حين ميسره

انا لسه شايفه فلم حين ميسره ...

عايزه اعرف اه رأيكوا فيه

ناس بتقول حلو وناس بتأول سئ و ناس بتأول كويس
اه رايكوا
عايزه اعرف رأي كل الاعضاء

لا تبخلوا علي بالردود

بصراحة كده الفيلم جرئ اوى

وتقريبا كده انا اول مرة اسمع فيلم عربى واقعى

لان الاحداث بتاع الفيلم واقعية جدا وبتحصل فى العشوائيات اللى احنا مش عايشين فيها

بس ده مينمعش ان فى بعض اللقطات و الالفاظ الخارجة واللى تعدت كل الحدود بالنسبة لمجتمعنا الشرقى

شكرا ليكى يا نور

yasser
moza
welcom

الفيلم احداثه واقعية و بيبين مشكلات كتير
العشوائيات و التسول والارهاب و الفقر و الجوع
و الحكومة اللى فيها بعض العناصر الفاسدة
بس كان فى الفاظ خارجة كتير و مشاهد برده خارجة بصراحة ما كانش ليها اى لزوم
وهو مش بيقدم حلول و ساب النهاية مفتوحة عشان فعلا مفيش حل
عن نفسى انا طلعت ببكى من الفليم لان حسيت ان فى ناس كتير قوى بتتعذب
و مطحونة فى الحياة و على العكس فى ناس مبسوطة اوى
و شكرا يا نور

الفيلم ده نقله فى السينما المصريه ( ايه الكلام الكبير ده )
المهم أنا عايزة اقول انه مفيش حاجه كلها سلبيه ومفيش حاجه كلها ايجابيه
الفيلم يا جماعه بيعرض مشكله وقضيه مجتمع وده مهم
وبعدين ليا رائى يعنى
الناس لما تشوف فيلم مثالى تقول ده كلام افلام ودول بيضحكوا علينا ولما نشوف حاجه واقعيه نقول ده وحش وجرىء زياده عن اللزوم ومش عارف ابه
بس عامه احنا ممكن نعمل اجتماع ونحلل الفيلم

مارمورا
انا مقولتش ان الفيلم وحش انا قولت انه واقعي وجرئ وبالنسبة لمجتمعنا الشرقي مينفعش ان يكون في الفاظ و لقطات خارجة بالطريقة دي

عايزين رأيك يا نور

الفيلم اصلا تحفه
واقعى جدا
انتوا بتتكلموا فى ايه

moz_a كتب:

مارمورا
انا مقولتش ان الفيلم وحش انا قولت انه واقعي وجرئ وبالنسبة لمجتمعنا الشرقي مينفعش ان يكون في الفاظ و لقطات خارجة بالطريقة دي

عايزين رأيك يا نور

انا رئي من رائي MOZA

الفلم رائع بيناقش مشكله حقيقيه خطيره
بس خارج فعلا فيه الفاظ سيئه و مناظر أسواء
وده مينفعش في مجتمعنا الشرقي الاسلامي

شكرا لتفاعلكوا