نسيت...

نســـــــــيت

كلمة كلنا بنقولها

ومع اختلاف الاسباب والظروف بنرددها

ياترى بتقولها كتير ؟؟

ساعات النسيان بيكون حجة بنقولها عشان نتهرب من شيء

ياترى من حقنا نحاسب حد على النسيان ؟؟

ياترى في كل الاوقات بتسامح اللي قدامك لما يقولك نسيت ؟؟ (مهما كانت اهمية الامر اللي نسيه)

على اختلاف الشخص الى ادامى
لو مثلا حد انا بثق فيه وبثق فى كلمته يبقى فعلا هوا نسى انما لو حد متعود يكدب فلا مابصدقش
وبعدين بيبان من تعبيرات الوش نسيت دى من دى
انا عن نفسى بقولها ياما بصراحه
انا بنسى بشكل غير عادى
لدرجة انى ماشيه بورقه وقلم بكتب فيهم كل حاجه عشان اتجنب كلمة نسيت دى
احيانا بقولها عشان اتهرب انا ممكن اقولها عشان خاطر ماحرجش حد ادامى او مثلا لو حاجه انا مش عايزه اعمله ومش قادر اقول للادامى لا بقول نسيت
دا مش على طول دا احيانا
انا ببحب المواجهه عادة بس فى ناس مابيبقاش ليا الحق عليهم انى اواجههم وكدا ومابحبش ابقى قليلة زوق مع حد
احنا ماينفعش نحاسب حد على النسيان
لان الانسان مسيره فى يوم من الايام
ممكن يقع فى موقف زى دا ويبقى سااعتها الحساب عليه هو
اصل الدنيا دى
بتلف تلف وترجع يبقى الدور عليك يعنى انا متيقنه انى اى حاجه بعملها مع اى حد
واى معامله نا بعاملها لاى حد
مسيرها فى يوم من الايام هتتردلى
ومسير حد فى يوم من الايام بيعاملنى بنفس الاسلوب
ان كان سئ او ان كان وحش
فالتسامح افضل
ماينفعش نحاسب حد
الى بيحاسب ربنا مش احنا

اولا النسيان دي نعمة من نعم الله علينا ومش من حق اي حد انه يحاسب الاخر علي النسيان .

لكن في مواقف بنضطر فيها ان احنا نقول كلمة نسيت عشان مثلا منجرحش حد زي ما مي قالت او حاجة انت مش هتقدر تعملها فبتقول نسيت و انا عن نفسي مبسمحش لاي حد ان يحاسبني لمجرد ان انا نسيت حقيقي مش كده و كده .

وشكرا يا باشا علي موضوعك