اخدنا اجازه(شارك برايك)

شكلرا علي الموضوع الجميل
ابو زياد

الخطه
طبعا هخرج واتفسح زي كل الناس

هشوف اصحابي و اخرج معاهم

هزور ارايبي يعني اعمل صله رحم


و كمان لازم نعمل حاجه مفيد

هاخد كورس icdl

هكون اكثر نشاط في المنتدي

مشتركه في جمعيه خيريه هكون فيها اكثر تفاعل و نشاط

انشاء الله


يارب

خطه حلوه
بس ناقصها حاجات كتير
فين العباده من ده كله
القرءان
مش ناويه تحفظى قرءان مثلا
تطورى نفسك فى اللغه بتاعتك باى وسيله
فى حاجات تانى ياريت تاخدى بالك منها
وتحياتى
منظرين باقى المشاركات

السلام عليكم ورحمة الله وبركاته
انا عضوة جديدة معكم فى المنتدى ارجو ان افيدكم واستفيد منكم ان شاء الله
ا خى ابو زياد بارك الله فيك وهذ موضوع فعلا مهم
لان اكتر شىء بيفسد الشباب هو الفراغ
وقد قال رسول الله صلى الله عليه وسلم(نعمتان مغبون فيهما كثير من الناس الصحة والفراغ)
وجب علينا استغلال الاجازة فى اشياء مفيدة
اكيد طبعا اول ما اخلص امتحانات هريح شوية واخرج مع اصحابى ويمكن اسافر اى مكان للتغيير
يعنى على الاقل اريح اسبوعين كده وبعد كده ان شاء الله اضع برنامج
مثلا (حفظ الفران_صلة الرحم_ اقرا اكتر عن دينى
اتعلم مهارات جديدة_اعرف الدنيا بيحصل فيها ايه مثلا اتابع اخبار المسلمين فى كل مكان_اشترك فى عمل خيرى واساعد الناس

بصراحة فى حاجات كتير ممكن نعملها فى الاجازة غير القاعغدة قدام التليفزيون ومتابعة الافلام والمسلسلات والجلوس الغير مفيد على النت
على فكرة انا اتخرجت من كام سنة كده يعنى انا فى اجازة على طوووووووووووووووووووووول

شكرا والسلام عليكم ورحمة الله وبركاته

منتظرين باقى المشاركات
والردود
وعاوزين مشاركات اكثر ايجابيه وتنظيم يا شباب
علشان نعرف على الاقل لو نضعها فى جدول
ممكن الناس تطبعه ويبقى معاها فعلا
ثانيا
ليه محدش جاب سيرة الجواز
ولا محدش ناوى يتجوز فيكم خالص

موضوع رررائع فعلا
وطبعا انا برضه مخلصه بس مش من زمااااان
وفعلا فى اجازة علطول

اكيد طبعا اول ما كنت باخد الاجازة باخد راحه شويه بعد كده ارتب ايه اللى ممكن اعمله

لكن بصراحه انا دلوقتى عندى كام حاجه وهقولكو عليها عشان نستفيد وانا برضه بستفيد منكووو

اولا بحفظ قران الحمد لله
ثانيا بساعد ماما فى البيت
وبتعلم برضه الاكل ما دى برضه حاجه بنستفيد منها

بقعد اتفرج على برامج دينيه مثل قناه الناس

طبعا بتدخل نت بستفيد من المواضيع ولو عجبتنى اى حاجه
ببلغها لقرابيى واصحابى عشان كلنا نستفيد

كان نفسى اخد كورسات بس لحد الان مش اخدت

وبرضه نفسى ازور موسسات وكده

وان شاء الله هحاول

اما بالنسبه للجواز يا ابو زياد
فدى بقى بتاعت ربنا
وجزاك الله خيراااااا

السلام عليكم ورحمة الله وبركاته
حياكم الله جميعا
فى الحقيقة يا اخ ابو زياد الحاجة اللى انجزتها ولله الحمد هو حفظ القران
وتعلمت شوية امور فى دينى واطلعت على بعض الكتب الدينية
واتعلمت اطبخ الحمد لله بس لم تتح لى الفرصة ان اذهب الى مؤسسات خيرية او شىء من ذلك
بس هحاول ان شاء الله
جزاكم الله خيرا
والسلام عليكم ورحمة الله وبركاته

[/b][/center]

كلنا باذن الله هنشغل
وبرضه ننتظر الجيش
وان شاء اللهتحاول على قد ما تقدر انك تحافظ على الصلاهولا تضيعها
لا بارك الله فى عمل يلهى عن الصلاه
وربنا يوفق الجميع

منتظرين باقى المشاركات

طبعا انا اول حاجة هعملها فى الاجازة هريحلى يومين على الاقل فى البيت لانى بقالى مدة طويلة بعيد عنه وبعد كده هخرج مع اصحابى لانهم واحشينى خالص
ولحد الان انا لسه مخططتش انا هعمل ايه فى الاجازة

وشكرا ابو زياد على الموضوع الجميل

اول حاجة شكرا ليك ياعبدة على طرح الموضوع دة
اول حاجة طبعا حريح فى البيت واقعد اسبوعين على الاقل مع والدى وووالدتى واخواتى
وبعد كدة فى حاجات بفكر فيها
1- بفكر اروح شرم الشيخ عايز اشوف الدنيا ماشية اذاى وعايز اقوى لغتى شوية
2- بفكر اروح المركز الثقافى فى القاهرة واخد قرصات
3- بفكر اروح اصيف اسبوعين فى اسكندرية وانفض لايطالى
مش عارف بس فى كل الحالات انا زهقت من قعدة الكافتريا فى البلد والبلد مفهاش حاجة تشجعنى انى اقعد فيها

انا نفسى اعمل الحاجات دى ان شاء الله.............

1..نفسى ارجع القراان....لان مدرسه القران جميله مش بس انها بتخلينا نحفظ القران....لا بتربطنا كده بالدين وبتعرفنا على صحبه صالحه

2...عايزه اتفرج على برامج على قد ما اقدر لمصطفى حسنى وعمز مسعود وعمرو خالد بالذات...عشان انا كنت مقصره ف الموضوع ده قوى ف الدراسه

3....عايزه اقرى كتييييييييييييييير

4...عابيزه ابقى حريفه فى الطبخ وعمل الحلويااات...وكان نفسى اخد كورسات ف الموضوع ده...بس شكلوا ما فيش...ولو ما فيش هنجيب انا و صحباتى ع المنتدى وصفات اكل وننفذها ف البيت...( وربنا يستلر)

5...عايزه اسافر ....لان السفر ده بيغير كتير فى شخصيتى وبستفيد منه قوى....

6....كان نفسى اتعلم التفصيل ...بس برضه نفس الموضوع...مش لاقيه حتى اروح فيها اتعلمه

7...اما بانسبه ل اللغه...ف انا مش بفكر انى افتح فيها اى كتب ولا انى اخد فيها ولا كورس عشان انا زهقت منها....مممكن كل اللى اعمله انى اعمل شات باللغه عشان افضل فاكراها

8....هى النقطه دى مش مستنيه انى احطها فى تخطيطى لانها موجوده جدا وبقوه.........النت.....طبعا مش عايزه كلااام....وانا بعتبر ان النت ده بيفدنى قوى....وبيعلمنى حاجااات كتير

كفايه كده....وهبقى اقوللكم ع الحاجات اللى عملتها فعلا

شكرا يا ابو زياد على موضوعك...
وعايزين نعرف برضه خططك انت ايه؟؟؟؟؟

شكراليك على الموضوع وان احنا لازم نواظب على صلاتنا مش صلاة امتحنات وبس ونقرأ قرآن والاحسن اننا نحفظه ونسأل على اصحابنا مش يبقى اصحاب مصلحه وبس ساعت الدراسه

شكرا ليك علي مواضيعك الجاده ابو زياد
وربنا يكرمك يارب
بالنسبه للاجازه يلعم فأنا مش عارف اعمل اي حاجه
ده طبعا غلشان الجيش بتاعي مرحله اوله يعني قريب
مش عارف اسافر بالرغم من وجود الشغل كتير وفي كل حته من شرم الشيخ حتي أسوان
وكمان مش عارف أخد كورسات
خايف ليكون الوقت قليل ولو دخلت الجيش مأقدرش أكمل
يبقي لا طلت عنب الشام ولا بلح اليمن
المهم انا في في دماغي حاجات كتير بس الجيش رابطني معاه
وربنا يستر وعلي علي فكره انت واحشتني قوي والناس كلهم وحشوني

السلام عليكم
انا عضوء جديد بس بجد بجد الله ينور المنتدا منور بيكو
انا اتمنا انى افيدكم واستفاد منك

انا الاجازه دي سافرت الكويت
اصيف بقي وكده
ههههههههههههههههههههههه
يعني تغير جو عن الجو البائس اللي كنت عايشه فيه في مصر وخصوصا
ان اهلي مش معايا وجيت والله كان عندي كده شويه ظروف في البيت
وكانت ممغصه علي حياتي بس الحمدلله عدت علي خير
ووالله زي ما انتوا عارفين انا احنا البنات خصوصا
مفيش حاجه يعملوها غير القعده في البيت وخصوصا لو كانت لس بتدرس
يعني انا بكل صراحه مش باستفيد بوقت الاجازة غير بقراءه الورد القراني يوميا
انشالله علي ما تيجي الاجازة الجايه هتكون الروف احسن وناويه افتح مشروع كده صغير علي ادي اهو منه استفيد من الوقت والجهد
وربنا معانا
وميرسي ليك اوي علي موضوعك

انا بقى نفسي ارجع بيتنا
ولما ارجع مش هطلع منو دقيقه واحده لغية ماتبدأ الدراسه السنه الجايه
هفضل قاعده مع بابا وماما وأخواتي
وحشوووووووووووني اوووووووووي
لما جيت هنا المنيا وبقيت لوحدي عرفت قيمة البيت والنعمه واللدلع اللي كنت عايشا فيه
اهو كولو بطلع على عنيا