الزمالك بيكسب او الاهلى بيخسر مش بفرح اوى ولما الزمالك بيخسر او الاهلى بيكسب مش بزعل اوى ، هيه دى طريقتى فى الحياه ، نسيت اقول مبروك للآهلى الدورى ، بس خلاص كده انا خلصت، ،

مبروك ليك يا زمالك

بينى وبينك ، حب حقيقى ، حب بجد ، أصلى بحبك ، حب محدش حبه لحد ، وأنت الغالى اللى بقالى سنين بهواك ، ياما فرحنى ، وياما زعلنى ، وبرضه معاه ، ولوحدك أنت بس ، بخلصلك أنت بس ، أسمع أسمك ، أشوف علمك ، يهمس قلبى همس ، وبحبك يا زمالك ، أنا بحبك يا زمالك ، وأموت فيك مووووووووووت

على الزمالك التاريخ يقدر يقول ما شاء ، أنا الزمالك عندى أحلى وأجمل الاشياء ، بحبه لما يكون بطل ، وأحبه لو كان مش بطل ، بشجعه مهما حصل أافضل من العشاق ، وبحبك يا زمالك ، أنا بحبك يا زمالك ، وأموت فيك موووووووووووت

أل معندناش جمهور 22225511

مبروك ياحلى زمالك فى الدنيا

ومهما زعلنا

ومهما حزنا

بيكون طعم النصر معاك

حاجة تانية

شكرا يامحمد موضوع رائع بجد

بس مش موضوع عارفه و لا بس عادى الخروج من كاس مصر فرق كتير خرجت من كاس سواء فى انجلترا او اسبانيا فعادى يعنى بس بردوا مافيش فريق بيتغلب من اتصالات و فرق غريبه كده بس ع عموم انا فرحت لما زمالك خد كاس مصر عشان دول اقوى فرق فى مصر و لا زم نشجعهم و يتقابلوا و الافضل هيكسب ان شاء الله الاهلى

بصى يا داليا مع احترامى ليكى

مفيش اى حد اهلاوى بيتمنى الزمالك ياخد بطولة

مفيش اى حد زمالكاوى بيتمنى الاهلى ياخد بطولة

دى غريزة جوا جمهور الزمالك والاهلى

ليا اصحابى قبل ماتش نهائى الكاس اهلاوية وقالولى احنا هنشجع الزمالك والكلام اللى بيقولوه الاهلوية بس بعد الماتش حسيت ان هما اللى اتغلبوا فى الكاس مش ممكن من جواهم كانوا هيموتوا من الغيظ وقالولى بعد الماتش انتوا محظوظين وانتوا خدتوا الكاس بالحظ والكلام الفاضى ده على العموم شكرا على روحك الرياضية بجد لو من قلبك

وان شاء الله بطولة افريقيا للزمالك بعد التعاقد مع الداهية الايطالى البرتو زاكرونى

والقاطرة الشرية جونيور مانويل اجوجو

ومازالت الصفقات تتوالى

بصوا بقى يا جماعة ..علشان مفيش حد يفهم غلط، ويقولي مين اللي بتتكلم معاك بالطريقة دي، أنا كنت ناوي أقول عنها حاجات كتير أوي..بس هي
استعجلت على نفسها
حاجة كده من الناس اللي من غير قناع ، يعني بتجيب م الآخر، بتتكلم بصراحه كده قوى ، مفيش حاجات مستخبية ،
انتى كويسه اه والله العظيم.. وكنت باكتب عنك بس انت استعجلتي

نخش فى الموضوع بتاعنا ، اللى لسه مخلصشى ، طيب ، زى بعضووو نكملووو
بصى باااااااا ، نسيت ، اه داليه

لو عادى الخروج من كأس مصر زى ما بتقولى ، يبقى بلاش تتكلمى عن كاس مصر
ولو هوه العادى الخروج من كاس مصر يبقى ايه اللى مش عادى ؟ الفوز بكأس مصر ؟ فكرىىىىىىى

ومتنسيش ان فريق الاتصالات اللى بتتلكلمى عنه دى فرقه فى الدورى الممتاز وبترول أسيوط للى غلب الاهلى دورى درجه تانيه
شوفى بقى انتى مين أحسن من مين

وهقولهاك تانى

لما نيجى نتكلم نتكلم عن واقع ، نتكلم عن نفسنا احنا ، ومنعلقش اخطائنا على غيرنا
أفهمك أكتر
لما تتلكمى اتكلمى عن الآهلى بتاعك ده ، متتكلميش زمالك كسب ، زمالك خسر ، لآ ، قولى اهلى كسب اهلى خسر
ومتقوليش علشان الاهلى مخدش الكأس ، يبقى بطوله ملهاش لزمه ، مع انكم كنتو حتموتو عليها
مع انو لو كان الآهلى خدها كانت حتبقى أعظم كأس دخلت النادى بتاعكو فى نظركو ، اوك

خلاويص فهمتى يا داليا ولا ، لسه

لا لسه مفهمتش بص انا مش معترضه ع ان زمالك ياخد كاس مصر و لا عشان هى مش هتفرق معايا انا كل الى قصدته ان الفرحه كانت اوفر مش اكتر بس بجد كاس مصر بطزله بس مش باهميه الدورى مش اكتر و عندك حق بترول اسيوط فريق درجه تانيه بس ماتنساش ان الاهلى لعب الماتش و كامن معظم لاعيبته مش موجوده مع المنتخب لماتش الارجنتين يبق ممكن نلتمس العذر لفريق بياخد كل البطولات من اربع سنين و لا ماغفرش ليهم موضوع ده انا مش بعبر عن راى انا بعبر عن اراء محليين كتير لو سالت مين اقوى فريق فى مصر هيقولك الاهلى و مبقولش الامتع كرويا بس المهم انوا الاقوىو بس مش اكتر و بجد انا مستنيه ماتش الى ما بينهم و ان شاء الله الاهلى يكسب بس ملحوظه مهمه اسمى داليا بالالف مش بالهاء لعلم بشئ مش اكتر

بصي يا داليا
انا اقولك الفرحة كانت اوفر ليه
فريقنا الزمالك اديلنا 3 سنين مش 4 زي مانتي بتقولي عشان دي السنة الرابعة وخدنا فيها الكاس مبياخدش بطولات والجمهور كله منتظر بطولة تفك النحس اللي ملازمنا من السنة اللي فاتت عشان كده الجمهور كانت فرحته اوفر بس انتي بتقولي ان بطولة كاس مصر مش مهمة زي الدوري احب اقولك ان بطولة كاس مصر هي اقدم بطولة في مصر يعني لازم تكون في اهمية الدوري و يمكن اكتر كمان بس اعلامنا الاحمر بيركز اكتر علي بطولة الدوري اللي الاهلي مستولي عليها بفضل الحكام و اتحاد الكرة الاحمر
وان شاء الله الفوز للزمالك في افريقيا
بعد التعاقد مع رمانة ميزان خط الوسط النجم ايمن عبد العزيز
وان شاء الله كل رد ليكي بلاعيب جديد للزمالك

ومازالت الصفقات تتوالي

بصى يا داليا بالآلف

أنا أسف ، مشكله الفهم دى مشكله شخصيه ، أنا مقدرشى أتدخل فيها

اوك اكيد متقدرش تدخل و اكيد فاهمها عشان مجربها المهم انا بشكر موز ع تعليقك و بجد انا مستنيه الماتش الى بين الاهلى و الزمالك و عشان نعرف الفرق بدل ما يكون كلام ع فاضى بس بردوا انا مصممه ع كلامى و البطولات هى الى بتحكم فى نهايه و كل كلامك ع الاعلام الاحمر اكيد فى اعلام ابيض بردوا و ع فكره هما اكتر من من اعلام الاحر بس مش ظاهرين و انت بتكلم ع لاعبيه و صفقات كله كلام فى الهوا اجوجو حتلى المدرب بردوا مجاش مافيش مصداقيه و ربنا يسهل احنا لينا الى زمالك

ِشكرا لداليا
تشجيعك للاهلى جميل ونحييه
ونشجيع رسمى وموزة للزمالك طبيعى
وزى ما قال موزة دى غريزة عند الجماهير مش هتتغير
لا بكلامك ولا بكلام رسمى وموزة
وعلشان متتعبوش دوروا على الارقام والاحصائيات
ولو طلعت فى صالح الاهلى وده شئ انا متاكد منه يبقى هو ده الحكم والفيصل
وبلاش كلام جرايد
واقروا الفيفا كاتل ايه عن الاهلى
ومعنى ان الاهلى خرج من الكاس فده شئ عادى مووووووووووت لان الكورة مكسب وخسارة
لازم النهاردة هتكسب وبكرة هتخسر
الاهلى كان ناقص كان كامل مش موضوعنا
وانا بحيى الروح الرياضية الموجودة دى
وبرغم تشجيعى الجامد جدا للاهلى انا برده بعترف بالزمالك
بس مش دلوقتى
انا بعترف بيه من زمان وعلشان الحق انا بعترف بيه كتانى فريق فى مصر
حتى لنا كان الاهلى فى اوحش حالاته
لان الواقع بيقول كده
فريق عنده منظومة
بيشتغل وفق خطة معينة
والجوهرى قال قبل كده انا النادى الاهلى هو الوحيد اللى فى مصر
اللى بيطبق مبدا الاحتراف وبنسبة 40%
اما الزمالك فى الوقت الحالى رئيسه بيديره على انه مشجع مش مسئول
وبغض النظر عن الصفقات
انا مش بتاع كلام
يعنى مش بفرح لما لاعب كبير زى احمد حسن وقع للاهلى
ليييييييييييييييييييييييه ؟؟؟؟؟؟؟؟
لان الواقع بيقول كده
الاهلى اخد بطولة افريقيا 2001
ولاعيبه كلهم متوسط الاعمار كان ما بين 20 و 21
يعنى من غير خبرة
من غير دوليين
وزى ما الزمالك بيجيب لاعيبه
الاهلى برده نفس النظام
ويمكن احسن
وزمان كان فيه معلق مشهور بتشجيعه للزمالك قال كلمة حق
الاهلى هو صانع الفرحة للشعب المصرى
وانا بقول من بعده
مصر فيها ثلاث حاجات
1.الاهرامات
2.النيل
3.الاهلى والمنتخب
اللى برده 85% من لاعيبته من الاهلى
فياريت اللى يتكلم يتكلم عن وعى وعن حقائق وارقام
لان الرقام مش بتكذب
وشكرا

شكرا ع تعليقك بجد تعليق محترم و انا مبسوطه اوى انى لاقت حد اهلاوى معايا و بيساندى مريسى تانى

امير عزمي مجاهد في الزمالك لمدة 4 سنوات

شكرا داليا عايزين ردود اكتر منك

ومازالت الصفقات تتوالي

انت متاكد ان امير جايه الزمالك لو يكون كلام فى الهوا زى اجوجو

ايه رايك فى اجوجو يا داليا ؟؟؟؟؟؟؟؟؟؟؟؟؟

والله اهلا بيه زى ماقولتلك و عاملوه مؤتمر صحفى و لا لسه عشان بس زمالك كلامهم كتير

لما صحيت الصبح النهاردة، كان عمي حسين صاحي وحاطط كرسي في البلكونة وواقف بيشرب شاي، عم حسين بيصحى كل يوم بدري أوي عشان يروح الشغل، بس النهاردة أجازة، وهو فاتح البلكونة، وقاعد مريح بقى، أمي تمللي تقول خناقة بتار ولا قعدة الراجل في الدار، بس عمي حسين لما بيكون قاعد معانا بقعد انا وهوه نتفرج على ماتش الاهلى والزمالك بس للعيال ، اه لعيال الحاره ، هما بيلعبوه كل يوم خميس ، عم حسين شاور على الحيطة اللي قدام البيت، كان مكتوب عليها الآهلى حديد ، ومكان الكلام اللي في وسط الحيطة شويه شخبطه كده ، سهير الرقاصة اللي بتشرب سجاير واقفة في البلكونة بتاعتها في أول الحارة، ناشره كل الهدوم الحمراء بتاعتها.
في الحارة العيال كلها واقفين يتكلموا على الأهلي، وأنا كل شوية أقول يلا ياد انت وهوه مش عارف أذاكر ، أجرى ياد خلى الآهلى ينفعك ، هوه بينى وبينكم انا مش هذاكر بس بحب اغلس على العيال بتوع الاهلى ، و الماتش بيبقى حلو دايماً.. العيال بتوع الاهلى الظاهر مستنين هناك، وسبعاوى أكبرواحد فيهم هما خمسة والولاد الكبار بتوع حارتنا أربعة ، والعيال بتوع الزمالك كان فيهم واد تخين أوي واسمر أوي والعيال ومسمي نفسه بيليه .. ، فريقنا ...قصدى الزمالك علشان طبعاً أنا زملكاوى ، كان فيهم أتنين لابسين جزم كاوتش من عند باتا، وصوابعهم طالعة منها، وباقي الفريق حافيين، والواد كرلس لابس الصندل الجديد برضه بتاع باتا، أول حاجة قبل ما الماتش يبدأ هما بيعملو الخيره .. اللي يعني يقف أكبر واحد فى الزمالك قصاد أكبر واحد فى الاهلى ويقولوا لبعض :
خيرنى
خرتك
وده علشان الارض الحلوه
اختار الارض يا حريف
وإحنا خدنا الأرض الحلوة
، بس سبعاوى بتاع الفريق التاني: قال لأ .. واحنا سكتنا
العيال بتوع الاهلى كانو بيغنو
بيب بيب الأهلي حديد
أهم أهم أهم
الشياطين الحمر أهم
ابيض يا أبو خطين
هتروح م الأهلي فين
زمالك حديد
الاهلي سيحو
قلم على قفاه من ايد بيليه الزملكاوى عدل لسانه تاني
واحد من العيال بتوع الزمالك سخن شوية وقال :
يا زمالك يا مدرسة
لعب وفن وهندسة
الواد غيبوبه عمل عرضتين من الطوب ووقف جون، وبدأنا الماتش، يارب يارب .. نغلب الاهلى ، سبعاوى معاه الكورة، الواد ده بيكاسر أوي وبيضرب، سبعاوى برضه تخين أوي زى بيليه وبيحمرأ في اللعب، وكل شوية يقول فاول علينا، سبعاوى هو اللي بيعد 3 خطوات عشان فريق الزمالك يبعد عن الكورة، وهو اللي بيحكم الماتش وهو اللي بيكاسر .. الواد رضوان قال مش عاوزين نلعب مع العيال الخمامة دي تاني، بس بصوت واطى ، هوه ما يقدرشى يقول كده قدام الواد سبعاوى ممكن يموته .. والواد غيبوبه الجون بتاع الاهلى ضرب الواد كرلس وحسبوها بلنتى ، بيليه شاط الكورة جت في الطوبة وطلعت أوت.. بيليه قال جون .. وعيال الاهلى قالوا لأ اوت .. بيليه اختار أتخن واحد فيهم وضربه على قفاه وقاله جون .. العيال الزملكاويه هاصو وقالو جون جون .. يارب نروح قبل ما سبعاوى ما يموتنا.

سبعاوى بتاع الاهلى ماشي بالكورة لوحده ومفيش حد من فريقنا بيجي جنبه.. سبعاوى لابس جزمة كاوتش بس صوابعه مش طالعة منا .. ده كله رجليه طالعة واتكعبل في جزمته.. قال بلنتي.. طب بلنتى أزاى هوه اتكعبل فى جزمته والعيال بتوع الاهلى قالو بلنتي .. عد تسعة ياردة .. وسبعاوى شاط الكرة لبست في رجل صاصا الجون بتاع الزمالك .. هي مش في رجله أوي هي فوق شوية .. وفي حتة حساسة ، حسيت أنه اتكهرب ، وحط ايديه الاتنين على حجره، والعيال الزملكويه بتوع الحارة بتاعتنا جريوا وراه، والله ما هانسيبك، و استخبى الواد ، بس فى الاخر جابوه وكمل المتش عافيه ده طبعاً ما خد لكميه محترمه من صاصا ، رجل بنطلون البيجاما بتاعت صاصا اتقطعت، وقال أمي هتقطع خبري،
هوبة الجون التاني جه لعيال الزمالك.. كرلس جابها برجله ..
ده غيبوبه الجون بتاع الأهلي النهاردة شوربة خالص
كرلس رافع صباعينه الاتنين
عمى حسين قالى يعني ايه
يعني بيقول هيجيب جونين في الماتش
لأ يا عمى دي علامة النصر
الصوت فى الحاره ولع.... وعيال الأهلي بتلعب حلو أوي، الواد غيببوبه بيقول يارب نتعادل بس .... .. يارب جون واحد جون واحد .. يارب جون جون ..يا خسارة مسكها الجون ..الواد غيبوبه مسك جاكتة البيجاما أم مربعات حمراء بتاعت واد مش فاكر اسمه وشدها من الزراير الزراير كلها اتقطعت وده لآنه السبب فى الجون التانى للزمالك .. مش مهم، ايه يعنى الاهلى اتغلب
الماتش خلص خلاص..اتنين واحد..
.. ام الواد غيبوبه قالتله قطيعة تقطع الأهلي والكورة في يوم واحد
أصل لو فيه حاجة هتقطع الأهلي .. يبقى مفيش كورة تاني
انا سامع ام الواد صاصا الجون بتاع الزمالك بتقوله
ايه يا مقصوف الرقبة اللي عمل فيك كده

الباب بيخبط
مين انا:
هوه: انا
انا: أيوه مين يعنى
هوه : انا غيبوبه
انا: ايوه عايز ايه
غيبوبه : افتح الباب بسرعه امى هتضربنى ، خبينى عندك
انا : ايه ؟ أخبيك ؟ طيب!!!
ياد انت مين اللى ضربك كده انت أهلاوى بس متخفشى انا هخبيك عندى بالرغم من انى زملكاوى ، خلاص اهدى كده وبطل عياط.
ياجماعه عادى انا بحب الاهلاوى قبل الزملكاوى مش الكوره اللى هتخلينى ازعل من اى اهلاوى بس برضه زملكااااااااوى
سلام لماتش الاهلى والزمالك الكبير نتأبل

[/size]

تشجيع الأهلى متعة أل معندناش جمهور EBT97505

ههههههههههههههههههههههههه
حلوة قوى يا رسمى
حدوته المصطبة اللى انت كاتبها دى
وفى الاخر بعد ما دورت ورا الارقام
جاى تقول انك بتحب الاهلاوى
طيب يا سيدى واحنا كمان
بس ابقى قوللى لقيت ايه لما دورت زى ما قلتلك
ويا موزة
حلو اجوجو فى الصورة
مستنيينه فى الملعب
والفولات اللى هتتحسب عليه
اذا كان فلافيو نص جسمه وكل شويه يتحسب عليه فاول
طب بالعقل اجوجو هيعمل ايه مع حكام مصر
؟؟؟؟؟؟؟؟؟؟؟؟؟؟؟؟؟؟
ويا داليا مرسى
على مكتبه اللغات اللى نزلتيها
وانا من وراها بقول
ich liebe el-Ahly

اكيد لازم للغات احنا مش فى الالسن

ههههههههههههههه
ماشى يا ست داليا
ممكن صورة لمحمد شوقى
؟؟؟؟؟؟؟؟؟