التطوع ..... من وجهة نظركو

صباح الخير.. أو مساء الخير حسب يعني انت بتقرا امتى !

لو كانت دي المرة الأولى اللي تزورنا فيها فيا أهلا وسهلا بحضرتك.. لو كانت التانية فاحنا فرحانين أوي إنك جيت تاني !
النهاردة هنتكلم في حوار التطوع.. ناس كتير أوي متعرفش يعني إيه تطوع.. أو الموضوع في دماغها ميخرجش عن زيارة دار أيتام..
فهندردش شوية ونشوف إن التطوع ده ليه معنى أكبر من كده.. و إن كل واحد مننا ممكن إنه يكون "متطوع" ...
اقرا وشوف..
ياريت تبعتوا لنا رأيكم في اللي هتقروه المرة دي ولو عندكم تجارب ليها علاقة بالموضوع ده يسعدنا إننا نعرفها. ولو عندكم أي إقتراحات لموضوعات تحبوا
نناقشها إبعتوا لنا

انا من رأيى

انه لعمل يثاب عليه المرء خاصه انه يتمنى حسن الجزاء من المولى الخالق
وانه لشرف عظيماتمنى ان اشارك فيه وياريت ننظر للموضوع بفهم اكتر حيث الابواب كثيره ومتنوعه على سبيل المثال مساعده كبار السن والشهامه فى مناصره الضعيف والوقوف امام الظالم المستبد ان العمل التطوعى لشرف عظيم
فيا من يريد قصد باب من ابواب الجنه فليبدا فرب عمل صغير تثاب وتفوز بالجنه

يا ريت كل واحد يبعت رأيه
هو شايف التطوع إزاى ؟؟؟؟؟؟
ونناقش بعض
واللى عنده حاجة يفيد التانى بيها

التطوع حاجة كويسة طبعا
وعمل نبيل ناخد عليه ثواب
اكتر حاجة منتشرة دوقتى هى التطوع فى الجمعيات الخيرية
وبجد بيعملوا حاجات كويسة جدا فى الجمعيات دى
زى مثلا جمعية صناع الحياة النشاطات فيها مفيدة جدا
وياريت الكل يشارك فيها
وشكرا يا سايتو على الموضوع الرائع

شكرا انجل على المرور