| مكتوب 6 | |
|
+5seito fulla_flower NOODY ANGEL GREENHEART 9 مشترك |
كاتب الموضوع | رسالة |
---|
GREENHEART عضو جديد
عدد الرسائل : 497 العمر : 42 تاريخ التسجيل : 06/03/2008
| موضوع: مكتوب 6 الخميس 15 مايو 2008, 04:53 | |
| بشخبط شفت فالشخبطه خطوط ووشوش متلخبطه قولت اكملها تبقى اوضح يمكن توريني شيئ يفرح لما اوصل النقط المتنقطه لاقيت شباك اتفتح قزاز انكسر جرح عصفور وحيد عمره مافرح حزن عليه طفل حزن مش عادي دموعه دوبة كلام كنت كاتبه من اعدادي داب الحبر حفر قبر جواه سر بينادي صباره محدش حس بيها لما عشقت صبرت صبرت لحد مانشفت بيجري الهوى فكل المكان دمر بيت العنكبوت على الحيطان وانسان بيعرج مسنود على انسان هدايا على الارض وورد دبلان كنت شايله في كتاب زمان حبيبتي علامة استفهام حبيبتي كلام في كلام حبيبتي كل الي اعرفه عن حبيبتي أضغاث احلام النور خايف وفرحان وزعلان مره ينور مكان ومره يعتم مكان مره اشوف نفسي والف مره اشوف يأسي وسط اوضه في شقه على السطوح في بيت آيل للسقوط وارواح آيلا للصعود في حاره من جوا حاره في حته اشبه بالمراره في الحي البعيد الرديء الخنيق المميت في المدينه المسكينه في دولة الدود انتهينا في قارة السود الحزينه على كوره بتلف بينا مفيش انفاس بوقي متربس بترباس الخوف خلا مافيش احساس وناس رافعه الايدين متعلقين وعالاكتاف شايلين هموم سنيين مجانين في صندوق الدنيا ومجانيين بالدنيا عايشين يبعت الشتا شعور مخيف تنام بردان تشوف تخاريف البرد احساس ضعيف الحر داخل واللحمه بترخص في الصيف في ناس بتبيع نفسها وناس البيع عندها كيف قلمي الرصاص اتبرى كله رسم باخلاص عالورق زله واحد بيمد ايده لواحد ايده مقطوعه بيكذب ان الاماني اشياء ممنوعه كاس الرضا مكبوب وعم محجوب في الطولة مغلوب مش بيته اولى من قعده كلها زنوب بواقي زينا من رمضان الي فات الست امينه بتربي ولادها من سكات سي السيد مات وهيا عايشا في كل الاوقات نتيجه بتكر شهر ورا شهر والعمر قطر والحظ زهر والفقر شر ومفيش مسر ومفيش مفر لو ضاق عليك ممر الي جاي اضيق مامر اب بيضرب ابنه ضرب موت لو ابنه مات هو وراه هيموت اصبر عالموت فميعاده هيفوت نار قايده مولعه رقاصه عجوزه مهكعه لابتدي نور ولا بتدي دفا اسمع في الكلام مزيكا افهمه واسمع من المزيكا كلام اتعلمه واقرا كلام بين السطور واستره واكتب كلام حلو وانشره يستامنوني كتير على سرهم وانا سري ملوش امان عندهم بيعجبوني الصبايا كلهم معرفش مين معجب بيا منهم علمني استاذي نجيب محفوظ افكر علمني عمي صلاح جاهين اسخر علمت نفسي عشان اكبر فعنين الناس لازم في عنيا انا اصغر شاعر وكاتب وراوي وسعات شغال مداوي وانا فيا العبر ومليان بلاوي معملتش حاجه لاخرتي بس ناوي مبقاش في الورقه ولا ملي الشخبطه ماسابتش شيئ فاضلي الكوتشينه بقت متفنطه هات سيف كمان سيف هات صورتي المحبطه اخر دور في الشخبطه | |
|
| |
GREENHEART عضو جديد
عدد الرسائل : 497 العمر : 42 تاريخ التسجيل : 06/03/2008
| موضوع: رد: مكتوب 6 الخميس 15 مايو 2008, 06:02 | |
| مكتوب 6 محتاجه شوية خيال وانت بتقراها في كل صوره جواها اقراها تاني وتالت وفكر ورد وقولي شفت ايه ولسا في باقي | |
|
| |
ANGEL عضو جديد
عدد الرسائل : 880 العمر : 34 تاريخ التسجيل : 29/12/2007
| موضوع: رد: مكتوب 6 الخميس 15 مايو 2008, 08:16 | |
| محيرة جدا بس حسيت انك بتتكلم عن كل حاجة فى حياتنا تقريبا اتكلمت الاول عن الحب اللى ديما نهايته حزينة و الوحدة اللى بعد الحبيبة وبعد كده عن الدنيا و بلادنا و حالها والناس التعبانة و ساكتة واتكلمت عن الاب والام و تعاملهم مع ولادهم وبعد كده عنك وعن الناس اللى حاوليك و اخيرا عن انك اتعلمت حاجات كتير عشان تسبت نفسك فى الحياة وده اللى الناس كلها المفروض تعمله دى بصراحة اللى فهمته ممكن اكون غلط طبعا بس ده اللى وصلنى بس بحييك عليها لانها بجد تحفة واحلى من كل مرة بس لازم تقولنا قصدك بيا ايه؟ | |
|
| |
NOODY مشرفه
عدد الرسائل : 1138 العمر : 34 تاريخ التسجيل : 18/01/2008
| موضوع: رد: مكتوب 6 الخميس 15 مايو 2008, 11:42 | |
| فنااااااااااااااااااااااااااااااااااااان يا جريين والله..........جميله قوووى بجد ودووول بالذاات........ مجانين في صندوق الدنيا ومجانيين بالدنيا عايشين
قلمي الرصاص اتبرى كله رسم باخلاص عالورق زله نتيجه بتكر شهر ورا شهر والعمر قطر والحظ زهر ودى تحفه......... اسمع في الكلام مزيكا افهمه واسمع من المزيكا كلام اتعلمه واقرا كلام بين السطور واستره واكتب كلام حلو وانشره ودى بحس انها زيى.......... .. يستامنوني كتير على سرهم وانا سري ملوش امان عندهم
ودى فعلااااااااا وصف لييك بالظبط........ شاعر وكاتب وراوي وسعات شغال مداوي ودى.......... مبقاش في الورقه ولا ملي الشخبطه ماسابتش شيئ فاضلي الف مليوون ميرسى يا جريين ع الكلام الرائع ده والله
| |
|
| |
fulla_flower مشرفه
عدد الرسائل : 3720 العمر : 35 المزاج : coOol العمل\الترفيه : Germanistik تاريخ التسجيل : 10/03/2008
| موضوع: رد: مكتوب 6 الخميس 15 مايو 2008, 12:09 | |
| انا قريتها مرتين بس مش كفاية اعتقد
بس الى فهمته
انك فتحت كتاب ذكرياتك
وبتحكلنا عن مواقف عشتها وحاجات اثرت فيك
صح ولا غلط فهمى
انا اكيد هقراه تالت ورابع | |
|
| |
seito عضو جديد
عدد الرسائل : 1878 العمر : 35 المزاج : الحمد لله العمل\الترفيه : المفروض طالب \الكورة والنت والرسم والغناء تاريخ التسجيل : 09/03/2008
| موضوع: رد: مكتوب 6 الخميس 15 مايو 2008, 13:35 | |
| كلمة شكر قليلة ليك يا جرين ولا اقولك يا فنان الف الف الف شكر على العمل الرائع ده ودى حتة عجبتنى قوووووووووى مره اشوف نفسي والف مره اشوف يأسي وسط اوضه في شقه على السطوح في بيت آيل للسقوط وارواح آيلا للصعود في حاره من جوا حاره في حته اشبه بالمراره في الحي البعيد الرديء الخنيق المميت في المدينه المسكينه في دولة الدود انتهينا في قارة السود الحزينه على كوره بتلف بينا | |
|
| |
AL_Administirator Admin
عدد الرسائل : 3577 العمر : 35 المزاج : شغاال العمل\الترفيه : طالبة على قد حالى تاريخ التسجيل : 03/12/2007
| موضوع: رد: مكتوب 6 الخميس 15 مايو 2008, 14:17 | |
| جميله وحزينه متمرده وواقعيه هاديه بس جواها ثوره كلمات جميله وتعابير ارق مما يكون الله عليك يا جرين | |
|
| |
GREENHEART عضو جديد
عدد الرسائل : 497 العمر : 42 تاريخ التسجيل : 06/03/2008
| موضوع: رد: مكتوب 6 الأحد 18 مايو 2008, 06:44 | |
| الله عليكو يا احلا ناس عرفتهم في حياتي الف شكر على ردودكم الجميله وانا هرد على واحد واحد انشاء الله في كل رد هو كتبه لمكتوب 6 | |
|
| |
SARA عضو جديد
عدد الرسائل : 104 العمر : 36 تاريخ التسجيل : 06/12/2007
| موضوع: رد: مكتوب 6 الإثنين 19 مايو 2008, 04:50 | |
| | |
|
| |
LOLY عضو جديد
عدد الرسائل : 1068 العمر : 34 تاريخ التسجيل : 01/01/2008
| موضوع: رد: مكتوب 6 الإثنين 19 مايو 2008, 12:17 | |
| بجد حلوه اوى اوى انا مكنتش فاهمه فى الاول بس قراتها اكتر من مر ه وفهمتها مرسيه اوى | |
|
| |
GREENHEART عضو جديد
عدد الرسائل : 497 العمر : 42 تاريخ التسجيل : 06/03/2008
| موضوع: رد: مكتوب 6 الخميس 22 مايو 2008, 06:27 | |
| ANGEL انجل انت ردك من احسن الردود الي جاتلي على مكتوب6 والي وصلك في كلام كتير اوي صح وكفايا رؤيتك وتحليلك للموضوع بجد شيئ رائع بسطني جدا والف شكر لاهتمامك والحمد لله ان مكتوب 6 وصلت بنسبه كبيره لانها صعبه شويه ومليانا صور شكرا مره تانيه
NOODY
انا كل مااقرا كلمة فنان دي ابص ورايا وبعد كده حد يقولي ايوه انت بتقولك انت الف شكر على المشاركه الجميله وعلى اللقب الي انا بموت فيه شكرا يا نودي وشكرا على الاجزاء او الصور الي انتي اختارتيها لانهم من الصور الي انا بحبها اوي في مكتوب والجزء الي انتي وصفتيني فيه عندك حق هو انا فعلا اختيارات في الجون والف شكر مره تاني fulla_flower ممكن تكون لمست جزء من الماضي لكن هيا مش زكريات في اشياء معاصره كتير ومش شخصيه في المطلق لكن مني ومن الدنيا الي حواليا اقريها زي ماقولتي تاني وتالت ورابع واول احساس تحسي بيه منهااكتبي عنه وهستنى ردك التاني ]وشرفني جدا مرورك يا فلة المنتدى
seito
سايتو الجميل الشكر لله طبعا اني اعرف ناس جميله زيك وربنا يخلينا ديما معا بعض قولي يا فنان قولي يا جرين كفايا انك بتقولي شكرا على اهتمامك وعلى اختيارك الرائع
[b] Admin
ادمن مش عارف اقولك ايه انتي اختصرتي اجمل رد في اجمل كلمات بشكرك طبعا على وصفك الاكثر من رائع وخير الكلام ماقل ودل شكرا على مرورك الهادي
SARA
شرفني جدا مرورك ونورتيني في مركز الاستماع وفي مكتوب بالذات لانها من اكتر الحاجات بحب الناس تقراها واعرف رايهم فيها وشكرا مره تانيه
LOLY شكرا لولي والحمدلله انها وصلت انا عارف هيا متعبه شويه وتلغبط حبتين بس الحمدلله من النتيجه واديكي بتقولي حلوه اوي بس دي كفايا اوي علي[ مليون مرسيه
| |
|
| |
mayoy عضو جديد
عدد الرسائل : 806 العمر : 34 تاريخ التسجيل : 11/12/2007
| موضوع: رد: مكتوب 6 الخميس 22 مايو 2008, 11:57 | |
| موضوع جميل اوى و تسلم ايديك يا جرين | |
|
| |
GREENHEART عضو جديد
عدد الرسائل : 497 العمر : 42 تاريخ التسجيل : 06/03/2008
| موضوع: رد: مكتوب 6 الثلاثاء 27 مايو 2008, 05:44 | |
| شكرا ميويو ونورتيني والله الف شكر | |
|
| |
| مكتوب 6 | |
|