سلبيات كلية الالسن

على اخر ايامى فى كليتى الحبيبه كلية الالسن
وانا حزين جدا لمفارقتها ومفارقة احبابى واصحابى
هاتحدث شويه عن بعض السلبيات التى وجدتها فى كليتى الحبيبه
يدرس طلاب الالسن كل ترم مادة اللغه العربيه
وطبعا بسم الله ما شاء الله
ميعرفوش ولا حاجه فى اللغه العربيه
طلاب الالسن وانا على راسهم طبعا
متمكنين من اللغات الاجنبيه اللى بنتعلمها
وعند اللغه العربيه (للخلف در)
والسبب انه مادة اللغه العربيه التى ندرسها كل عام
اما ان تكون بلاغه او تكون ادب وشعر وكلام مش بنفهم منه اى حاجه
بس نحفظه علشان نحطه فى الامتحان ونطلع ابيض يا ورد
وتجاهل الدكاتره والكليه والاداره ماهو المفروض على طلبة السن ان يدرسوه ويتعلموه؟
الا وهو النحو العربى
من المفروض يعنى طلاب كلية الالسن يدرسوا النحو العربى فقط لا غير كل عام
لانه بصفه عامه هايستفيدوا منه
اما فى الحياه العامه او فى مجال الشغل والترجمه بعدين
معقول واحد يعنى يجى يترجم فى الاخر ميعرفش يركب جملع عربيه صحيحه من الناحيه اللغويه
مش عيب برضه ده يحصل
لا ياتى لنا الا دكاتره بتوع ادب وبلاغه
طيب ليه مش يجيبوا نحو افضل شاء من شاء وابى من ابى
النحو اهم لطلاب الالسن يا بشر
هنستفيد منه فى الترجمه على الاقل
ليه بتعملوا كده معانا
اطالب ادارة الكليه بانها تاخذ فى الحسبان الموضوع ده
وتركز على موضوع النحو وتدريسه للطلاب فى الكليه
مش ادب وبلاغه وشعر
حاجات بالنسبه لطلاب السن ليس لها اى فائده تذكر
ندرس برضه حاجات تنفع بعدين فى الشغل
الدكتور مبروك ربنا يكرمه

درس لنا كثير من الحاجات دى والاخطاء اللغويه التى تقابل خريج الالسن فى الشغل والحياه العامه
وحاجات فعلا استفدنا منها
ليه بقى باقى الدكاتره لا ينهجوا مثل هذا النهج
وليه ادارة الكليه متاخدش بالها فى الموضوع ده

ودى اول حاجه اتكلمت عنها وتابعوا سلبيات كلية الالسن
تحياتى

بجد يا ابو زياد انت معاك حق ومعاك حق كبير اوى
ياريت بجد الاداره تسمعلك
لان كلنا فعلا مستغربين اوى من الموضوع دا

معاك حق الوحيد اللي بيهتم بطلاب الالسن وبيحترمهم هو الدكتور مبروك

شكرا على المرور والمشاركه
ويارب نلقى حد بس يسمعنا وياخد براينا

هاتكلم اليوم على السلبيه التانيه اللى وجدتها فى كلية الالسن
الا وهى اللغه التانيه

كل قسم مقرر عليه لغه تانيه
لكن مش بنشوفها الا يوم الامتحان
هل من المعقول طلبة كلية الالسن
يتخرجوا من الكليه بلغه واحده فقط ويتقنوها ويتكلموها كمان بالعافيه؟
مصيبه فعلا
على الاقل المفروض نطلع بلغتين طيب

بنضطر بعد التخرج الى اننا ناخد كورسات بره وفى اللغات التى قد تكون لغه تانيه مقرره علينا
زى الفرنسى او الامانى او الانجليزى

فدا شىء سلبى جدا عدم الاهتمام باللغه التانيه
مش بناخدها فى الكليه الا محاضره واحده فى الاسبوع وبدون اى اهتمام
من الدكاتره او الطلبه
وبندرس فيها اى كلام
اطالب ادارة الكليه والمسؤلين
انهم ياريت ياريت يهتموا باللغه التانيه
واطالب بزيادة عدد المحاضرات المخصصه لها
والاهتمام بها فعلا
كما نهتم باللغه الاولى فى كل قسم
حتى يخرج الطالب معاه على الاقل لغتين
يمشى بيهم حاله
بدل ما ياخد كورسات بره فيهم هم الاتنين
ارجو انه الكليه تهتم باللغه التانيه ونتعامل معها معاملة اللغه الاولى بالظبط
من حيث الغياب
والدرجات
والامتحانات
وكله فى مصلحة الطالب اولا واخيرا
يعنى انا كمثال باخد لغه تانيه فرنسىة
مش عارف فيها اى حاجه
ومضطر اخد فيها كورسات
علشان اتكلم بيها بعدين
مش تبقى اسم على غير مسمى فى شهادة التخرج
فكل ما اطلبه هو الاهتمام باللغه التانيه فى كل قسم
وشكرا وانتظروا باقى السلبيات

بجد بجد الله عليك
الله عليك يا ابو زياد
انا عايزه اقولك انك السلبيات الى انت بتقولها دى بجد فعلا واقعيه
اسمحلى اقول السلبيه التالته

السلبيه التالته
الاوهى معامل اللغه
معامل اللغه عندنا تلاقى الى بيتكلم برا انت سامع صوته جوا
وبكل وضوح كمان اكتر من الحاجه الى انت بتسمعها اصلا
دا يوم مابينعموا ويتكرموا علينا ويدخلونا معمل اللغه اصلا
يمكن السنه دى بجد دى اول سنه ندخل المعمل كذا مره كدا
بس احنا عايزين فعلا جزء السمع والكلام
دا جامد محتاجينه لانه هوا الشئ المطلوب بسوق االعمل
وبعدين عايزين المعامل تبقى معزوله شويه عن الى رايح والى جاى
وتتحط لاتات كدا ممكتوب عليها ان فيه معامل هنا ومن المفروض احترام المكان وعدم التحدث بصوت عالى

شكحرا على مرورك الكريم
وسلبياتك الحلوه
انا اتصلا اربع سنين مدخلتش معامل خالص
تصورى
فى الكليه
ومدخلتش معامل
مشكوره على الرد والمشاركه

ومن السلبيات التى اراها فى كلية الالسن
موضوع بحث التخرج
والدكاتره فى كل الاقسام بدون اسثناء بتفرض على الطلبه
موضوعات غصب عنها
والطالب مش بيعرف عنها اى شىء
ولكن انا افضل انه بحث التخرج
يكون اختيارى
والطالب يكتب فى المجال اللى يحبه
او يختاره بنفسه
يعنى انا السنه دى كتبت بحث تخرج
ولم استفد منه بكلمه واحده
حرام يعنى كده
نكتب عن حاجات لا بنفهمها
ولا بنسفتيد منها
ولو كان البحث اختيارى
كنت انوى كتابة بحث عن سيرة الرسول صلى الله عليه وسلم بالغه بتاعتى
على الاقل الدكاتره الاجانب يقروه يشوفوه يعرفوا من هو رسول الله
وما هو الاسلام
لكن طبعا البحث مش اختيارى وده فى كل الاقسام
فعلى الاقسام وادارة الكليه
انها تخللى البحث اختيارى
يعنى الطالب يكتب فى المجال اللى شايف فيها نفسه
ممكن نضع بعض التقنين للموضوع
بحيث ما يوسعش قوى يعنى
بس يكون فى فرص اكثر للاختيار
وانتظروا باقى السلبيات

والله موضوع رائع

نفسى حد يسمعنا

انا كطالبة السن

هستفاد ايه بحفظ شعر عنترة او اى شعر اخر وبعد

الامتحان انساه

انا الى هيفدنى من العربى النحو وبس

بس للاسف يا ابو زياد

طلبة كتير بيستسهلوا ومش بيحبوا النحو

يعنى مشكلة فينا اولا كمان

مشكوره على التعليق والمرور
ربنا يكرمك
والله منهج الدكتور مبروك
كان يرضى جميع الاطراف وكان منهج مفيد جدا جدا
لنا كطلبة كلية الالسن
لكن نعمل
ايه
تعليم بايظ من اوله لاخره
وتحياتى

:B\: ههههههههههههههههههههههه يديكوا الصحه يارب كده مفهاش الكليه ايجابيات خاااااااااااااالص 3 اهم حاجه داخلين علشانها في الدمار بس بصراحه عندكوا حق بس جايين تفتكروا وانتوا بتخلصوا

ربنا يوفقكم في حياتكم ولو بقيتوا دكاتره ياريت تحاولوا توصلوا للنقطه دي من الطلبه

عندك حق بس تفتكر حد هيسمعنا

احنا نضى ضميرنا بس
سمعونا و لاء
حاولوا انتم بقى كطلبه مستمرين فى الكليه انكم توصول صوتكم للدكاتره
وتقولوا لهم على كل حاجه
ثانيا من السلبيات التى ارها فى كلية لالسن
وهى خطيره جدا
اولا
هو مش ذنب الكليه لوحدها
هو ذنب الدوله والحكومه بضه
والمفروض كليتنا سوء فى المنيا او عين شمس
هو عدم اعتراف الدوله والحكومه بن رسميا
يعنى معظم كليت لجامعه تلاقى لها نقابه
او جمعيه تربطها
لكن احنا طلبة الالسن لاء
نضطر اننا نعمل دبلومه سنتين علشان ناخد كارنيه ارشاد
او نتشرد كل وحاد على مكان
معقول كليه لها قيمه كبيره مثل كليتنا ونادره
لا يعترف بها رسميا
ثاينا
كليه زى كليتنا برضه
ليه متحاولش تتفق مع شركات ترجمه و شركات سياحه
او اماكن تدريب للطلاب
ببلاش
مش عاوزين فلوس
بس تتفق مع الشركات دى انها تقوم بتدريبنا عملي
فى منشائتها
ونحصل على شهادات من تلك الشركات
علشان نملى السيره الذاتيه
ونتخرج على الاقل عارفين حاجات كويسه
حولنا
ونقدر ندخل سوق العمل بقلب جمد
وكمان فى حاجه تانى
ليه لكليه لا تعطى الطلبه
كورسات ولو بمبلغ بسيط
فى اللغات كلها
يعنى تعرض الفكره
واللى مثلا عاوز ياخد كورس انجليزى
ياخد
وفى الكليه برضه
واساليب كويسه
والشهاده
تكون معتمده من الكليه والجامعه
مش معقول نطلع بره الكليه
واحنا بالعافيه عارفين لغه واحده
وممكن برضه تعطى دورات كمبيوتر وتدريب على الرخصه الدوليه
وبفلوس برضه
بس تكون رمزيه
مش معقول الرخصه الدوليه بره تكون خيصه
وداخل الجامعه غاليه جدا
وعلى الاقل الكليه تستفيد من الفلوس دى وتستغله فى تطوير الكليه

يعنى احنا فى الاجازه
هندور على شغل ولا ندور على كورسات ودورات؟
حاجه الصراحه متعبه جدا جدا
مش كفايه انه الجامعات المصريه مش معترف بيها اصلا

ودا طبعا جزء من كل
ونكمل مره تانى

ولكم جزيل الشكر

حاسب انا الكليه دي لو لسه مش معترف بيها دوليا انا هسيبها من بكره

احنا مش متغربين من بلدنا في اقليم وفي الاخر ميعترفش بيها
ثانيا المبلغ الي بيتصرف فيها تدخلني بيها السن وخاص ويعترف بينا

من السلبيات التى وجدتها ايضا فى كلية الالسن وخصوصا جامعة المنيا عدم وجود مادة المحادثات مع انها اكثر مواد مفيدة جدا لكلية السن

انا السلبيات اللى ضايقتنى قوى انا و كتير من اصحابى
اللغة التانية الالمانى
و مادة اللغة العربية

انا طالب ثانوى عام حلم حياتى هو كليه الالسن بس بعد اللى انتوا قولتوه وبصراحه عندكم حق انا متردد