بعد التجربه

تجارب الحياه والعلاقات الكتير والخبره الذياده
والتركيز المطلق في كل شي والتفكير المستمر
والحسابات
كل الحاجات دي تحمل معنايين معنى ممكن يحرمك من متعة الحياة
ومعنى ممكن يخليك تنول كل الحياه
انا هتكلم عن المعنى السلبي الاول بس
واول حاجه تجارب الحياه والعلاقات الكتير الانسان مننا طاقه وروح وللاسف طاقه غير متجدده ودي حقيقه لا اراديه على فكره و روح غير قابله للحياه اكثر من مره
يعني انت كانسان ليك طاقه محدوده وحياه لفتره معينه
الي بتعمله قسوة الحياه وتجاربها انها بتموت الاحساس بداخلنا مره عن مره ممكن انت بتبقى فرحان بكثرة علاقاتك وتعدد تجاربك الشخصيه لكن للاسف انت لو خدت بالك هتلاقي نفسك بتتنقل من علاقه لعلاقه لاسباب الفشل مش لاسباب النجاح لان لو في نجاح هيكون في استمرار
ده بيحصل ليه
بيحصل لاسباب كتير منها سوء الاختيار والتسرع وعدم الادراك وعدم معرفة مردود ده ايه لان احنا ممكن نعمله ونتمادى فيه فجاء نلاقي نفسنا غير سعداء بالمره
النتيجه ايه
النتيجه ان الروح صورتها بتبهت في كل مره والقدرة على العطاء بتقل مره ورا مره ومش هتلاقي عندك او جواك شي تقدر تديه لحد تاني
وتذيد المشكله اكتر
انك لو عشت عمر بحالو ولسا ملاقتش الانسان الصح وعمال تخبط وتحط نفسك في مواقف وتعرف ناس لمجرد انك بتدور ومعندكش هدف في كده ومعندكش نموذج معين بتدور عليه كل الي بتستفيدو هو انك بتنقص منك حته لحد ماتبقاش حاجه خالص مجرد جسد بدون روح ولاطاقه
وتبقى سيء الحظ لو في اللحظه دي وصل الانسان الصح وانت واقف قدامه نصف انسان تاريخك معتم واحساسك ميت
ومستقبلك ضيق
هتفقد رغم خبرتك وتجاربك متعة الحياه في الوقت الصح ومع الناس الصح
الي انا عايز اقوله من الموضوع ده
مش مهم اعمل كل حاجه المهم اعمل حاجه واحده صح
مش مهم اعرف كل الناس المهم اعرف الناس الصح
مش مهم اكون فاهم كل حاجه المهم اكون فاهم نفسي صح

الموضوع مطروح لمناقشه

موضوع رائع وكلام رائع يا جرين هارت

بص ياباشا الحياة تجارب ولازم الانسان يجرب عشان يتعلم من تجاربه والانسان الصح هو اللي بيستفيد من تجاربه انا من رايئ ان الانسان عمره ماهيختار صح ولا هيعمل حاجه صح غير
لما يجرب في الاول وبعد كده يعرف الصح من الغلط ويستفيد من تجربته مهما كانت خبرته .

شكر جرين هارت

أكتر جزء عجبني هو ده

النتيجه ان الروح صورتها بتبهت في كل مره والقدرة على العطاء بتقل مره ورا مره ومش هتلاقي عندك او جواك شي تقدر تديه لحد تاني

فعلا كتر العلاقات حتى لو صداقات بين ولد وولد او بنت وبنت مش شرط حب يعني

بتخلي الواحد كأنه سلعه غير قابله للاستهلاك مره تانيه
اللي هو الواحد بيكون ادى كل حاجه للشخص ده ولو في يوم
من الأيام لقى الشخص الصح مش هيكون عنده حاجه تاني يديهاله
وده بجد عن تجارب شخصيه

اشكر موزا على مساهمتك وعلى وجهة نظرك
بس الفكره في الفرض نفسه الي بيقول لو كانت تجاربك دي مش مفيده وانت وانت بتسعى
طول الوقت لكده ايه الحل وامتى تقدر توقف نفسك
وايه شكل الاستفاده من شي سيء فعلا اتعلمت الدرس كسبت جرح جديد
على فكره مش شرط عشان نتعلم اذاي تكون الحياه نتبهدل ونتجرح
لكن نحاول نختار صح

ولسا في باقي

سويت بيرد
اكيد تجربتك الي انتي بتتكلمي عنها
اثبتت كلامي لان ده الي بيحصل للاسف
والمثال الي انتي قولتيه قريب جدا من الحقيقه وعندك حق طبعا فيه

الف شكر ليكي على مرورك وعلى المساهمه
وتابعي معانا

جرين انا هجاوب عايزاك بس تقولى انا فهمت صح الموضوع ولا لا

اصلى المواضيع الطويلة بفصل فى النص

انا عن نفسى حاسيت انى قضيت 3 سنين فى الكلية بدون ماحس انى عايشة احلى سنيين عمرى

يعنى ماما نفسها هى الى بتقولى

ان لازم اعيش حياة الكلية مع اصحابى واخرج معاهم وكده

انا للاسف ومش اسف اوى يعنى ضيعتها فى اقوم بدرى اروح الكلية احضر كل المحاضرات

ارجع اذاكر انام

ونفس الموضوع بجد حسيت بملل غير طبيعى

قررت ان سنة رابعة باذن الله

هعطى الكلية حقها بس مش على حساب انى اتمتع باخر سنة دراسة

قررت ما اعطيها ازيد من اللازم يعنى

اذيك يا فله
بصراحه اليوم الي بيمشي مابيرجعش تاني ولو عشتي النهارده يوم كويس
مافيش اي ضمانات انه يتكرر تاني او يجي يوم احسن منه
حاول تستمتعي بوقتك على قد ماتقدري بالطريقه الي انتي شايفاها صح
اختاري ناس صح تعيشي معاهم الايام دي
ماتديش فرصه لاشخاص سلبيين يضيعو وقتك في صراعات ملهاش لازمه
وقومي للدنا كل يوم الصبح وقولي النهارده يوم جديد النهارده يوم لازم اعيش فيه
قولي انا موجوده

وربنا يوفئك ويسعد ايامك

الحمد لله على كل يوم وعلى كل حال

كانك كنت معايه والله فعلا

عشت ال3 سنين دول فى صراعات دايما

حسيت انهم ضاعوا منى

عشان كده ناوية اعوضها السنة الجاية باذن الله

اكيد انا بئى ليه ناس جديدة زى اصحابى

الى شفتهم هنا فى المنتدى

هما احسن صحاب لاننا عرفنا بعض بدون مجاملات ولا حسابات

شكرا على النصيحة ياجرين هارت اشكرك بجد

الشكر لله يا وردة المنتدى

اول شئ احب اشكرك يا جرين على موضوعك الرائع دا
ثانيا احب اعلق على الموضوع من نقطتين اول نقطه
انت لو قصدك بالتجارب فى الحياه العاديه مابين الاصحاب
انت فعلا معاك حق انه بيبقى الواحد خلص زهق من كتر انه كل شويه يصاحب حد ويسيبوا وهكذا
بس مابتاخدش منوا
انا ياما كان عندى اصحاب
وكانوا يبقوا قريبين منى ويبعدوا
وياما كانوا بعاد عنى وبيقربوا
وفى ناس مره واحده اختفوا وانا ماعرفش عنهم دلوقتى اى حاجه
مع انهم كانوا غاليين عندى اوى ومع ذلك مابحسش ان كتر الصحاب دا اخد منى فى حاجه
عادى بصاحب لد دلقوتى ناس جديده وفى ناس كانت بعيده عنى زمان وقربت منى دلوقتى
واصحابى الى هم قريبين منى انا بحبهم جدا
هوا كان فى عيب واحد للموضوع دا كلوا انى انا مابقتش اثق فى الناس دى مشكله كبيره اوى عندى
ومابقتش اعرف افرق الناس الكويسه من الناس الوحشه
مع انى المفروض انى ورد عليا ناس كتير ووشوفت انواع كتير من الناس بس بجد خلاص مابقتش عارفه اثق فى حد

وجهة النظرالتانيه
لو انت قصدك بالتجارب فى الحب
فدا ماينفعش فعلا ان التجارب تكون فيه كتيره
لان بعد كدا بيصبح الموضوع عادى
بيكون الحبيب دا زيه زى اى حد غيره راح او جه مش هتفرق كتير موجود او مش موجود مش بيبقى فيه اختلاف
بيبقى حصل تبلد فى المشاعر
وبجد انا شوفت ناس تجاربهم ففى الحب لما كترت اوى
خلاص مابقوش عارفين يجبوا اصلا
بس هوا كان فى حاجه انت كنت قولت قبل كدا ان الحب دا طاقه متجدده بالرغم من انى ماكنتش موافقه على المبدا دا
وكنا اتناقشنا فى موضوع زى دا قبل كدا فى موضوع الحب الاول الى كانت كتباه لولى
وجيت هنا وقولت ان
الحياه طاقه وبتخلص وكدا
وهناك قولت ان الحب طاقه متجددده

فانت كدا انا مش عارفه ايه موقفك فى الموضوع

هاي ادمن احب اشكرك في الاول
المهم بقا
انتي يتسئلي عن موقفي بين المعناين او بمعنى اوضح انتي حسيتي اني متناقض مع نفسي
بين اني قولت ان الحب طاقه متجدده وان الحياه طاقه منتهيه
الي انا قولته بالتحديد
ان الحب طاقه متجدده وده حقيقي واتناقشنا فيه
بالنسبه للحياه
انا قولت
الانسان مننا طاقه وروح وللاسف طاقه غير متجدده ودي حقيقه لا اراديه على فكره
و الروح غير قابله للحياه اكثر من مره
الفرق بين الحياه والحب
فرق منطقي جدا
يسمح باختلاف المعنى في التعبير عنهم
لان الحب مجرد احساس احنا بنعيشه في الحياه ممكن يتكرر اكثر من مره
لكن الحياه نقدر نعيشها كام مره هيا دي المشكله
الي انا حاولت اوصفه والي ممكن يكون وصلك انه تناقض
اني هنا بتكلم عن كل تجارب الحياه جوه دايرة الحياه المحكومه بوقت رضينا ام لم نرضى هتخلص فيه
وهناك كنت بتكلم عن الحب ذاته وبوصف احواله ومحاولاته في الاستمرار جوا حياه غير مستمره
ارجع واكد كلامي ان الحب لوحده طاقه متجدده
طول منا بالقي ناس صح
والحياه والروح طاقه غير متجدده
لا دي كمان هتخلص اسرع من المتوقع لو كانت مع الناس
الي مش مفروض عليا اكمل معاهم

ولسا في باقي